Pakɔsje 86:5 - Maktub gə́ To gə Kəmee

⁵ Mbaidɔmbaije, i to njemeemaji ləm, Gə njemeekoso lemsé ləm tɔ. Deḛ lai gə́ ɓar rii lé I unda dee dan kəmi’g.

Pakɔsje 86:5 ပူးပေါင်းရင်းမြစ်များ

Nehemi 9:17

Deḛ mbad kula dɔ dee ləma, Deḛ d’ar meḛ dee wəi dɔ néraije gə́ dumkoo’g Gə́ i ra mbata maji lə dee ləm tɔ. Deḛ d’uba gwɔbkelkwɔi, Gə goo kɔs ta rəw lə dee lé Ndá deḛ ra dɔ-kədərə Mba tel dɔ kula ɓər’g gogo. Nɛ i to Ala gə́ si pèrèrè Gə mba kar məəi oso lemsé ləm, I to njemeekaw taḭ-taḭ Gə njemeekɔrjol ləm tɔ, Oŋg ḭ səi kalaŋ el ləm, I to bao-meemaji ləm tɔ Ndá i uba dee ya̰ dee el.

Pakɔsje 103:3

Yeḛ nja ɓa ar mée oso lemsé Dɔ néra kori-korije’g ləi lai ləm, Rɔko̰je gə́ gə ria-ria kara Yeḛ ɔr rɔi’g ndɔs-ndɔs ləm tɔ.

Pakɔsje 103:8

Njesigənea̰ lé to njemeekɔrjol gə njekoo kəmtondoo lə dəwje ləm, Yeḛ ila mée dɔ oŋg’g ləa ləma, Yeḛ to bao-meemaji ləm tɔ.

Pakɔsje 119:68

I to njemeemaji gə́ njekwanoji ya, Maji kari ndoom godnduije lé ya.

Pakɔsje 130:4

Nɛ i nja loo kiŋga meekoso lemsé to mbɔri’g Gə mba kar dəwje ɓəli ne.

Pakɔsje 130:7

Seḭ Israɛlje, maji kar sí undaje meḛ sí yel gə́ dɔ Njesigənea̰’g ya. Mbata meekoso lemsé to gə́ rɔ Njesigənea̰’g ləm, Nékoga dɔ dəwje taa rəa pəl-pəl ləm tɔ.

Pakɔsje 145:18

Njesigənea̰ lé si mbɔr dee-deḛ gə́ ɓar ria’g lé dəb, Deḛ lai gə́ ɓar ria gə mée kára ba bərəŋ lé.

Pakɔsje 25:8

Njesigənea̰ lé to njemeemaji gə njera nédanasur, Gelee gə́ nee ɓa yeḛ tɔji ne njékaiyaje rəw lé.

Pakɔsje 36:7

Meekarabasur ləi to asəna gə mbalje lə Ala ləm, Rəwta-gaŋgje ləi to asəna gə ɓul manje ləm tɔ. Njesigənea̰, i nja gəd dəwje ləm, gə daje ləm tɔ.

Pakɔsje 50:15

Maji kar sí ɓarje rim ndɔ néurti’g Ndá m’a kɔr sí keneŋ kar sí ulaje ne rɔnduba dɔm’g ya.

Pakɔsje 52:1

Pakɔs lə Dabid gə́ ar bao-pa mba karee ɔs sə dee lé.

Pakɔsje 69:14

Nɛ ma lé m’ra tamaji tai-i Njesigənea̰’g, Ǝi Ala, maji kar ndɔ neelé to ndɔ noji gə goo bao-meemaji ləi ləm, Maji kari ilam keneŋ Mba kam m’gər gao to gə́ i a gə la səm ləm tɔ.

Pakɔsje 69:16

Maji kar paŋgəm maneje lé dəs dɔm’g el ləm, Maji kar ɓul mán lé urum kəi magə el ləma, Maji kar bwa-yoo kara o̰ rḛdə dɔm’g mbiao̰ el ya ləm tɔ.

Pakɔsje 86:15

Nɛ i Mbaidɔmbaije lé I to Ala gə́ njemeekoso lemsé ləm, Gə njekookəmto̰doo ləm tɔ, Oŋg ḭ səi kalaŋ el ləm, Meemaji gə meenda londoŋ lé ɓa I to babee ya ləm tɔ.

Teḛ-Raga 34:6

Njesigənea̰ dəs no̰ Moyis’g pa gə ndia gə́ boi wəl pana: Njesigənea̰, Njesigənea̰, Ala gə́ njemeekoso lemsé ləm gə njekookəmtondoo ləm, yeḛ gə́ oŋg ḭ səa kalaŋ el ləma, meemaji gə kankəmta lé yeḛ nja to gə́ babeeje ya ləm tɔ,

Esai 55:7

Maji kar njemeeyèr uba goo rəw ləa ya̰ ləm, Maji kar dəw gə́ njera né kori-kori uba goo takə̰jije ləa ya̰ ləm tɔ, Maji karee tel ree rɔ Njesigənea̰’g Mbata yeḛ a koo kəmtondoo ləa ləm, Maji karee tel ree rɔ Ala’g lə sí Gə́ rəa asee dɔ meekoso lemsé’g el ləm tɔ.

Jeremi 33:3

Ɓarm ndá m’a kilai keneŋ ndá m’a kulai boo-néje gə néje gə́ to loo-kiya’d gə́ i gər el lé.

Ejekel 36:33

Mbaidɔmbaije gə́ Njesigənea̰ pa togə́bè pana: ndɔ gə́ n’a togo néra kori-korije lə sí kar sí àrje ŋgad-ŋgad ndá n’a kar dəwje taa mee ɓee-booje pəl-pəl ləm, looje gə́ tuji lé d’a tel gɔl gogo ləm tɔ,

Ejekel 36:37

Mbaidɔmbaije gə́ Njesigənea̰ pa togə́bè pana: Aa ooje, né gə́ raŋg ya tɔɓəi gə́ gel-bɔje lə Israɛl d’a saŋg ne neḛ mba kar neḛ n’ra n’ar dee ɓa to nee: N’a kar bula lə dəwje ḭ dɔ maree’d gə́ kédé-kédé to gə́ koso-nékulje bèe.

Loo gə́ killa rea kəm Daniel’g 9:9

Meekɔrjol gə meekoso lemsé d’ḭ rɔ Mbaidɔmbaije Ala’g lə sí ya nɛ jeḛ lé j’ḭje səa j’ɔsje ta ləa rəw tɔ.

Joɛl 2:13

Arje ɓəŋgərə sí ɓa ti dus Ɓó tilje kubuje lə sí ɓa ba el, Ɔsje badm telje gə́ rɔ Njesigənea̰, Ala’g lə sí, Mbata yeḛ to njemeekaw taḭ-taḭ ləm, Gə njemeekɔrjol ləm, Oŋg ḭ səa kalaŋ el ləma, Yeḛ to bao-meemaji ləm tɔ Ndá yeḛ rəm gə ndia dɔ némajelje’d Gə́ yeḛ wɔji mba ra lé.

Junas 4:2

Yeḛ ra tamaji ta Njesigənea̰’g no̰ ne təa’g pana: Ǝi Njesigənea̰, see ta neelé to ta gə́ ma m’pa loo gə́ ma m’nai ne ɓee-sim’g ɓəi el wa. Gelee gə́ nee ɓa ma m’ḭ ne kalaŋ gə mba kaḭ kaw ne Tarsis gə mbəa. Mbata ma m’gər gao to gə́ i to Ala gə́ njekookəmto̰doo ləm, gə njemeekɔrjol ləm tɔ. I lé oŋg ḭ səi kalaŋ el ləm, i to bao-meemaji ləm tɔ ɓa i ar takə̰ji ləi gə́ wɔji dɔ néraje gə́ majel lé yɔr ne.

Misee 7:18

See Ala gə́ raŋg gə́ njekar mée oso lemsé dɔ néra gə́ kori-kori’g ləm, Gə njekar mée wəi dɔ kaiyaje’g Le ges dəwje gə́ to nékea̰je ləm tɔ lé ɓa ra wa. Yeḛ ŋgəm oŋg ləa saar-saar gə no̰ el Mbata meekoso lemsé ɓa taa kəmee ya.

Tagə́maji gə́ Ja̰ ndang 4:10

Jeju ilá keneŋ pana: Ɓó lé i gər nojikwa gə́ Ala lé a kwa gə dəwje ɓa gər yeḛ gə́ kwɔii mán pana: Ar neḛ mán n’ai ndá i nja a kḭ kédé kwɔiyee mán-kai, bèe lé yeḛ kara a kari mán gə́ àr yal-yal gə́ aḭ teḛ kuji-kuji tɔ.

Néra Njékaḭkulaje 2:21

Yen ŋga nana ɓa gə́ a ɓar ri Mbaidɔmbaije ndá a kaji.

Njé gə́ Epesə 2:4

Nɛ Ala gə́ to bao-meekɔrjol lé boo-meenoji ləa aree unda sí ne dan kəmee’g