Pakɔsje 90:16 - Maktub gə́ To gə Kəmee

¹⁶ Maji kar kəm kuraje ləi inja dɔ kula rai’g ləm, Maji kar ŋgan deeje d’oo rɔnduba ləi ləm tɔ.

Pakɔsje 90:16 ပူးပေါင်းရင်းမြစ်များ

Pakɔsje 44:1

Pa lə Koréje gə́ d’ar bao-pa mba karee ɔs sə dee lé

Pakɔsje 77:12

M’a kar məəm olé dɔ néraje’g lə Njesigənea̰ ya, Mbata məəm olé dɔ néraije gə́ maji dum gə́ ləw ya.

Pakɔsje 92:4

Gə nékim gə́ gə ka̰ kuláje dɔg gə kṵdu-ko̰dè ləm, Gə kṵdu-kagje ləm tɔ.

Habakuk 3:2

Njesigənea̰, ma m’oo ta gə́ i pa lé Ndá ɓəl undam badə gaŋgm. Ǝi Njesigənea̰! ar kula raije d’aw lée’g béréré gə ləb dee ləb dee, Gə ləbje ləbje lé ar dee gər kula raije tɔ. Nɛ dan oŋg’d ləi lé ar məəi olé dɔ meekoso lemsé’g ləi to!

Tel tura Godndu 1:39

Ŋgan síje gə́ nai gɔ-gɔ gə́ seḭ pajena: D’a tel to nékwa lé ləm, gə ŋgan síje gə́ ɓogənè gər né gə́ maji gə né gə́ majel el ləm tɔ lé deḛ nja ɓa d’a kandə keneŋ, deḛ ɓa m’a kar dee karee to ka̰ dee-deḛ ya.

Tel tura Godndu 32:4

Yeḛ to gə́ mbal. Kula reaje maji ɔr njoroŋ Mbata rəw-kabeeje lai to danasur Yeḛ to Ala gə́ njemeenda londoŋ Gə́ néra gə́ kori-kori godo rəa’g Yeḛ to njemeekarabasur ləm Gə njera né gə́ gə goo rəbee ləm tɔ.

Jujé 23:14

Aa ooje, ɓasinè ma lé m’a gə kwəi ya. Seḭ gərje gə meḛ sí bura ləm, gə rɔ sí bura ləm tɔ, to gə́ mbuna taje gə́ maji lai gə́ Njesigənea̰, Ala lə sí pa ar sí lé ta kára kara gə́ lal ra née lé godo, taje lai neelé d’aw lée’g béréré-béréré mbata lə sí ɓó yee gə́ kára kara gə́ lal ra née lé godo ya.