Pakɔsje 92:1 - Maktub gə́ To gə Kəmee

¹ Pa gə́ d’ɔs mbata lə ndɔ-kwa-rɔ lé.

Pakɔsje 92:1 ပူးပေါင်းရင်းမြစ်များ

Pakɔsje 107:1

Pidije Njesigənea̰ mbata yeḛ to njemeemaji, Mbata meekɔrjol ləa lé to saar-saar gə no̰.

Pakɔsje 107:15

Maji kar dee d’ɔs gaji Njesigənea̰ Mbata meemaji ləa ləm, Gə mba nédumkooje gə́ yeḛ ra ar dəwje lé ləm tɔ!

Pakɔsje 107:8

Maji kar dee d’ɔs gaji Njesigənea̰ Mbata meemaji ləa ləm, Gə mba nédumkooje ləa gə́ yeḛ ra ar dəwje lé ləm tɔ!

Pakɔsje 135:3

Maji kar sí pidije Njesigənea̰ Mbata Njesigənea̰ lé to njemeemaji, Ɔsje pa arje ria ɓar ne Mbata yeḛ to njekwa sí gə́ rəa’g.

Pakɔsje 147:1

Pidi Ala lə sí lé to né gə́ kəm ra ləm, Kila riɓar dəa’g lé to né gə́ maji gə́ kəm ra ləm tɔ.

Pakɔsje 33:1

Seḭ njémeekarabasurje lé Maji kar sí alje rɔ sí gin Njesigənea̰’g! Pa pidi lé to wɔji dɔ njéra nédanaje ya.

Pakɔsje 50:23

Yeḛ gə́ inja nékinjaməs gə́ ka̰ kɔm na̰’d sad lé Yeḛ nja ɓa ula rɔnduba dɔ neḛ’g, Yeḛ gə́ tɔs kəmee bao-bao dɔ rəw-kabee’g lé N’a kar kəmee inja dɔ kaji’g lə Ala ya.

Pakɔsje 52:9

Aa ooje, dəw gə́ oo Ala gə́ njekaḭ bada dəa’g el, Nɛ yeḛ ɔm mée dɔ nébaoje’g ləa gə́ uru kugu ləm, Yeḛ ti rəa dɔ takə̰jije’g ləa gə́ ka̰ sukəmloo ləm tɔ.

Pakɔsje 54:6

Aa oo, Ala to gə́ njela səm ya, Mbaidɔmbaije kara to gə́ njegədm ya tɔ.

Pakɔsje 73:28

Nɛ ma lé kam m’ŋgəs pər gə́ rɔ Ala’g lé Yee ɓa m’oo gə́ némaji ləm, M’oo Mbaidɔmbaije gə́ Njesigənea̰ gə́ njo̰loo-kula-dɔ ləm Gə mba kɔr ne sor kwɔji ne dɔ néraije’g lai ləm tɔ.

Pakɔsje 82:6

Ma m’pa kédé lé m’pana: Seḭ lé toje gar Magəje ya, Seḭ lai toje ŋgalə Njekurdɔloo lé tɔ.

Pakɔsje 92:8

Ɓó lé njémeeyèrje ra tɔg gə́ kédé-kédé to gə́ mu bèe ləm, Ɓó lé deḛ gə́ ra némajel lé d’idi pug-pug ləm tɔ kara To mba kar dee d’udu ne guduru gə no̰ ya.

Esai 57:15

Mbata Njekurdɔloo ləm Njesikəmba gə no̰ ləma, Yeḛ gə́ Ria to gə kəmee ləm tɔ lé Pa togə́bè pana: Ma m’isi sém looje gə́ ndəw’g ləm, Gə loo gə́ to gə kəmee’g ləm tɔ, Nɛ m’isi na̰’d gə dəw gə́ kəmee to ndòo ləm, Gə yeḛ gə́ ula dəa ləm tɔ, Gə mba gɔl meḛ dee gə́ d’ula dɔ dee ləm, Gə deḛ gə́ kəm dee to ndòo ləm tɔ.

Loo gə́ killa rea kəm Daniel’g 5:18

Ǝi mbai, Ala gə́ Njekurdɔloo’g ar bɔbije gə́ Nebukadnesar ɓeeko̰ gə́ tad rəg-rəg ləm, aree to dəw gə́ boo ləm, ula rɔnduba dəa’g ləma, ar boo-rondubaje taa rəa pəl-pəl ləm tɔ lé.

Njé gə́ Epesə 5:19

Pakɔsje ləm, gə pa kula rɔnduba dɔ Ala’g ləma, pa gə wɔji dɔ né gə́ ka̰ ndil lé ləm tɔ lé yee ɓa ɔsje pea gədje ne na̰ ləm, ɔsje ne gaji Mbaidɔmbaije, ilaje ne riɓar dəa’g gə meḛ sí bura ləm tɔ.

Ǝbrəje 13:15

Bèe ndá maji kar ta sí oji ta pidi Ala ta-ta, yee ɓa gə́ nékinjaməs gə́ j’un j’ar Ala mba kar ria ɓar ne.

Ǝbrəje 4:9

Bèe ndá kankəm loo-kwa-rɔ lə dəwje lə Ala gə́ gəd gə́ as ndɔ gə́ njekɔm’g siri lé to gən ya.