Pakɔsje 92:15 - Maktub gə́ To gə Kəmee

¹⁵ D’andə gə kandə dee gə́ kédé saar teḛ ne ɓuga dee’g gəsərə, Bode dee taa rɔ dee pəl-pəl ar dee d’idi ne pug-pug to

Pakɔsje 92:15 ပူးပေါင်းရင်းမြစ်များ

Maktub gə́ wɔji dɔ Jɔb 34:10

Maji kar sí ooje ta ləm ɓa, seḭ dəwje gə́ takə̰ji lə sí inja paw! Néra gə́ lal najee godo rɔ Ala’g lé ləm, Meeyèr godo rɔ Bao-siŋgamoŋ’d ləm tɔ.

Pakɔsje 1:3

Yeḛ to asəna gə kag gə́ mea̰ mbɔr mán’g bèe, Ka̰dee andə gə naḭyee-naḭyee ləm, Kamee kara ndòle el ləm tɔ. Débee neelé néje lai gə́ yeḛ ra lé ɔr dɔ ya.

Pakɔsje 145:17

Njesigənea̰ lé to njemeenda londoŋ dɔ rəwje’g lai ləm, Yeḛ to njemeekɔrjol dɔ néraje’g ləa lai ya ləm tɔ.

Pakɔsje 18:2

Ǝi Njesigənea̰, i gə́ to siŋgam lé Ma m’undai dan kəm’g ya.

Pakɔsje 62:6

Oiyo, maji kam m’isi lɔm mbɔr Ala’g lé ya kára ba ɓa Mbata meekundayel ləm lé ḭ rəa’g ya.

Gosota-Kəmkàrje 10:27

Ɓəl Njesigənea̰ lé Ila ndɔje dɔ maree’g, Nɛ ləb njémeeyèrje to ɗegəse ba.

Soponi 3:5

Njesigənea̰ to njera né gə dɔ najee mbuna dee’g Ɓó yeḛ ra né gə́ majel kára kara el. Teḛ gə ndɔ gə ndɔje kára-kára lai lé Yeḛ riba dɔ rəwta ləa ar dee d’oo Ɓó lal gɔl kára el. Nɛ njémeeyèrje lé rɔkul ra dee el!

Njé gə́ Rɔmə 9:14

See j’a pa ban ɓa dɔ ta’g neelé ɓəi wa. See Ala lé to gə́ njekḭbal ɓa ra né gə́ lal najee wa. Wah! togə́bè el.

Tel tura Godndu 32:4

Yeḛ to gə́ mbal. Kula reaje maji ɔr njoroŋ Mbata rəw-kabeeje lai to danasur Yeḛ to Ala gə́ njemeenda londoŋ Gə́ néra gə́ kori-kori godo rəa’g Yeḛ to njemeekarabasur ləm Gə njera né gə́ gə goo rəbee ləm tɔ.

Tel tura Godndu 34:7

Loo gə́ Moyis wəi lé ləbee aḭ tɔl-dəa-rɔ-joo, (120) kəmee tel to bibli el ləm, siŋgá rəm el ləm tɔ.

Titə 1:2

Deḛ neelé d’ar meḛ dee to ne yel dɔ kəmə gə́ gə no̰ gə́ Ala gə́ njepa taŋgɔm el lé un ne ndia mba kar dee par-par ɓad ɓa d’un kudu tura ləb dee ɓəi.