Pakɔsje 86:3 - Maktub gə́ To gə Kəmee

³ Mbaidɔmbaije, maji kari oo kəm lootondoo’g ya, Mbata m’no̰ wəl gə́ rɔi’g gə ndɔ saar loondul.

Pakɔsje 86:3 ပူးပေါင်းရင်းမြစ်များ

Pakɔsje 25:5

Maji kari ɔr nɔm dan kankəmta’g ləi, gə́ ndoom ne né, Mbata i nja to Ala gə́ njekajim, M’unda məəm yel dɔi’g ta-ta ya.

Pakɔsje 4:1

Pa lə Dabid gə́ ar bao-pa mba karee ɔs sə dee lé. D’ɔs gə kṵdu-ko̰déje ya.

Pakɔsje 41:5

Ma m’pana: Njesigənea̰, maji kari oo kəm lootondoo’g ya kari! Maji kari ajim mbata ma m’ra kaiya m’ɔs ne ta ləi rəw.

Pakɔsje 55:17

Nɛ ma lé m’ila ndum naŋg m’ra ne né wəl gə́ rɔ Ala’g lé, Ndá Njesigənea̰ lé a kajim ya.

Pakɔsje 56:1

Pa lə Dabid gə́ ar bao-pa mba karee ɔs sə dee lé. D’ɔs gə ndu gwɔs pa gə́ wɔji dɔ dərnda gə́ si dɔ kagje gə́ əw. Loo gə́ Pilistije d’uba Dabid d’wá mee ɓee gə́ Gat’g lé.

Pakɔsje 57:1

Pakɔs lə Dabid gə́ bao-pa ɔs sə dee lé. D’ɔs gə ndu gwɔs gə́ pana: Ya̰ aree tuji el. Ndəa gə́ Dabid iya ne rəa mee bolè mbal’g loo gə́ Sawul tuba ne gée lé.

Pakɔsje 88:10

Kəm lé tɔ ne wə-wə dan nékəmndoo’g ya. Ǝi Njesigənea̰, ma lé m’ɓar rii gə ndɔje kára-kára lai ya, M’ula ne jim ndiŋ par gə́ rɔi’g.

Pakɔsje 88:2

Njesigənea̰, i gə́ to Ala gə́ njekajim lé M’ɔr ndum wəl nɔḭ’g dan kàrá gə loondul’g ya tɔ.

Pakɔsje 88:9

I lé ar baokuraje ləm d’ubam d’ya̰’m gə goo ŋgalee ya ləm, I nja am m’tel m’to né gə́ to kḛji kəm dee’g ləma, Némeeko̰je d’aḭ dɔm sub Am m’askəm teḛ keneŋ gə dɔrɔm el ləm tɔ.

Lugu 18:7

See Ala lé a ra rəwta lə dəwje ləa gə́ yeḛ ɔr dee unda dee gə kəmee gə́ to təa’g pəgə-pəgə dan kàrá gə loondul’g lé bel wa. See yeḛ a tila gə́ tila dɔ dee’g wa.

Lugu 2:37

Yeḛ si gə́ njekəisiŋga ɓəi ar ləbee aḭ rɔ-jinaijoo-giree-sɔ ndá yeḛ ya̰ mee kəi-Ala un gɔlee unda raŋg ndɔ kára el. Yeḛ wa Ala mée’g loondul’g gə dan kàrá ləm, ɔg ne mée ɓoo ta-ta ra ne tamaji təa’g ləm tɔ.

Njé gə́ Epesə 6:18

Kàr gə́ rara kara raje tamaji dɔ néje’g lai ləm, raje ne mbai ta Ala’g gə goo Ndil gə́ to meḛ sí’g lé ləm tɔ. Sije dɔ kəji sí’g kəgəgə aije ne meḛ sí sam-sam raje mbai ta Ala’g mbata lə deḛ gə́ to gə kəmee lai ya.