Pakɔsje 9:19 - Maktub gə́ To gə Kəmee

¹⁹ Mbata mee Ala wəi dɔ njénékəmndooje’g nda̰ el, Né gə́ njéndooje d’unda meḛ dee yel dɔ’g lé a kudu nda̰ el tɔ.

Pakɔsje 9:19 ပူးပေါင်းရင်းမြစ်များ

Gḭ-Néje 32:28

Yeḛ dəjee pana: See rii lə nawa. Jakob ilá keneŋ pana: Rim lə Jakob.

2 Sôrta Gḭka Israɛlje 14:11

Njesigənea̰ kunda Etiopije tɔl dee no̰ Asa’g gə no̰ Judaje’g ndá Etiopije buŋga na̰ d’aḭ.

Pakɔsje 10:12

Njesigənea̰, maji kari ḭta! Ǝi Ala, maji kari un jii ɓidi gə́ tar ya kari! Ar məəi wəi dɔ njénékəmndooje’g el.

Pakɔsje 149:7

Gə mba dal ne ba̰ ginkoji dəwje gə raŋg ləm, Mba kar bo̰ néra koso-dəwje ɔs ne ta dee’g bɔsɔrɔ ləm,

Pakɔsje 3:7

Ma m’ɓəl koso-dəwje gə́ bula digi-digi Gə́ gugu dɔm sub lé el.

Pakɔsje 44:23

Nɛ to mbata ləi-i nja ɓa Deḛ goré ne gwɔs sí gə ndɔje kára-kára lai ləm, D’oo sí ne gə́ badje gə́ d’aw sə dee gə́ loo-tɔl dee’g ləm tɔ.

Pakɔsje 44:26

Mbata ŋgaw meḛ sí təd mán dan babur’g ləm, Darɔ sí kara ula naŋg lururu ləm tɔ.

Pakɔsje 7:6

Maji kar njeba̰ ləm kɔrəm saar iŋgam ləm, Maji karee tubam naŋg mbajila-mbajila ləma, Maji karee ila riɓar ləm dan babur’g ya ləm tɔ.

Pakɔsje 79:6

Maji kari ɓugu boo-oŋg ləi Dɔ Ginkoji dəwje gə raŋg’d gə́ gəri el ləm, Gə dɔ ɓeeko̰je’d gə́ ɓar rii keneŋ el lé ləm tɔ.

Pakɔsje 80:2

I gə́ to njekul Israɛlje ləm, I gə́ ɔr no̰ Jisepje asəna gə koso-nékulje bèe ləm tɔ lé Maji kari kɔd mbii ila tag ya. I gə́ si dɔ Nékundaje gə́ dara gə́ tar lé Maji kar ndogó ləi ndogó ɔr jol-jol!

Esai 51:9

Njesigənea̰, teḛ kəmi, Teḛ kəmi, ula ji siŋgamoŋ ləi ndiŋ! Teḛ kəmi to gə́ mee ndəaje gə́ kédé ləm, Asəna gə mee ndəaje gə́ ləw-ləw lé ləm tɔ. See to i ɓa tur Rahab gə́ to da-kɔb lé gə niŋga el wa.

Jeremi 10:25

Ar oŋg-boo ləi ɔm dɔ njépole-magəje’d Gə́ gəri el lé ləm, Gə dɔ koso-dəwje’d Gə́ ɓar rii el lé ləm tɔ, Mbata deḛ gaŋg njé’g lə Jakob mbidi-mbidi, Deḛ gaŋg dee, d’ar dee d’udu ləm, Deḛ tuji loo-si dee pugudu ləm tɔ.

Soponi 3:8

Njesigənea̰ pa togə́bè pana: Maji kar sí ŋginaje neḛ saar Ndɔ gə́ n’a kḭ taa nébanrɔ ɓa, Mbata neḛ n’wɔji mee neḛ’g njaŋg Gə mba mbo̰ ginkoji dəwje gə raŋg ləm, Gə ɓeeko̰je ləm tɔ Gə mba kɔm oŋg lə neḛ lé dɔ dee’g Boo-oŋg lə neḛ gə́ to asəna gə pər bèe Mbata pər boo-oŋg lə neḛ a roo naŋg nee lai dula-dula ya.

Jakari 14:18

Ɓó lé ginkoji dəwje gə́ Ejiptə d’ḭ ree el ndá Ndi a koso dəa’g teŋ el, Yoo-koso a koso dəa’g gə́ to Njesigənea̰ unda ne ginkoji dəwje gə raŋg Gə́ lal kaw gə mba ra naḭ gə́ wɔji dɔ kəi-surumje lé bèe tɔ.

Loo gə́ killa rea kəm Ja̰’g 19:15

Kiambas gə́ adə làm-làm teḛ təa’g mba kunda ne ginkoji dəwje gə raŋg. Yeḛ a ko̰ dee gə kag-larndul ləm, yeḛ a mbula kandə nduú, yee ɓa to gə́ boo-oŋg lə Ala gə́ Bao-siŋgamoŋ ləm tɔ.

1 Samel 2:9

Yeḛ a tɔs kəmee dɔ panjaa njé’g ləa’g Gə́ yeḛ unda dee dan kəmee’g, Nɛ njémeeyèrje d’a tuji pugudu-pugudu Dan loo gə́ ndul njudu-njudu’g. Mbata dəw lé askəm kun baŋga Gə goo siŋgamoŋ ləa-yeḛ el.