Pakɔsje 86:8 - Maktub gə́ To gə Kəmee

⁸ Mbaidɔmbaije, mbuna magəje’g lé Yee gə́ kára kara gə́ to tana səi bèe godo ləm, Kula gə́ raŋg gə́ to asəna gə kula raije kara Godo ya ləm tɔ.

Pakɔsje 86:8 ပူးပေါင်းရင်းမြစ်များ

2 Sôrta Gḭka Israɛlje 2:4

Kəi gə́ m’a gə kunda lé a to kəi gə́ boo mbata Ala lə sí lé boo ur dɔ magəje lai ya.

Pakɔsje 135:5

Ma m’gər gao Njesigənea̰ lé to gə́ boo, Mbaidɔmbaije lə sí lé ur dɔ magəje’g lai ya.

Pakɔsje 136:4

Yeḛ nja kára ba ra nédumkooje gə́ d’al dɔ loo sula Mbata meekɔrjol ləa lé to saar-saar gə no̰.

Pakɔsje 89:6

Ǝi Njesigənea̰, dara lé kila rɔ nédumkooje ləi gə́ raga, Deḛ kila rɔ meenda londoŋ ləi gə́ raga dan loo-kwa-dɔ-na̰’g lə deḛ gə́ to gə kəmee lé to!

Pakɔsje 89:7

Mbata see na̰ ɓa mee dara’g askəm pana: Neḛ n’to tana gə Njesigənea̰ bèe wa. See na̰ ɓa to tana səi mbuna dəw-kundaje’g lə Ala ɓəi wa.

Pakɔsje 89:8

Ala to ɓəl kədm-kədm dan koso-dəwje’d gə́ to gə kəmee lé ləm, Yeḛ to ɓəl kədm-kədm mbata deḛ lai gə́ gugu dəa sub lé ya ləm tɔ.

Pakɔsje 95:3

Mbata Njesigənea̰ lé to Ala gə́ boo dum dɔ loo ya ləm, Yeḛ to mbai gə́ boi gə́ ur dɔ magəje’g lai-lai dɔ naŋg nee ya ləm tɔ.

Teḛ-Raga 15:11

Ǝi Njesigənea̰, see na̰ ɓa to tana səi mbuna magəje’g wa. See na̰ ɓa to tana səi i gə́ to Bao-meenda ləm, Gə askəm kiŋga riɓar ləma, Gə to njera némɔrije ləm tɔ lé wa.

Teḛ-Raga 8:6

Yeḛ ilá’g pana: Bèlè ya. Ndá Moyis pana: A to togə́bè ya mba kari gər ne to gə́ dəw kára kara to tana gə Ala lə sí gə́ Njesigənea̰ el.

Esai 40:18

See na̰ ɓa seḭ a kwáje kwɔjije ne Ala wa. Esé néndaji gə́ ban ɓa seḭ a raje kaareeje to tana səa wa.

Esai 40:25

Njemeenda pana: See na̰ ɓa a kwamje kwɔjeje ne wa.

Jeremi 10:16

Yeḛ gə́ to ka̰ Jakob lé To asəna gə magəje el, Mbata yeḛ nja ɓa gə́ njera néje lai, Ginkoji Israɛlje to gə́ nédɔji ləa. Njesigənea̰ gə́ njeboo-néje ɓa gə́ ria.

Loo gə́ killa rea kəm Daniel’g 3:29

Aa ooje, ɓasinè ndukun ləm ɓa nee: Nana ɓa mbuna koso-dəwje’g əsé ginkoji dəwje gə raŋg’g əsé deḛ gə́ takɔji dee ɓəd-ɓəd gə́ rara kara ɓa gə́ pata gə́ majel ila dɔ Ala’lə Sadrak gə Mesak gə Abed-Nego ndá debee neelé d’a kwá tiee mbidi-mbidi ləm, kəi ləa kara d’a tɔ pɔs-pɔs karee to ɓiri-ɓisi ləm tɔ mbata magə gə́ rara kara gə́ askəm kɔr dəwje kɔm dee tar to gə́ yeḛ bèe lé godo.

Tel tura Godndu 3:24

Mbaidɔmbaije gə́ Njesigənea̰, i un kudu tɔji kura ləi boo ləi gə ji siŋgamoŋ ləi gə́ ɓar mèr-mèr, mbata see magə gə́ ra ɓa dara əsé dɔ naŋg gə́ a kaskəm ndaji kula raije gə néraije gə́ dum dɔ loo lé wa.

Tel tura Godndu 4:34

See ndɔ kára magə kára saŋg loo gə mba taa ginkoji dəwje mbuna ginkoji dəwje gə́ raŋg’d gə mbata ləa gə goo nénaaje ləm, gə nétɔjije ləm, gə némɔrije ləm, gə rɔ ləm, gə jia gə́ ɓar mèr-mèr gə́ ula ndiŋ ləma, gə néje gə́ to ɓəl kədm-kədm ləm tɔ to gə́ Ala lə sí gə́ Njesigənea̰ ra ɔr sí ne mee ɓee gə́ Ejiptə kəm sí’g nee lé ya to wa.