Pakɔsje 91:16 - Maktub gə́ To gə Kəmee

¹⁶ M’a kar dəa ai səgərə kar mée ndá ne kaḭ ləm, M’a karee oo kaji ləm gə kəmee nda̰-nda̰ ya ləm tɔ.

Pakɔsje 91:16 ပူးပေါင်းရင်းမြစ်များ

Gḭ-Néje 25:8

Ləb si kəmba lə Abrakam bula ləm, ar ndɔje ləa d’asee ləma, ləb ɓuga ləa kara iŋga rɔlel keneŋ ləm tɔ ɓa ndilee teḛ aree wəi aw iŋga njé’g ləa ɓəi.

Maktub gə́ wɔji dɔ Jɔb 5:26

Ɓuga a kasi nag-nag ɓa i a kaw dɔɓar’g To gə́ d’odo ne siŋga kó naḭ kḭjá’g bèe.

Pakɔsje 16:11

I a kam m’gər kila rəwje gə́ ka̰ kisi ne kəmba lé gao, Nérɔlelje gə́ d’al dɔ loo sula to nɔḭ’g ləm, Néje gə́ maji dum gə́ to gə no̰ lé To dɔ jikɔli’g ləm tɔ.

Pakɔsje 21:4

Mbata i wa dɔ gɔl nojimeendaje tɔr ne ndui dəa’g ləm, I ula dɔgugu larlɔr gə́ àr ŋgad-ŋgad dəa’g ya ləm tɔ.

Pakɔsje 50:23

Yeḛ gə́ inja nékinjaməs gə́ ka̰ kɔm na̰’d sad lé Yeḛ nja ɓa ula rɔnduba dɔ neḛ’g, Yeḛ gə́ tɔs kəmee bao-bao dɔ rəw-kabee’g lé N’a kar kəmee inja dɔ kaji’g lə Ala ya.

Gosota-Kəmkàrje 10:27

Ɓəl Njesigənea̰ lé Ila ndɔje dɔ maree’g, Nɛ ləb njémeeyèrje to ɗegəse ba.

Gosota-Kəmkàrje 22:4

Kandə kula-dɔ ləm gə ɓəl Njesigənea̰ ləm tɔ lé To nébao ləm gə rɔnduba ləma gə kəmə ləm tɔ.

Gosota-Kəmkàrje 3:16

Kur ndɔje (lə dəw) lé To mee jikɔlee’g ləm, Nébao gə rɔnduba lé kara To mee jigelee’g ləm tɔ.

Gosota-Kəmkàrje 3:2

Yee ɓa a kar ndɔje ləi Gə ləb si kəmbaje ləi d’ḭ ne dɔ maree’d gə́ kédé-kédé ləm, Meelɔm ləi kara a k’ḭ ne dɔ maree’g ləm tɔ.

Esai 45:17

Mbɔl dɔ Njesigənea̰ ɓa Israɛlje d’iŋga ne kaji, To kaji gə́ to saar gə no̰, Seḭ a naije gə rɔkul əsé kəm sɔḭ el Saar-saar gə no̰.

Lugu 2:30

Mbata m’oo kaji ləi gə kəm mba̰

Lugu 3:6

Dəw-kundaje lə Ala lai gə́ dɔ naŋg nee d’a koo kaji lə Ala lé gə kəm dee nda̰-nda̰ ya.

Tel tura Godndu 6:2

gə mba kar sí ɓəlje ne Ala lə sí gə́ Njesigənea̰ ləm, aaje ne godndiaje gə torndiaje lai gə́ m’un ne ndum m’ar sí lé, seḭ a kaaje dɔ dee gə ndɔje lai gə́ seḭ awje ne kəmba, seḭ ləm gə ŋgan síje gə ŋgaka síje ləm tɔ gə mba kar kuru ndɔje lə sí a kḭ ne dɔ maree’d gə́ kédé-kédé ya.