Pakɔsje 9:16 - Maktub gə́ To gə Kəmee

¹⁶ Ginkoji dəwje gə raŋg d’oso mee bwa Gə́ deḛ nja d’uru’g lé ləm, Gɔl dee kara réḛ gum gə́ deḛ nja d’iya pḛ́ lé ləm tɔ.

Pakɔsje 9:16 ပူးပေါင်းရင်းမြစ်များ

2 Mbaije 19:19

Ɓasinè, Njesigənea̰, Ala lə sí, ɔr sí ji Sa̰kɛrib’g gə mba kar ɓeeko̰je gə́ dɔ naŋg nee lai d’oo to gə́ i nja kára ba to Njesigənea̰!

Maktub gə́ wɔji dɔ Jɔb 18:9

Gum wá gel gɔlee’g ləm, Wul-ba̰də ɓiree ilá ləm tɔ.

Pakɔsje 11:6

Njesigənea̰ ar kɔr pər, gə pər, gə kṵji pər gə́ teḛ bilim-bilim lé Er dɔ njémeeyèrje’g to gə́ ndi bèe ləm, Lel-mal gə́ nuŋga gə́ ɓir lé Yee ɓa gə́ né gə́ wɔji dɔ dee ya ləm tɔ.

Pakɔsje 140:9

Njesigənea̰, né gə́ njemeeyèr ndiŋga lé Maji kari aree aw lée’g béréré el ləm, Néje ləa gə́ yeḛ wɔji-kwɔji ra lé Maji kari ya̰ aree ra el ləm tɔ Nà a kḭ ti ne rəa dɔ’g.

Pakɔsje 19:14

Maji kari ɔs njébeeleje rəw rɔ ŋgonjelookisi’g ləi ləm, Gə mba kar dee dum dɔm el ləm tɔ, Bèe ɓa m’a to ne njemeenda ndá Kaiya gə́ boo a ɓar rim el.

Pakɔsje 48:11

Ǝi Ala, to gə́ rii ɓar ɔr loo lɔi-lɔi lé Ta pidii kara ɓar ɔr loo lɔi-lɔi dɔ naŋg nee tɔ. Néra gə́ to gə dɔ najee lé taa mee jikɔli pəl-pəl.

Pakɔsje 5:1

Pa lə Dabid gə́ ar bao-pa mba karee ɔs sə dee lé. D’ɔs gə tébéje.

Pakɔsje 7:16

Yeḛ uru bwa aree uru ŋgudu-ŋgudu ndá Yeḛ nja tel oso mee bwa gə́ yeḛ uru’g lé.

Pakɔsje 92:3

Maji kila mber meemaji ləi lé Teḛ gə ndɔ rad ya ləm, Meenda londoŋ ləi lé kara Maji pa taree loondulje’g ya ləm tɔ

Teḛ-Raga 14:10

Parao̰ unda dɔ dee dəb. Israɛlje lé d’ɔm rəd ndá aa oo, deḛ d’oo njé gə́ Ejiptə gə́ d’aw tuba goo dee lé. Njé gə́ Israɛl lé ɓəl unda dee badə gaŋg dee ar dee no̰ gə́ rɔ Njesigənea̰’g.

Teḛ-Raga 14:31

Israɛlje d’oo ji siŋgamoŋ lə Njesigənea̰ gə́ ɓar mèr-mèr gə́ yeḛ ula ndiŋ dɔ njé gə́ Ejiptə’g lé. Togə́bè ɓa koso-dəwje ɓəl ne Njesigənea̰, tɔɓəi deḛ d’ɔm ne meḛ dee dɔ Njesigənea̰’g ləm, gə dɔ Moyis gə́ to kura ləa ləm tɔ.

Teḛ-Raga 14:4

Ndá m’a kar mee Parao̰ ndər gə mba karee tuba goo dee, nɛ Parao̰ gə bao-rɔje ləa d’a tel to ne né gə́ a kar rɔnduba ləm kila ne rəa kɔd, bèe ɓa njé gə́ Ejiptə d’a gər ne gao to gə́ ma m’to Njesigənea̰ ya. Ndá Israɛlje ra togə́bè ya.

Teḛ-Raga 7:5

Loo gə́ m’ula jim ndiŋ dɔ Ejiptə’g ləm, gə m’ar Israɛlje d’unda loo teḛ dan dee’g ləm tɔ ndá Ejiptəje lé d’a gər gao to gə́ ma lé m’to Njesigənea̰ ya.

Gosota-Kəmkàrje 12:13

Njemeeyèr lé Ta meeyèr gə́ teḛ təa’g ɓa wá gə gum, Nɛ njemeekarabasur lé A kaskəm kɔr rəa dan néurtije’g ya.

Gosota-Kəmkàrje 6:2

Ɓó lé taje gə́ tai’g wai gə́ ɓər ləma, Taje gə́ tai’g tel to gum kwai ləm tɔ ndá

Esai 28:13

Deḛ lé ta lə Njesigənea̰ gə́ a kwɔji dɔ dee ɓa nee: Ndukun kila ndukun dɔ’g ləm, Rəbee kila rəbee dɔ’g ləma, Lam teḛ nee, lam teḛ nu ləm tɔ, Gə mba kar loo gə́ d’aw njaa ndá D’oso gaŋnda təd rɔ dee ləm, Gə mba kar dee d’oso wul ba̰də’g Aree wa dee ləm tɔ.

Esai 8:15

Njé gə́ na̰je bula d’a tuga gɔl dee keneŋ ləm, D’a koso ləma, d’a təd ne rɔ dee ləm tɔ.

Loo gə́ killa rea kəm Daniel’g 6:25

Mbai lé un ndia mba kar dee ree gə diŋgamje gə́ d’un dɔ Daniel lé ar dee d’ɔm dee mee bwa’g dan toboḭje’g, deḛ ləm, gə ŋgan deeje ləma, gə denéje lə dee ləm tɔ. Kédé ɓa mba kar dee d’oso gel bwa’g ɓəi lé ndá toboḭje lé lá dee sagm-sagm to̰ siŋga deḛ lai rɔb-rɔb tɔ.

Njéga̰g-Rəwtaje 1:7

Adoni-Bejek pana: Mbaije rɔ-siri gə́ tḭja ko̰ ji deeje gə ko̰ gɔl deeje gaŋg lé d’usɔ né gə́ ɔm gel tabul’g ləm ya, bèe ɓa Ala tel ra səm né gə́ ma m’ra kédé lé tɔ. Deḛ d’aw səa Jerusalem ɓa yeḛ wəi keneŋ.

1 Samel 17:46

Ɓogənè Njesigənea̰ a kilai jim’g ndá m’a rɔ səi tuga dɔi gaŋg. Ɓogənè m’a kar nin kudu-njérɔje lə Pilistije to ka̰ yelje gə́ dara gə daje gə́ dɔ naŋg nee to gə́ nésɔ dee. Yee ɓa dəwje gə́ dɔ naŋg nee lai d’a gər to gə́ Ala lə Israɛlje si keneŋ gən ya.