Pakɔsje 91:1 - Maktub gə́ To gə Kəmee

¹ Yeḛ gə́ loo-siée to ndil Njekurdɔloo’g lé Ndil Bao-siŋgamoŋ ɓa yeḛ wa rəa keneŋ.

Pakɔsje 91:1 ပူးပေါင်းရင်းမြစ်များ

Pakɔsje 121:5

Njesigənea̰ lé to njekaa dɔi ya ləm, Njesigənea̰ to ndil gə́ aar dɔ jikɔli’g o̰ dɔi ləm tɔ.

Pakɔsje 17:8

Maji kari tɔs kəmi dɔm’g asəna gə ŋgonkəmi ləm, Maji kari iyam kɔrɔg gel bagi’g lé ləm tɔ.

Pakɔsje 25:13

Dəw neelé a kwa rəa dan maji’g ləm, Ŋgakeaje kara d’a kiŋga ɓee lé gə́ né ka̰ dee ləm tɔ.

Pakɔsje 27:5

Mbata ndɔ gə́ nékəmndoo teḛ lé Yeḛ a kaa dɔm mee kəi’g ləa ləm, Yeḛ a kiyam pḛ́ mee kəi-kubu’g ləa ləm tɔ, Yeḛ a kunm kundam dɔ biri mbal gə́ tar ndoi.

Pakɔsje 31:20

Wai, meemaji ləi al dɔ loo sula! Meemaji neelé i unda kul mbata deḛ gə́ ɓəli, I riba dəa ar deḛ gə́ saŋg loo-kula-dɔ lə dee rɔi’g ləm, Aree to raga pai-pai kəm dəwje’g ləm tɔ.

Pakɔsje 32:7

I ɓa to loo-kula-rɔm keneŋ ləm, I nja ɓa gə́ njekɔgm dɔ koso dan ndòo’g ləm tɔ, I aḭ dɔm sub gə pa taa ne dɔm.

Pakɔsje 36:7

Meekarabasur ləi to asəna gə mbalje lə Ala ləm, Rəwta-gaŋgje ləi to asəna gə ɓul manje ləm tɔ. Njesigənea̰, i nja gəd dəwje ləm, gə daje ləm tɔ.

Pakɔsje 52:8

Njémeekarabasurje lé d’a koo ndá d’a ɓəl ne ləm, D’a kɔr sor kwɔji ne dəa kɔgee ne ləm tɔ pana:

Pakɔsje 57:1

Pakɔs lə Dabid gə́ bao-pa ɔs sə dee lé. D’ɔs gə ndu gwɔs gə́ pana: Ya̰ aree tuji el. Ndəa gə́ Dabid iya ne rəa mee bolè mbal’g loo gə́ Sawul tuba ne gée lé.

Pakɔsje 90:1

Tamaji lə Moyis, dəw lə Ala. Mbaidɔmbaije, i nja to njo̰loo-kula-dɔ lə sí kédé gə́ ləw saar ɓasinè.

Pa gə́ ur dɔ paje 2:3

To gə́ kag-pɔmə gə́ uba mbuna kagje gə́ mee kɔr’g bèe lé Yeḛ gə́ m’undá dan kəm’g lé Aar mbuna basaje’g togə́bè ya tɔ. Ma m’ndiŋga rɔm mba si ndilee’g, Tɔɓəi ka̰dee lel tam’g jula-jula tɔ.

Esai 25:4

Mbata kédé i to loo-kiya-rɔ Le yeḛ gə́ siŋgá godo ləm, Loo-kiya-rɔ lə njenékəmndoo Gə́ si dan néurti’g ləm, Gə néko̰-dɔ-loo loo gə́ lel-boo ula ləma, Gə ndil-ko̰-dɔ-loo loo gə́ kàr ɔs yaa̰ ləm tɔ, Mbata lel ta njékorè dɔ dəwje naŋg lé To asəna gə lel-mal gə́ unda ndògo-bɔrɔ naŋg bèe.

Esai 32:2

Nana kara a to kasəna gə njo̰loo-kula-dɔ gə́ lel dəs giree’g ləm, A to kasəna gə loo-kiya-rɔ gə́ taa lel-boo dɔ dəw’g ləm, A to kasəna gə kəm-rəw-mán gə́ to mee loo gə́ tudu kurum-kurum’g bèe ləma, A to kasəna gə ndil biri mbal gə́ boo gə́ to dɔ naŋg gə́ tudu kurum-kurum’g bèe ləm tɔ.

Esai 8:14

Ndá yeḛ a to kəi gə́ to gə kəmee Nɛ yeḛ a to pil mbal gə́ a tuga gɔl dee ləm, Gə kɔr mbal gə́ a kar gel ka Israɛlje gə́ joo d’ɔr d’oso ne ləma, Yeḛ a to gum gə ba̰də Gə mba kwa ne njé gə́ Jerusalem ləm tɔ.

Nɔ̰-ndôo gə́ wɔji dɔ Jerusalem 4:20

Yeḛ gə́ kəmə le sí to mee jia’g lé, Yeḛ gə́ Njesigənea̰ wa dəa gə ubu lé Oso mee bwaje’g lə dee, Yeḛ gə́ jeḛ m’paje ta ləa m’pana: J’a síje kəmba ndilee’g Mbuna ginkoji dəwje gə raŋg’g lé.

Ejekel 11:16

Gelee gə́ nee ɓa m’a kula dee pana: Mbaidɔmbaije gə́ Njesigənea̰ pa togə́bè pana: Ɓó lé n’ar njé’g ləm nai əw mbuna ginkoji dəwje gə raŋg’g ləm, ɓó lé neḛ n’sané dee gə mee ɓeeje ɓəd-ɓəd ləm tɔ kara n’a to loo-kula-dɔ lə dee mee ɓeeje gə́ d’aw keneŋ lé.

Njéga̰g-Rəwtaje 9:15

Ndá ɔg-ɓəd-kal lé ula kagje lé pana: Ɓó lé seḭ ndigije tɔgərɔ gə mba kwa dɔm gə ubu kundam ne gə mbai lə sí ndá reeje ree ulaje rɔ sí gel ndiləm’g, ɓó lé bèe el ndá pər a kḭ mee ɔg-ɓəd-kal’g roo kag-sɛdrəje gə́ Liba̰.