Pakɔsje 86:10 - Maktub gə́ To gə Kəmee

¹⁰ Mbata i lé boo yaa̰ ləm, I ra néje gə́ dumkoo ləma, I nja ɓa to Ala kára ba kiao lé ləm tɔ.

Pakɔsje 86:10 ပူးပေါင်းရင်းမြစ်များ

Maktub gə́ wɔji dɔ Jɔb 11:7

See i askəm kuru mee Ala mba gər takə̰ji ləa Mba gər ne ndaa Bao-siŋgamoŋ lé njai-njai wa.

Pakɔsje 72:18

Maji kar dɔkaisəgərə nai gə Njesigənea̰ Ala Yeḛ gə́ to Ala lə Israɛlje lé ya, Mbata yeḛ nja kára ba to Njera néje gə́ dumkoo!

Pakɔsje 86:8

Mbaidɔmbaije, mbuna magəje’g lé Yee gə́ kára kara gə́ to tana səi bèe godo ləm, Kula gə́ raŋg gə́ to asəna gə kula raije kara Godo ya ləm tɔ.

Teḛ-Raga 15:11

Ǝi Njesigənea̰, see na̰ ɓa to tana səi mbuna magəje’g wa. See na̰ ɓa to tana səi i gə́ to Bao-meenda ləm, Gə askəm kiŋga riɓar ləma, Gə to njera némɔrije ləm tɔ lé wa.

Esai 37:16

Njesigənea̰ gə́ njeboo-néje, Ala lə Israɛlje, i gə́ si dɔ kuraje gə́ dara’d gə́ ɓar dee Nékundaje gə́ dara! I nja kára ba to Ala mbata lə ɓeeko̰je lai gə́ dɔ naŋg nee ləm, i ɓa gə́ njekunda dara gə naŋg nee ləm tɔ.

Esai 37:20

Ɓasinè, Njesigənea̰, Ala lə sí, ɔr sí ji Sa̰kɛrib’g gə mba kar ɓeeko̰je gə́ dɔ naŋg nee lai d’oo to gə́ i nja kára ba to Njesigənea̰!

Esai 45:5

Ma m’to Njesigənea̰ ɓó yeḛ gə́ raŋg godo, Ɓó lé m’godo ndá Ala kara godo tɔ. Kédé gə́ i gərm el ɓəi lé ya Ma m’tɔ mina-mbai reŋgi’g,

Mark 12:29

Jeju ilá keneŋ pana: Aa oo, godndu gə́ doŋgɔr ɓa to nee: Seḭ Israɛlje urje mbi sí ooje ta nee: Mbaidɔmbaije, Ala lə sí lé to gə́ Mbaidɔmbaije gə́ kára ba kiao.

Néra Njékaḭkulaje 4:30

ula jii ndiŋ ar dee gə mba kar dee d’ɔr ne rɔko̰je ləm, gə ra ne némɔrije ləma, gə ra ne néje gə́ dumkoo ləm tɔ gə ri Jeju, kura ləi gə́ i undá gə kəmee lé ya.

1 Njé gə́ Kɔrḭtə 8:4

Togə́bè ɓa, ta sɔ da nékulje gə́ d’inja gə́ məs d’ar magəje lé jeḛ n’gər gao magəje gə́ dɔ naŋg neelé to gə́ né el. Ala lé yeḛ nja kára ba kiao ɓa si gən.

Njé gə́ Epesə 4:6

Ala kára ba kiao nja to gə́ Bɔ-dəwje lai. Yeḛ to dəw dɔ dəwje gə néje lai ləm, yeḛ taa loo mbuna dəwje gə néje lai ləma, yeḛ taa meḛ deḛ lai ləm tɔ.

Tel tura Godndu 32:39

Maji kar sí gərje gao To gə́ ma nja m’to Ala, Yeḛ gə́ raŋg gə́ njekorè dɔm’g godo, M’ar dəw si kəmba ləm M’ar dəw wəi ləm tɔ. M’ar dəw doo ləm M’ar doo ləa ər kəmsə ləm tɔ. Ɓó dəw kára kara askəm kɔree jim’g el.

Ǝbrəje 2:4

Ala kara ɔr goo ta lə dee aree to ne njaŋg gə nédumkooje gə némɔrije ɓəd-ɓəd ləm, gə nénojije gə́ Ndilmeenda kai dee to gə́ mée ndigi ləm tɔ.