Pakɔsje 89:4 - Maktub gə́ To gə Kəmee

⁴ Yeḛ gə́ m’ɔree m’undá gə kəmee lé Ma man rɔm m’aree ya, Aa oo, né gə́ ma man ne rɔm m’ar Dabid, kura ləm lé ɓa nee:

Pakɔsje 89:4 ပူးပေါင်းရင်းမြစ်များ

2 Samel 7:29

Bèe ndá maji kari tɔr ndui dɔ ŋgaka kura’g ləi gə mba kar dee d’isi nɔḭ’g saar-saar gə no̰! Mbata i Mbaidɔmbaije Ala ya pa ndá mbɔl dɔ ndutɔr ləi ɓa ŋgaka kura ləi lé dɔ dee a kai ne səgərə saar-saar gə no̰ ya.

1 Mbaije 9:5

m’a kar kalimbai gə́ ka̰ ɓeeko̰ lə Israɛlje a to saar-saar gə no̰, to gə́ m’pa ne njaŋg m’ar bɔbije Dabid m’pana: I a lal njetaa tori dɔ kalimbai’g lə Israɛlje lé nda̰ el lé.

1 Sôrta Gḭka-Israɛlje 22:10

Yeḛ ɓa a kunda kəi gə mbata rim. Yeḛ a to ŋgonəm ndá ma m’a to bɔbeeje, tɔɓəi m’a kar kalimbai ɓeeko̰ ləa to njaŋg mbuna Israɛlje’g saar gə no̰.

1 Sôrta Gḭka-Israɛlje 28:4

Njesigənea̰, Ala lə Israɛlje ɔrm mbuna dee-deḛ lai gə́ to gel-bɔje lə bɔm am m’to mbai lə Israɛlje saar gə nɔm, mbata yeḛ mbər Juda ɓa gə́ mbai ləm, yeḛ mbər gel bɔmje mbuna gel-bɔje’g lə Juda ləma, yeḛ mbərm-ma nja mbuna ŋgakɔmje’g lé am m’o̰ dɔ Israɛlje lai ləm tɔ.

Pakɔsje 132:11

Njesigənea̰ lé man rəa gə kankəmta ar Dabid Ndá yeḛ a pəl ta el, yeḛ pana: N’a kar ŋgonee gə́ to ŋgon mée Si dɔ kalimbai’g ləa gao ya.

Pakɔsje 132:12

Ɓó lé ŋganeeje lé d’aa dɔ manrɔ lə neḛ gə dɔ tornduje lə neḛ Gə́ neḛ ndoo dee lé ndá Ŋgan meḛ dee-deḛje kara d’a si dɔ kalimbai’g ləa saar gə no̰ ya tɔ.

Pakɔsje 72:17

Ria a ɓar saar-saar to gə́ kàr to ne saar-saar gə no̰ bèe ləm, Ria-yeḛ lé d’a tɔr ne ndu dee dɔ na̰’g ləma, Ginkoji dəwje gə raŋg lé d’a pana: Yeḛ lé to njerɔlel ləm tɔ.

Pakɔsje 89:1

Pakɔs lə Etan gə́ to ŋgoka Ejrak.

Pakɔsje 89:29

N’a ra səa meemaji gə́ kédé-kédé Ɓó n’a kya̰ gée el ləm, Manrɔ gə́ neḛ man ne rɔ neḛ n’aree lé N’a karee to njaŋg gə no̰ ləm tɔ.

Pakɔsje 89:36

Neḛ n’un ndu neḛ gə rɔkubu gə goo meenda lə neḛ gɔl kára ya, See n’a kula Dabid taŋgɔm wa.

Pakɔsje 89:50

Mbaidɔmbaije, see némeemajije ləi gə́ kédé Gə́ i man ne rɔi gə rɔkubu ar Dabid Gə goo meenda londoŋ ləi lé see to ra wa.

Esai 42:1

Aa ooje kura ləm gə́ m’a gə gədee, Yeḛ gə́ m’ɔree m’undá gə kəmee Gə́ rɔm lelm dəa’g. M’ɔm ndiləm dəa’g ya, Yeḛ a kila mber néra gə́ gə dɔ najee Kar ginkoji dəwje gə raŋg.

Jakari 12:8

Mee ndəa’g neelé Njesigənea̰ a kaḭ bada dɔ njé gə́ Jerusalem’g ndá njerəm gə́ dan dee’g mee ndəa’g neelé siŋgá a kasəna gə ka̰ Dabid bèe ləm, gel-bɔje lə Dabid d’a to kəm dee’g asəna gə Ala bèe ləma, d’a to kasəna gə kura lə Njesigənea̰ gə́ dara no̰ dee’g bèe ləm tɔ.

Njé gə́ Rɔmə 15:12

Esai kara pa togə́bè tɔ pana: Barkəmrɔ Isai a kḭ Ndá yeḛ a kḭ mba ko̰ɓee dɔ ginkoji dəwje gə raŋg ya. Bèe ɓa ginkoji dəwje gə raŋg lé d’a kunda meḛ dee yel gə́ dəa’g.

Loo gə́ killa rea kəm Ja̰’g 22:16

Ma Jeju, m’ula kura ləm gə mba karee to njekɔrgoota neelé kar Eglisəje. Ma m’to gə́ ŋgoka Dabid ləm, m’to gə́ duje lookàr ləm tɔ.