Pakɔsje 90:10 - Maktub gə́ To gə Kəmee

¹⁰ Ləb si kəmba lə sí lé aḭ rɔ-siri ba, Nɛ njé gə́ na̰je gə́ siŋga dee to yaa̰ lé Ləb si kəmba lə dee a kaḭ rɔ-jinaijoo, Nɛ to gə́ deḛ ti ne rɔ dee lé Tel to meeko̰ gə kəmndoo gə́ ra dee ya ɓəi. Kur sí a kəw el ya ndá j’a kḭ kawje.

Pakɔsje 90:10 ပူးပေါင်းရင်းမြစ်များ

Gḭ-Néje 47:9

Jakob ila Parao̰ keneŋ pana: Ləbje gə́ m’isi ne kəmba asəna̰ gə mbá bèe lé aḭ tɔl-dəa-rɔ-munda (130). Ndɔje lə ləbje gə́ m’isi ne kəmba lé aḭ bula el ləm, majel yaa̰ ləm tɔ ɓó bula as gə ndɔje lə bɔmje-je gə́ d’isi ne kəmba asəna gə mbáje bèe lé el tɔ.

Gḭ-Néje 6:3

Yen ŋga Njesigənea̰ pa pana: Ndiləm a si mee dəw’g saar-saar gə no̰ el mbata dəw lé to gə́ dakasrɔ ba ndá ndɔje gə́ ka̰ si kəmba ləa d’a kas ləb tɔl dəa rɔ-joo ba ŋga.

2 Samel 19:35

Nɛ Barjilai tel ila mbai keneŋ pana: See m’a kisi kəmba ləbm ka̰da tɔɓəi ɓa m’a kaw gə mbai Jerusalem ya ɓəi wa.

2 Samel 19:36

Ɓogənè ma m’ra ləbm rɔ-jinaijoo ŋga. See m’askəm gər né gə́ maji əsé né gə́ majel ya tɔɓəi wa. See kura ləi askəm gər lel lə nésɔ gə nékai ya ɓəi wa. See m’askəm koo ndu njékɔspaje gə́ diŋgam gə njé gə́ dené ya ɓəi wa. See gelee ban ɓa kura ləi a kaw tel to nékodo gə́ wɔi dɔ mbai’g ləm wa.

1 Mbaije 1:1

Mbai Dabid lé ləbee bula yaa̰ aree ɓuga jɔ-jɔ, lé d’ɔm kubuje dəa’g ya kara rəa nuŋga so el.

Maktub gə́ wɔji dɔ Jɔb 14:10

Nɛ dəw gə́ wəi lé ndá siŋgá godo ŋga. Loo gə́ kəmə lə dəw teḛ mba̰ lé see a kée ra tɔɓəi wa.

Maktub gə́ wɔji dɔ Jɔb 20:8

Yeḛ a kḭ kaw to gə́ néni ndá dəw a koo gée el ləm, Yeḛ a sané pá to gə́ némḭdi gə́ loondul’g bèe ləm tɔ.

Maktub gə́ wɔji dɔ Jɔb 24:24

Deḛ d’unda rɔ dee tar nɛ léegəneeya deḛ godo. Deḛ d’oso, deḛ d’wəi to gə́ dəwje lai d’wəi bèe ləm, Deḛ tḭja dee to gə́ tḭja ne dɔ kó bèe ləm tɔ.

Maktub gə́ wɔji dɔ Jɔb 5:7

Dəw lé d’ojee karee oo ko̰-né To gə́ ndao-pər ḭ gə́ tar bèe tɔ.

Pakɔsje 78:39

Yeḛ ar mée olé dɔ dee’g to gə́ deḛ to dakasrɔ gə́ kari ba, Deḛ to d’asəna gə kṵji ta dəw gə́ teḛ pu ndá Tel ree gogo el lé tɔ.

Esai 38:12

Kəi-sim lé d’un d’aw ne əw səm Asəna gə kəi-kubu lə njékulbadje bèe, Ma m’oo to gə́ kúla si kəmba ləm lé gaŋg Asəna gə kúla kubu Gə́ njekṵjee wa ta’g gaŋg bèe. Un kudee gə ndɔ saar loondul lé I a tɔl səm ŋgaŋ ndɔ ləm bém ya!

Ləbije 27:7

Gad dəw gə́ ra ləb rɔ-misa̰ gə́ tar lé ka̰ yeḛ gə́ diŋgam a to ŋgan larnda dɔg-giree-mi ləm, ka̰ yeḛ gə́ dené a to ŋgan larnda dɔg ləm tɔ.

Lugu 12:20

Nɛ Ala ulá pana: I mbə-dəw, mee til’g nee ya d’a ree kuba kankəmrɔi kwa, ŋga néje ləi lai gə́ i wa dɔ gɔl dee jəb-jəb mba̰ lé see d’a tel to ka̰ nawa.

Tel tura Godndu 34:7

Loo gə́ Moyis wəi lé ləbee aḭ tɔl-dəa-rɔ-joo, (120) kəmee tel to bibli el ləm, siŋgá rəm el ləm tɔ.

Maktub gə́ Jak ula ne ar ngan-Allaje 4:14

Né gə́ a teḛ dɔ sí’g bèlè lé seḭ gərje el! Mbata see ɗi ɓa gə́ kəmə lə sí wa. Seḭ toje asəna gə kṵji mán gə́ teḛ sa gi-gi, nɛ waga ba ndá tel sané kad bèe tɔ.

Jujé 14:11

Siŋgam to kɔgərɔ-kɔgərɔ ya ɓəi to gə́ mee ndəa gə́ Moyis ulam ne lé ya, siŋgam to to gə́ kédé ya ɓəi gə mba kɔr rɔ kaw rɔ ləm, əsé gə mba kunda loo teḛ raga əsé mba tel ree kəi gogo ləm tɔ.