Pakɔsje 9:1 - Maktub gə́ To gə Kəmee

¹ Pa lə Dabid gə́ ar bao-pa mba karee ɔs sə dee lé. Taree wɔji dɔ Kwəi mbata lə ŋgon gə́ diŋgam.

Pakɔsje 9:1 ပူးပေါင်းရင်းမြစ်များ

1 Sôrta Gḭka-Israɛlje 16:12

Arje meḛ sí olé dɔ nédumkooje’g Gə́ yeḛ ra lé ləm, Gə dɔ némɔrije gə́ yeḛ ra lé ləma, Gə dɔ rəwta-gaŋgje’g ləa Gə́ teḛ təa’g lé ləm tɔ lé

1 Sôrta Gḭka-Israɛlje 16:24

Ɔrje sor rɔnduba ləa Mbuna ginkoji dəwje gə raŋg’g lé ləm Ɔrje sor néreaje gə́ maji dum Mbuna koso-dəwje’g lai ləm tɔ.

Pakɔsje 106:2

See na̰ ɓa a pata néraje lə Njesigənea̰ gə́ ur dɔ loo lé ɓəi wa. Esé see na̰ ɓa a kila mber ta pideeje ləa lai-lai wa.

Pakɔsje 111:1

Pidije Njesigənea̰. M’a kɔs gaji Njesigənea̰ gə ŋgaw məəm bura Loo-kwa-dɔ-na̰’g lə dəwje gə́ njéra nédanaje ləm, Gə loo-mbo̰-dɔ-na̰’g lə koso-dəwje ləm tɔ.

Pakɔsje 138:1

Pakɔs lə Dabid. M’ɔs gajii gə ŋgaw məəm bura ləm, Pa kila riɓar dɔi’g lé Ma m’ɔs nɔḭ’g ləm tɔ.

Pakɔsje 26:7

Mba kar ta rai oiyo nduba ne rəa tam’g ləm, Mba kɔr ne sor néraije gə́ maji dum ləm tɔ.

Pakɔsje 51:15

Njékalta tai’gje lé m’a ndoo dee rəw-kabije Ndá njékaiyaje d’a kɔs badm tel ree rɔi’g tɔ.

Pakɔsje 7:17

Néra gə́ kori-kori ləa tel oso dəa-yeḛ’g ləm, Bo̰ néra kərm-kərm ləa tel ɔs təa’g ləm tɔ.

Pakɔsje 86:12

Mbaidɔmbaije, Ala ləm, m’a pidii gə ŋgaw məəm bura ya, M’a kula rɔnduba dɔ rii’g saar-saar gə nɔm ya tɔ.

Pakɔsje 9:14

Njesigənea̰, maji kari oo kəm lootondoo’g ya kari, Oo némeeko̰ gə́ njéba̰je ləm d’am m’isi danee’g, Maji kari ɔrm tarəwkɔg’d lə yoo,

Esai 12:1

Mee ndəa’g neelé i a pa pana: Ǝi Njesigənea̰, ma m’pidii Mbata kédé oŋg ləi ḭ səi pu dɔm’g, Nɛ oŋg ləi lé tel wəi bèm Ndá i tel gɔl məəm.

Esai 43:21

Koso-dəwje gə́ m’uba dee gə mbata ləm-ma lé D’a kila mber pa pidimje.

Esai 60:6

Koso-jambalje gə́ bula digi-digi lé D’a taa ɓee ləi pəl-pəl Gə jambalje gə́ Madian gə Epa, D’a kḭ Seba ɓa ree, D’a kodo larlɔr gə néje gə́ ə̰də sululu ləm, D’a pidi ne Njesigənea̰ dɔ néreaje’g ləm tɔ.

Lugu 10:27

Yeḛ tel ilá keneŋ pana: Mbaidɔmbaije, Ala ləi lé i a kundá dan kəmi’g ndigee dɔɓəŋgəri’g ləm, gə ŋgaw məəi bura ləm, gə sḭgarɔi bura ləma, gə takə̰ji ləi bura ləm tɔ, tɔɓəi i a kunda mari dan kəmi’g to gə́ i ra ne gə darɔi bèe tɔ.

Ǝbrəje 13:15

Bèe ndá maji kar ta sí oji ta pidi Ala ta-ta, yee ɓa gə́ nékinjaməs gə́ j’un j’ar Ala mba kar ria ɓar ne.

Loo gə́ killa rea kəm Ja̰’g 15:3

Deḛ d’ɔs pa lə Moyis, yeḛ gə́ to kura lə Ala ləm, gə pa lə Ŋgonbad lé ləm tɔ pana: Mbaidɔmbaije Ala, i gə́ to Bao-siŋgamoŋ lé Néraije to gə́ boo ləm, to ɓəl kədm-kədm ləm tɔ. I gə́ to mbai dɔ ginkoji dəwje gə raŋg lé Né gə́ i wɔji-kwɔji ra lé to gə dɔ najee ləm, Ta ləi to gə́ kankəmta ləm tɔ,