Pakɔsje 88:12 - Maktub gə́ To gə Kəmee

¹² See deḛ pata meemaji ləi lé bwa-dɔɓar’g, Esé pata meenda londoŋ ləi lé mee bwa-tuji’g lé wa.

Pakɔsje 88:12 ပူးပေါင်းရင်းမြစ်များ

Pakɔsje 143:3

Njeba̰ lé kɔrəm ləm, Yeḛ mboiyim naŋg mbajila-mbajila ləma, Yeḛ am m’isi dan loondul’g Asəna gə dəwje gə́ d’wəi ləw ba bèe lé ləm tɔ.

Pakɔsje 31:12

Njékoma̰ səmje lai telm gə́ nérɔkul gə́ boo ləm, Gə nérɔkul gə́ boo mbata lələm ləma, Gə né gə́ to ɓəl kədm-kədm mbata lə njéboatakəije ləm ləma Gə né gə́ to ɓəl kədm-kədm mbata lə baokuraje ləm ləm tɔ, Deḛ gə́ d’oom raga lé D’aḭ d’unda rɔ dee ŋgərəŋ rɔm’g.

Pakɔsje 88:5

Deḛ turam gə deḛ gə́ risi gə́ bwa-dɔɓar’g ləm, M’to asəna gə dəw gə́ siŋgá godo bèe ŋga ləm tɔ.

Njekillamber 2:16

Mbata njekəmkàr lé meḛ dəwje a kolé dəa’g saar-saar karee ur dɔ mbə-dəw’g el, mbata mee ndɔje gə́ d’a gə korè gée lé meḛ dəwje a kwəi dɔ néje’g lai. Ɗi ɓa togə́bè wa. Njekəmkàr kara wəi to gə́ mbə-dəw bèe ya tɔ.

Njekillamber 8:10

Togə́bè ɓa m’oo njémeeyèrje gə́ dubu dee lé D’aw loo-kwa-rɔ dee’g Nɛ deḛ gə́ ra né gə goo rəbee lé D’ḭ d’aw loo gə́ to gə kəmee’g Ar deḛ gə́ mee ɓee-boo’g lé Meḛ dee wəi dɔ dee’g. Yee gə́ bèe lé kara to né gə́ gə mḭdé ba ya ɓəi.

Njekillamber 9:5

Tɔgərɔ ya, deḛ lai gə́ d’isi kəmba lé Gər gao to gə́ d’a gə kwəi ya. Nɛ deḛ gə́ d’wəi mba̰ lé Gər né kára el ləm, Nékoga-dɔ-ji dee kara godo ŋga ləm tɔ Mbata meḛ dəwje wəi dɔ dee’g mba̰.

Esai 8:22

Tɔɓəi d’a tel kəm dee kaa ne loo gə́ naŋg Ndá aa ooje, nékəmndoo, gə loondul, gə néurti gə́ al dɔ loo sula d’a to keneŋ Bèe ɓa néje neelé d’a kɔs dee kar dee d’isi dan loo gə́ ndul njudu-njudu’g.

Matiyo 8:12

Nɛ kojikəije lə ɓeeko̰ lé d’a kɔm dee raga gir loo gə́ ndul njudu-njudu’g ləm, d’a no̰ gə mán-no̰ kəm dee’g sɔ ne ŋgaŋ dee pəgərə-pəgərə ləm tɔ.

Jude 1:13

Deḛje neelé néra gə́ mina̰ lə dee lé uba ndugu-ndugu asəna gə paŋgəm mán baa-boo-kad gə́ tuga ar əmee ḭ bèe. Deḛ to d’asəna gə niŋga-ndɔ gə́ teḛ igi kág gə́ loo gə́ ndul njudu-njudu ɓa wɔji dɔ dee gə no̰.