Pakɔsje 92:3 - Maktub gə́ To gə Kəmee

³ Maji kila mber meemaji ləi lé Teḛ gə ndɔ rad ya ləm, Meenda londoŋ ləi lé kara Maji pa taree loondulje’g ya ləm tɔ

Pakɔsje 92:3 ပူးပေါင်းရင်းမြစ်များ

1 Sôrta Gḭka-Israɛlje 13:8

Dabid gə Israɛlje lai la no̰ Ala’g lé gə sḭgarɔ dee bura gə pakɔs ləm, gə kṵdu-kagje ləm, gə kṵdu-ko̰déje ləm, gə dalè-bajḭgje ləm, gə ma̰dje gə́ sa səgə-səgə ləma, gə to̰to̰je ləm tɔ.

1 Sôrta Gḭka-Israɛlje 15:16

Tɔɓəi Dabid ula mbai dɔ Ləbije gə mba kar dee d’ar ŋgako̰ deeje gə́ to njékɔspaje d’aar loo-kaar dee’g gə nékimje lə dee gə́ to kṵdu-ko̰déje ləm, gə kṵdu-kagje ləm, gə ma̰dje gə́ sa səgə-səgə ləm tɔ ji dee’g gə mba kar dee d’im d’aree ɓar ɔr loo lɔi-lɔi mbata lə boo-rɔkal lə dee lé tɔ.

1 Sôrta Gḭka-Israɛlje 23:30

Deḛ d’aar keneŋ gə ndɔje kára-kára lai gə ndɔ ləm, gə kàrkemetag ləm tɔ mba pidi Njesigənea̰ kula ne rɔnduba dəa’g ləm,

1 Sôrta Gḭka-Israɛlje 25:6

Deḛ lai neelé bɔ deeje d’ɔr no̰ dee keneŋ mba kar dee d’ɔs pa mee kəi’g lə Njesigənea̰ ləm, d’isi gə ma̰dje gə́ sa səgə-səgə, gə kṵdu-ko̰déje, gə kṵdu-kagje ji dee’g mbata loo-kwa-dɔ-na̰ mee kəi’g lə Ala ləm tɔ. Asap, gə Jedutun, gə Heman lé ra kula gə goo ndukunje lə mbai tɔ.

2 Sôrta Gḭka Israɛlje 20:28

Deḛ d’andə Jerusalem mee kəi’g lə Njesigənea̰ gə ndu kṵdu-kagje ləm, gə kṵdu-kaje ləma, gə to̰to̰je ləm tɔ.

2 Sôrta Gḭka Israɛlje 23:5

deḛ gə́ kudu kára gə́ raŋg d’a ŋgəm takəi lə mbai ləma, kudu kára gə́ raŋg d’a ŋgəm tarəwkəi lə Jesɔd ləm tɔ. Bèe ɓa koso-dəwje lai d’a kaar mee gadloo’g lə Njesigənea̰ ya.

2 Sôrta Gḭka Israɛlje 29:25

Yeḛ ar dee d’unda Ləbije mee kəi’g lə Njesigənea̰ gə ma̰dje gə́ sa səgə-səgə ləm, gə kṵdu-ko̰déje ləma, gə kṵdu-kagje ləm tɔ ji dee’g gə goo rəw gə́ Dabid ləm, gə Gad gə́ njekoota ta Ala’g lé mbata lə mbai ləma, gə Natan gə́ to njetegginta d’wɔji ləm tɔ, mbata to ndukun gə́ Njesigənea̰ ɓa un ar njéteggintaje pa taree ya.

Nehemi 12:27

Ndɔ kunda ndògo-bɔrɔ gə́ Jerusalem gə kəmee lé deḛ ɓar Ləbije gə looje lai gə́ d’isi keneŋ mba kar dee ree Jerusalem mba ra naḭ gə́ wɔji dɔ kunda ndògo-bɔrɔ gə kəmee gə paje gə pa pidije ləm, gə kaa ma̰də gə́ saga səgə-səgə ləm, gə kṵdu-ko̰déje ləma, gə kṵdu-kagje ləm tɔ.

Pakɔsje 149:3

Maji kar dee pidee gə ndam lə dee ləm, D’ila riɓar dəa’g gə dalè bajiŋ gə kṵdu-kag ləm tɔ.

Pakɔsje 33:2

Maji kar sí pidije Njesigənea̰ gə kṵdu-kag ləm, Pideeje gə kṵdu-ko̰dè gə́ kulá dɔg ləm tɔ.

Pakɔsje 42:9

Dan kàrá ndá Njesigənea̰ wa səm noji, Loondul kara m’ɔs pa m’pidee ne ləm, M’ra tamaji ta Ala gə́ to gin si kəmba ləm ləm tɔ.

Pakɔsje 57:8

Ǝi Ala, m’wa məəm kɔgərɔ, Ma m’wa məəm kɔgərɔ ya, M’a kɔs pa ləm, M’a kim nékimje ləm ləm tɔ.

Pakɔsje 68:25

Ǝi Ala, deḛ lé d’oo panjaai ya, Panjaa Ala ləm gə́ to mbai ləm lé Mee loo’g ləa gə́ to gə kəmee doi.

Pakɔsje 9:16

Ginkoji dəwje gə raŋg d’oso mee bwa Gə́ deḛ nja d’uru’g lé ləm, Gɔl dee kara réḛ gum gə́ deḛ nja d’iya pḛ́ lé ləm tɔ.

1 Samel 10:5

Gée gə́ gogo ndá i a teḛ Gibea-Elohim, loo gə́ kudu njérɔje lə Pilistije d’isi keneŋ lé. Loo gə́ i a gə kandə mee ɓee-boo’g lé ndá i a kiŋga kudu-njéteggintaje gə́ d’ḭ dɔdərloo’g ləm, d’ɔr no̰ dee gə kṵdu ləm, gə dalè ləm, gə tébé ləma, gə kṵdu-ko̰dè ləm tɔ, tɔɓəi deḛ kara d’isi tegginta ləm tɔ.