Pakɔsje 92:14 - Maktub gə́ To gə Kəmee

¹⁴ Maa̰ gə́ ma̰a dee mee kəi’g lə Njesigənea̰ lé Ar dee teḛkɔr mee gadlooje’g lə Ala lə sí.

Pakɔsje 92:14 ပူးပေါင်းရင်းမြစ်များ

Maktub gə́ wɔji dɔ Jɔb 17:9

Lé bèe kara njera nédana aar njaŋg dɔ rəw-kabee’g ləm, Yeḛ gə́ njiá àr ŋgad-ŋgad lé siŋgá ḭ dɔ maree’d gə́ kédé-kédé ləm tɔ.

Pakɔsje 1:3

Yeḛ to asəna gə kag gə́ mea̰ mbɔr mán’g bèe, Ka̰dee andə gə naḭyee-naḭyee ləm, Kamee kara ndòle el ləm tɔ. Débee neelé néje lai gə́ yeḛ ra lé ɔr dɔ ya.

Pakɔsje 71:18

Ǝi Ala, dan ɓuga’g ləm gə́ dɔm pudu ya kara Maji kar i ubam ya̰’m el Gə mba karm m’ila mber ta siŋgamoŋ tɔg mbaŋ ləi lé M’ar njéboakojije lə na̰ gə́ ɓasinè lé ləm, Gə njéboakojije lə na̰ gə́ d’a gə teḛ gə́ teḛ ɓəi lé ləm tɔ.

Gosota-Kəmkàrje 4:18

Kila-rəwkaw lə njémeekarabasurje To asəna gə lookàr gə́ ndogó ɔr jol-jol, Ndogó ləa lé aw gə́ kédé-kédé Saar kàr aar daŋdɔ.

Esai 46:4

Saar teḛ ne dɔ ɓuga sí’g kara Ma m’to togə́bè ya ləm, Saar teḛ dɔ dɔ sí gə́ pudu’g lé kara M’a gəd sí ya ləm tɔ. Ma m’odo sí tɔɓəi m’a tel gə mba kodo sí ya ɓəi ləm, M’a gəd sí kaji sí ne ya ɓəi ləm tɔ.

Jeremi 17:8

Yeḛ to asəna gə kag gə́ mea̰ mbɔr mán’g Gə́ ula ŋgira par gə́ kəm-rəw-mán’g, Yeḛ oo kɔs lə kàr gə́ né el ləm, Kamee kara ndolé el ləm tɔ. Mee ləb gə́ loo tudu keneŋ lé Yeḛ ɓəl el ləm, Yeḛ lal kandə el ləm tɔ.

Ejekel 47:12

Mbɔr kəm-rəw-mán’g lé kag sɔje gə́ gə gel dee gel dee d’a kuba dɔ koŋgeeje’g loo joo bɔr. Kagje neelé kam dee a ndòlé nda̰ el ləm, kandə dee a godo nda̰ el ləm tɔ. D’a kandə gə naḭje kára-kára lai mbata mán a kḭ mee loo gə́ to gə kəmee’g teḛ kula gel dee’g. Kandə dee a to nékul rɔ ləm, kam dee a to kuma̰-kaji-rɔ ləm tɔ.

Matiyo 3:10

Tina to ŋgira kagje’g béréré-béréré mba̰. Kag gə́ rara ɓa gə́ andə gə ka̰dee gə́ maji el ndá d’a tuga badə gaŋg kila pər’d.

Njé gə́ Pilibə 1:11

Togə́bè ɓa, kandə meekarabasur gə́ ḭ rɔ Jeju Kristi’g a daa na̰ rɔ sí’g, yee ɓa seḭ a kulaje ne rɔnduba dɔ Ala’g ləm, ria a ɓar ne ləm tɔ.

Jude 1:12

Dəwje neelé rɔ dee tila ɓal mbuna sí’g loo-nésɔ-noji’g lə sí ləm, né gə́ rii ta’g ɓa deḛ d’ə̰ji gée gə mba mbula meḛ dee’g ləm tɔ. Deḛ to ndi gə́ lel biree aree unda-dɔ ləm, deḛ to kagje gə́ rɔ dee ndòlé naḭ kàrá gə́ kandə dee godo keneŋ gə́ d’wəi gɔl joo ɓa lel ɔr dee gə ŋgira dee bura moŋgoŋgo̰ ila dee naŋg ɓəi ləm tɔ.