Pakɔsje 94:10 - Maktub gə́ To gə Kəmee

¹⁰ See yeḛ gə́ wɔji ginkoji dəwje gə raŋg kəmkàr ləm, Yeḛ gə́ ar dəw gosonégər ləm tɔ lé See yeḛ a kar bo̰ néra dəw ɔs təa’g el wa.

Pakɔsje 94:10 ပူးပေါင်းရင်းမြစ်များ

Maktub gə́ wɔji dɔ Jɔb 28:28

Tɔɓəi yeḛ ula dəw pana: Aa oo, ɓəl Mbaidɔmbaije ɓa to kəmkàr, Kunda rɔi ɓad dɔ néra gə́ majel’g ɓa gə́ gosonégər tɔ.

Maktub gə́ wɔji dɔ Jɔb 34:29

Ɓó lé yeḛ ar loo to lɔm ndá See na̰ ɓa a kaskəm kɔm ɓəl dɔ dəwje’g wa. Ɓó lé yeḛ iya kəmee ndá see na̰ ɓa askəm kée wa. Yeḛ ra né gə ginkoji dəwje gə raŋg əsé dəw gə́ kára aree asəna

Maktub gə́ wɔji dɔ Jɔb 35:11

See yeḛ gə́ ndoo neḛje né unda daje gə́ dɔ naŋg nee ləm, Gə́ ar neḛje gosonégər gə́ ur dɔ ka̰ yelje gə́ d’aw pə̰ dara’g ləm tɔ lé si ra ɓəi wa.

Pakɔsje 10:16

Njesigənea̰ to mbai gə́ gə ləbee-ləbee saar-saar gə no̰, Ginkoji dəwje gə raŋg gə́ to njémeeyèrje lé D’udu bo̰ mee ɓeeko̰’g ləa lé.

Pakɔsje 119:66

Maji kari ndoom loo kɔr kəm ta gə gosonégər lé Mbata m’ɔm məəm dɔ godnduije’g ya.

Pakɔsje 149:7

Gə mba dal ne ba̰ ginkoji dəwje gə raŋg ləm, Mba kar bo̰ néra koso-dəwje ɔs ne ta dee’g bɔsɔrɔ ləm,

Pakɔsje 44:2

Ǝi Ala, jeḛ j’oo ta gə mbi sí ləm, Bɔ síje-je d’ɔr gée d’ar sí j’oo Kula raije gə́ i ra tɔl bém mee ndɔje’g lə dee Gə mee ndəaje gə́ ləw lé ləm tɔ.

Pakɔsje 9:5

Mbata i gədm dɔ néram gə́ danasur’g ləm, Gə dɔ ta’g ləm ləm tɔ, I si dɔ kalimbai’g ləi gaŋg ne rəwta gə́ gə dɔ najee.

Gosota-Kəmkàrje 2:6

Mbata Njesigənea̰ ɓa Ar dəw kəmkàr, Tea-yeḛ nja ɓa négər Gə gosonégər d’ḭ keneŋ,

Esai 10:12

Nɛ loo gə́ Mbaidɔmbaije a tɔl ŋgaŋ kula ləa bém dɔ mbal gə́ Sio̰ gə dɔ njé gə́ Jerusalem ndá yeḛ a kar bo̰ néra mbai gə́ Asiri ɔs təa’g mbata né beelé gə́ to dɔɓəŋgəree’g ləm, gə kəsta gə́ yeḛ ti ne rəa mugugu-mugugu ləm tɔ.

Esai 2:3

Ginkoji dəwje gə raŋg lai d’a ndɔm na̰ keneŋ Ndá d’a pana: Gə́ reeje ar sí j’awje dɔ mbal’g lə Njesigənea̰ ləm, Gə j’awje mee kəi’g lə Ala lə Jakob ləm tɔ Gə mba karee ndoo sí torndiaje Kar sí njaaje ne kila-rəwje’g ləa. Mbata godndu a kḭ Sio̰’g ləm, Ta lə Njesigənea̰ a kḭ Jerusalem ləm tɔ.

Esai 28:26

Ala ləa ndée rəw gə́ kəm karee njaa keneŋ ləm, Yeḛ tɔjee néje gə́ kəm ra ləm tɔ.

Esai 37:36

Yen ŋga kura lə Njesigənea̰ unda loo teḛ kunda dəwje tɔl dee as tɔl-dɔg-loo tɔl dəa rɔ-jinaijoo giree-mi (100.085) loo-si Asirije’g. Loo gə́ d’ḭta gə ndɔ ndá aa oo, nin dəwje to naŋg rib-rib tɔ.

Esai 54:13

Ŋganije lai gə́ diŋgam lé D’a to njekwakila Njesigənea̰-je ləm, Némajije d’a daa na̰ rɔ ŋganije’g lé rib-rib ləm tɔ.

Jeremi 10:25

Ar oŋg-boo ləi ɔm dɔ njépole-magəje’d Gə́ gəri el lé ləm, Gə dɔ koso-dəwje’d Gə́ ɓar rii el lé ləm tɔ, Mbata deḛ gaŋg njé’g lə Jakob mbidi-mbidi, Deḛ gaŋg dee, d’ar dee d’udu ləm, Deḛ tuji loo-si dee pugudu ləm tɔ.

Ejekel 39:21

N’a riba dɔ rɔnduba lə neḛ mbuna ginkoji dəwje gə raŋg’g, tɔɓəi ginkoji dəwje gə raŋg lai d’a koo rəwta-gaŋgje lə neḛ gə́ n’a gə gaŋg ləm, gə bo̰ néra dee gə́ n’a karee ɔs ta dee’g gə ji neḛ ləm tɔ.

Amɔs 3:2

Ma mbər sí-seḭ ya kára ba Mbuna ginkoji dəwje’g lai-lai gə́ dɔ naŋg nee: Gelee gə́ nee ɓa m’a kar bo̰ néra majel lə sí lai ɔs ta sí’g ya.

Habakuk 1:12

Njesigənea̰, Ala ləm, i njerɔkunda ləm, See i ɓa sí keneŋ kédé par-par lé el wa. Jeḛ j’a kwəi el! Ǝi Njesigənea̰, i ɓa unda koso-dəwje neelé Mba kar dee to njégaŋ-rəwtaje ləi, Ǝi i kɔr mbal ləm lé, i ɔs kudu dee Mba kar d’ar bo̰ néra dəwje ɔs ta dee’g.

Habakuk 3:12

I gugu dɔ naŋg nee gə boo-oŋg ləi ləm, I rəd dɔ ginkoji dəwje gə raŋg naŋg mbə̰ji-mbə̰ji gə meekḭ pu ləi ləm tɔ.

Tagə́maji gə́ Ja̰ ndang 6:45

To gə́ deḛ ndaŋg taree mee maktub gə́ lə njéteggintaje’g lé pana: Ala ɓa a ndoo dee né. Togə́bè ndá dəw gə́ rara ɓa gə́ oo ta lə Bɔ-dəwje ɓa taa ta ləa rəgm ndá a ree rɔm’g nja.