Pakɔsje 9:12 - Maktub gə́ To gə Kəmee

¹² Maji kar sí ɔsje pa arje Njesigənea̰ gə́ si Sio̰ lé, Néreaje gə́ dum dɔ loo lé Maji kar sí ilaje mberee mbuna koso-dəwje’g,

Pakɔsje 9:12 ပူးပေါင်းရင်းမြစ်များ

Gḭ-Néje 9:5

Maji kar sí gərje gao, məs sí gə́ seḭ síje ne kəmba lé m’a dəji sí gée ya, lé to gə́ da kara m’a dəjee gée ya, dəw lé m’a dəji kəmə ləa rɔ dəw maree gə́ to ŋgokea̰ ya.

2 Mbaije 24:4

gə məs deḛ gə́ ta kára kara wa dɔ dee el gə́ Manasə ɔm naŋg aree taa Jerusalem pəl-pəl lé ləm tɔ. Togə́bè ɓa Njesigənea̰ ndigi kar mée oso lemsé dɔ dee’g el ŋga.

Pakɔsje 10:14

Nɛ i Njesigənea̰ i oo gao ya Mbata i oo néurti gə né gə́ too gə́ ra dəwje lé Gə mba kari oso ne gel dee’g, Bèe ɓa njénékəmndooje nduna ne rɔ dee kaari’g ləm, I nja ɓa to njela gə ŋganalje ləm tɔ.

Pakɔsje 10:17

Ǝi Njesigənea̰, i oo ndu ndiŋga rɔ lə deḛ gə́ né ula kəm dee ndòo lé. I orè meḛ dee més ləm, I tuga mbii oo ne ta lə dee ləm tɔ

Pakɔsje 102:17

Tɔgərɔ ya, Njesigənea̰ lé a tel kunda Sio̰ lé tar gogo ya, Yeḛ a riba dɔ rɔnduba ləa gə́ raga.

Pakɔsje 132:13

Bèe ya, Njesigənea̰ lé mbər Sio̰ ləm, Yeḛ ndiŋga rəa gə mba karee to loo-siée ləm tɔ pana:

Pakɔsje 22:24

Seḭ gə́ ɓəlje Njesigənea̰ lé Maji kar sí pideeje! Seḭ lai gə́ toje ŋgaka Jakob lé Ulaje rɔnduba dəa’g! Seḭ lai gə́ toje ŋgaka Israɛl lé Ndəbje pəd-pəd nea̰’g tɔ.

Pakɔsje 34:6

Loo gə́ dəw tel kəmee par gə́ rəa’g ndá Kəmee ndɔḭ wər-wər gə rɔlel Ɓó rɔkul wa kəmee el.

Pakɔsje 68:17

Seḭ mbalje gə́ sém sí bula lé See gə mba ɗi ɓa seḭ raje kəmkəḭ Dɔ mbal gə́ Ala wɔji gə mba ra loo-siée keneŋ lé wa. Lé bèe kara Njesigənea̰ a karee to loo-siée saar gə no̰ ya.

Pakɔsje 74:2

Koso-dəwje ləi gə́ i taa dee kédé ləw ba lé Maji kari ar məəi olé teḛ dɔ dee’g ya, Deḛ gə́ i nja uga dɔ dee asəna gə ginkoji gə́ to gə́ nédɔji ləi bèe, Mbal gə́ Sio̰ gə́ i ra loo-sii keneŋ lé kara Ar məəi olé teḛ dɔ’g ya ləm tɔ.

Pakɔsje 76:3

Kəi-kubu ləa lé to Salem’g ləm, Loo-siée kara to Sio̰’g ya ləm tɔ.

Teḛ-Raga 3:7

Njesigənea̰ pana: Ma m’oo kəmtondoo lə koso-dəwje ləm gə́ d’isi Ejiptə, m’oo ndu no̰je lə dee gə́ njékula kəm dee ndooje d’ar dee no̰ ne ləm tɔ, mbata ma m’gər némeekonje lə dee gao ya.

Teḛ-Raga 3:9

Aa oo, ndu no̰ lə Israɛlje lé oso mbim’g pad ya, kəm dee gə́ njé gə́ Ejiptə d’ula ndòo lé kara ma m’oo gao ya tɔ.

Esai 26:21

Mbata aa ooje, Njesigənea̰ ḭ loo-siée’g unda loo teḛ Mba gaŋgta dɔ dəwje gə́ dɔ naŋg nee Gə́ to njéra né kori-korije. Bèe ɓa naŋg a kinja gə məs gə́ ɔm dəa’g gə́ raga Ɓó yee a lɔm dɔ deḛ gə́ tɔl dee lé el ŋga.

Esai 8:18

Aa ooje, ma jeḛ gə ŋganəmje gə́ Njesigənea̰ am dee lé jeḛ n’toje gə́ nétɔji gə né gə́ teḛ kédé ar dee d’oo mee ɓee gə́ Israɛl, gə́ to né gə́ ḭ rɔ Njesigənea̰ gə́ njeboo-néje’d gə́ si dɔ mbal gə́ Sio̰ lé.

Matiyo 23:35

mba kar məs njémeekarabasurje gə́ un kudee ka̰ Abel’g saar teḛ ne ka̰ Jakari gə́ to ŋgolə Baraki gə́ seḭ tɔleeje dan mee kəi-Ala’g no̰ loo-nékinjaməs’g lé wa dɔ sí ya.

Loo gə́ killa rea kəm Ja̰’g 16:6

Mbata deḛ tɔl njémeendaje gə njéteggintaje ndá ɓasinè i ar dee d’ai məs dee. Deḛ nai keneŋ ho̰d ya.

Njéga̰g-Rəwtaje 10:16

Yen ŋga deḛ tɔr magəje gə́ dɔ ɓee’d gə́ to mbuna dee’g, tɔɓəi deḛ d’wa Njesigənea̰ meḛ dee’g ndá mée tɔsee mbigi-mbigi mbata lə boo-nékəmndoo gə́ Israɛlje d’isi danee’g lé.