Pakɔsje 94:5 - Maktub gə́ To gə Kəmee

⁵ Njesigənea̰, deḛ neelé tal koso-dəwje ləi naŋg ras-ras ləm, Deḛ gə́ to nédɔji ləi lé d’orè dɔ dee naŋg més ləm tɔ.

Pakɔsje 94:5 ပူးပေါင်းရင်းမြစ်များ

Pakɔsje 14:4

Deḛ lai gə́ ra néje gə́ yèr lé See deḛ gər rəbee el wa. Deḛ gaŋg dəwje ləm mbidi-mbidi D’ar dee to gə́ nésɔ lə dee, Deḛ ɓar ri Njesigənea̰ bèe el.

Pakɔsje 44:22

See Ala gə́ njegər néje gə́ to loo-kiya’g meḛ dəwje’g lé See yeḛ a kaskəm gər el wa.

Pakɔsje 7:2

Njesigənea̰, Ala ləm, m’saŋg loo-kula-dɔm rɔi’g, Maji kari ɔrm ji deḛ gə́ d’ula kəm ndòo’g lé ajim.

Pakɔsje 74:8

Deḛ pa meḛ dee’g kəi pana: Ar sí n’raje sə deḛ lai né gə́ kərm-kərm! Looje lai gə́ to gə kəmee mee ɓee’g neelé deḛ roo dula-dula ya.

Pakɔsje 79:7

Mbata deḛ gaŋg ŋgaka Jakob lé mbidi-mbidi D’ar loo-siée kara wa ŋgɔ njag-njag.

Esai 3:15

See na̰ ɓa un ndia ar sí talje ne dəwje ləm naŋg ras-ras ləm, Gə oreeje ne dɔ njéndooje naŋg ləm tɔ bèe wa. Mbaidɔmbaije gə́ Njesigənea̰ gə́ njeboo-néje ɓa dəji ta togə́bè.

Esai 52:5

Ndá Njesigənea̰ pana: Ɓasinè, see m’a ra ban ɓa loo gə́ deḛ d’ɔr koso-dəwje ləm kari ba lal lar lé wa. Njesigənea̰ pana: Njékorè dɔ dəwje naŋg lé ra né wəl-wəl ləm, teḛ gə ndɔ saar kàr ur naŋg jigi lé d’ula sul dɔ rim’g ləm tɔ.

Jeremi 22:17

Nɛ i lé kəmi gə dɔ ɓəŋgəri To mba tɔl ne mal kiŋga né gə goo rəbee el ləm, Gə mba kila ne məs yeḛ gə́ ta wa dəa el ləma, Gə mba kula kəm loo ndòo Ra ne né gə́ kərm-kərm ləm tɔ.

Jeremi 50:11

Oiyo, maji kar sí síje Dan rɔlel’g gə dan kalrɔ’g Seḭ gə́ undaje nédɔji ləm banrɔ. Oiyo, maji kar sí tilaje riŋga To gə́ ma̰də maŋgje Gə́ d’aar loo-ko̰-mu’g ləm, Maji kar sí no̰je to gə́ kundaje Gə́ gə siŋga dee bèe ləm tɔ.

Jeremi 51:34

Nebukadnesar, mbai gə́ Babilɔn Sɔ sí rɔg-rɔg ləm, Tuji sí pugudu-pugudu ləm tɔ, Yeḛ ar sí n’tel n’toje jo gə́ mée to wəl, Yeḛ uru sí mée’g magə To gə́ da-kɔb uru ne né bèe ləm, Yeḛ ar néje lə sí gə́ mbərḛ mbə̰ Rusu mée tub ləm tɔ, Yeḛ tuba sí.

Nɔ̰-ndôo gə́ wɔji dɔ Jerusalem 3:36

Loo gə́ deḛ d’ila ta lə dəw gel gə mḭdé ba loo-gaŋg-rəwta’g ləm tɔ lé See Njesigənea̰ oo el wa.

Ejekel 22:7

Loo gə́ mee ɓee-boo’g ləi lé dəwje d’ə̰ji bɔ deeje gə ko̰ deeje bəḭ-bəḭ ləm, d’ula kəm dəw-dɔ-ɓee ndòo ləma, deḛ buguru ŋgonal gə njekəisiŋga ləm tɔ.

Loo gə́ killa rea kəm Ja̰’g 11:3

M’a kun ndum kar njékɔrgootaje ləm gə́ joo lé siŋga dee mba kɔr ne goo ta kar ndɔ dee tɔl-dɔg-giree-joo gə dəa rɔ-misa̰, d’a kaar gə kubu-kwa-ndòo rɔ dee’g.

Loo gə́ killa rea kəm Ja̰’g 17:6

Ma m’oo dené lé, məs deḛ gə́ to gə kəmee ləm, gə ka̰ njékɔrgootaje lə Jeju gə́ d’wəi mbata ləa ləm tɔ tɔl dené lé asəna gə mán-nduú gə́ mḭ gə́ ai.