Pakɔsje 92:6 - Maktub gə́ To gə Kəmee

⁶ Ǝi Njesigənea̰, néraije lé boo, al dɔ loo sula ya ləm, Takə̰jije ləi kara uru yaa̰ ya ləm tɔ.

Pakɔsje 92:6 ပူးပေါင်းရင်းမြစ်များ

Pakɔsje 104:24

Ǝi Njesigənea̰ kula raije lé bula yaa̰ ya. I ra dee lai-lai gə kəmkàree ya ləm, Némajije ləi lé kara Taa dɔ naŋg nee pəl-pəl ya ləm tɔ.

Pakɔsje 139:14

Ma m’pidii mbata m’to dəw-kunda ləi gə́ maji dum. Kula raije lé maji péd-péd ya, Yee ɓa ma m’gər gao ya.

Pakɔsje 14:1

Pa lə Dabid gə́ ar bao-pa mba karee ɔs sə dee lé. Mbə-dəw lé pa mée’g pana: Ala godo ya. Deḛ tel to d’asəna gə né gə́ ndum ləm, Deḛ ra néje gə́ yèr gə́ to kḛji ləm tɔ, Yeḛ gə́ njera maji gə́ kára bèe kara godo.

Pakɔsje 32:9

Maji kar sí toje mbəje asəna gə kundaje əsé kundaje-mulayḛ̀jeje el, Deḛ lé d’wa ta dee gə kéŋgəlé gə aljem Gə mba kar dee ra səi né el.

Pakɔsje 49:10

D’a si gə no̰ dee el ləm, D’a kaskəm kiya rɔ dee lal koo bwa-dɔɓar lé godo ləm tɔ.

Pakɔsje 73:22

M’oo to gə́ m’to mbə-dəw gə́ m’lal gosonégər ya. M’to asəna gə da bèe kəmi’g.

Pakɔsje 75:4

Naŋg yə ləm, deḛ lai gə́ d’isi keneŋ Ndəb ne pəd-pəd ləm tɔ, Nɛ ma lé m’ar gaji kageeje ŋgəŋ ŋgəŋ-ŋgəŋ.

Pakɔsje 94:8

Seḭ dəwje gə́ njégərnéelje lé Undaje kəmkàr dɔ rɔ sí’g, Seḭ mbə-dəwje lé kara See ndɔ gə́ ra ɓa kəm sí a kàr ɓəi wa.

Gosota-Kəmkàrje 1:22

Seḭ gə́ négər na meḛ sí tas lé See ndɔ gə́ ra ɓa a kəwje rɔ sí raje né Gə́ gə mḭdé ba lé wa. Seḭ njékula sul dɔ loo’gje lé See kula sul dɔ loo’d gə́ lel sí lé A kundaje ŋgaŋgee ndɔ gə́ ra wa. Seḭ mbəje kara see ndɔ gə́ ra ɓa A kundaje ŋgaŋ mbad gər gin né lé wa.

Gosota-Kəmkàrje 24:7

Kəmkàr lé al dɔ mbə-dəw sula, Yeḛ askəm teḛ təa ja̰ tarəwkɔg’d el.

Gosota-Kəmkàrje 30:2

Tɔgərɔ ya, ma lé m’gər né el m’unda dəw gə́ rara kara ləm, M’iŋga gosonégər gə́ ka̰ dəw el ləm tɔ,

Esai 1:3

Bɔ maŋg gər njekulee ləm, Mulayḛ̀ gər bəgərə-sɔ-né ləa Gə́ to rɔ ɓéeje’g ləm tɔ. Nɛ Israɛlje ndigi gər né kára kara el, Kəm koso-dəwje ləm inja dɔ gosonégər’g el.

Esai 28:29

Né neelé ḭ rɔ Njesigənea̰ gə́ njeboo-néje’g, Ta né gə́ yeḛ wɔji-kwɔji ra lé maji dum ləm, Kəmkàr ləa boo al dɔ loo sula ləm tɔ.

Esai 55:9

To gə́ dara to ne əw gə naŋg bèe lé Togə́bè ɓa rəw néraje ləm-ma to ne əw Gə rəw néraje lə sí ləm, Takə̰jije ləm-ma kara D’ur dɔ ka̰ sí-seḭ’g bèe ləm tɔ.

Jeremi 10:14

Dəw gə́ rara kara Négər ləa aree tel mbə ləm, Njelḛ̀ né gə́ rara kara rəa kul Mbata lə né gə́ yeḛ ndaji ləm tɔ, Mbata magəje ləa to néŋgɔmje ləm, Kəmə godo meḛ dee’g ləm tɔ.

Jeremi 32:19

I to njemajidum dɔ rəw kwɔji nékəmra’g ləm, i to njesiŋgamoŋ dɔ kula rai’g ləm tɔ. Kəmi oo panjaa dəwje lai gə mba kar nana kara iŋga né gə́ wɔji gə goo panjaa ləa-ləa ləm, gə goo kula rəa-rəa ləm tɔ.

Lugu 12:20

Nɛ Ala ulá pana: I mbə-dəw, mee til’g nee ya d’a ree kuba kankəmrɔi kwa, ŋga néje ləi lai gə́ i wa dɔ gɔl dee jəb-jəb mba̰ lé see d’a tel to ka̰ nawa.

1 Njé gə́ Kɔrḭtə 2:14

Dəw gə́ ə̰ji néje gə́ ka̰ dakasrɔ mée’g ndá a taa néje gə́ ka̰ Ndil Ala lé el, to némbə kəmee’g. Yeḛ askəm gər el mbata dəw gə́ Ndil Ala to mée’g ɓa askəm gər gelee ɓəi.