Pakɔsje 85:8 - Maktub gə́ To gə Kəmee

⁸ Njesigənea̰, maji kari ar sí j’oo meemaji ləi ləm, Kaji ləi lé kara maji kari ar sí j’aji ne ya ləm tɔ.

Pakɔsje 85:8 ပူးပေါင်းရင်းမြစ်များ

Gḭ-Néje 34:7

Ŋgalə Jakobje d’ḭ wala ree ɓa d’oo ta neelé ɓəi. Diŋgamje neelé oŋg ḭ sə dee pu, tuji ne meḛ dee pugudu mbata Sikem lé ula sul dɔ Israɛl’g mbata to gə́ yeḛ to gə ŋgolə Jakob lé to né gə́ kəm ra el.

Pakɔsje 130:4

Nɛ i nja loo kiŋga meekoso lemsé to mbɔri’g Gə mba kar dəwje ɓəli ne.

Pakɔsje 29:11

Njesigənea̰ lé ar dəwje ləa siŋga dee ləm, Njesigənea̰ lé tɔr ndia dɔ dəwje’g ləa Ar dee d’isi ne dan rɔlel’g ləm tɔ.

Pakɔsje 50:5

Maji kar sí mbo̰je majikojije ləm dɔ na̰’d amje, To deḛ gə́ manrɔ dee d’am gə nékinjaməs lé!

Gosota-Kəmkàrje 25:11

Ta gə́ dəw pa gə goo rəbee lé To asəna gə larlɔr gə́ ndaji ne kandə kag Gə́ d’ɔm mee ŋgon karè’d Gə́ ra gə larnda bèe.

Gosota-Kəmkàrje 27:22

Lée i ila mbə-dəw mee biri’g dan kandə né’g uree gə gwɔi kara Némbə ləa a kɔr rəa’g el.

Esai 57:19

M’a kar ta pidi oji na̰ ta dee’g. Meelɔm, meelɔm mbata deḛ gə́ d’isi əw Gə deḛ gə́ d’isi dəb! Njesigənea̰ ɓa pa bèe pana: M’a kaji dee ya.

Habakuk 2:1

Ma lé m’isi loo-kula-ŋgəm-loo’g ləm, Ma m’aar dɔ kəi gə́ ŋgal gə́ duu dɔ loo. Ma m’isi kəmba mba koo né gə́ Njesigənea̰ a gə kulam ləm, Gə ta gə́ m’a gə kilá keneŋ dɔ né gə́ m’dəjee’g lé ləm tɔ.

Ajee 2:9

Rɔnduba lə kəi gə́ gogo neelé a boi yaa̰ kur dɔ yee gə́ kédé’g lé. Njesigənea̰ gə́ njeboo-néje ɓa pa bèe. Lée neelé ɓa n’a kar dee meekulɔm keneŋ. Njesigənea̰ gə́ njeboo-néje ɓa pa bèe.

Jakari 9:10

N’a tuji pusu-rɔje lə Eprayimje ləm, Gə kundaje gə́ Jerusalem ləm tɔ, Ɓandaŋ-rɔje lé d’a tuji. Yeḛ a kila mber meekulɔm Kar ginkoji dəwje gə raŋg ləm, Yeḛ a ko̰ɓee un kudee dɔ baa-boo-kad’d gə́ kára saar teḛ ne yee gə́ raŋg’d ya Un kudee dɔ mán baa-boo’g saar kɔr rudu naŋg njal ləm tɔ.

Tagə́maji gə́ Ja̰ ndang 14:27

Ma m’ya̰ sí gə meekulɔm, nɛ meekulɔm ləm ya m’ar sí. Ma lé m’ar sí to gə́ naŋg nee ɓa ar sí lé el. Maji karje meḛ sí pélé wəs-wəs el ləm, gə ɓəlje el ləm tɔ.

Tagə́maji gə́ Ja̰ ndang 20:19

Mee ndəa’g neelé gə́ to ndɔ gə́ doŋgɔr mee ndɔje gə́ siri lé kàrkemetag loo gə́ loo to pi-i ndá njékwakila Jejuje d’isi kəi d’udu takəije dɔ dee’g mbata deḛ ɓəl Jibje ndá Jeju teḛ dɔ dee’g mee kəi’g təsərə ula dee pana: Maji kar sí sije gə meekulɔm.

Tagə́maji gə́ Ja̰ ndang 20:26

Ndɔ jinaijoo gogo lé njékwakila Jejuje tel d’wa dɔ na̰ mee kəi’g gɔl kára tɔɓəi nɛ Tomas lé si sə dee na̰’d ŋga. D’udu takəije dɔ dee’g ya nɛ Jeju teḛ dɔ dee’g təsərə ula dee pana: Maji kar sí sije gə meekulɔm.

Tagə́maji gə́ Ja̰ ndang 5:14

Gée gə́ gogo Jeju iŋga njerɔko̰ neelé mee kəi-Ala’g ndá ulá pana: Aa oo, i lé aji kəbərə mba̰, bèe ndá tibi mbɔr kaiya gogo el ŋga, nà banelə némeeyèr gə́ al dɔ yee gə́ neelé a teḛ dɔi’g gogo ɓəi.

Tagə́maji gə́ Ja̰ ndang 8:11

Dené lé tel ilá keneŋ pana: Mbai, m’oo dəw kára el. Jeju tel ulá pana: Ma nja kara m’ɔr ta m’wai ne el tɔ. Ɔd aw loo ləi, ŋga kaiya ŋgá ɓó gə tibi mbɔree el ŋga.

Néra Njékaḭkulaje 10:36

Ta neelé yeḛ unda ne kula ar Israɛlje gə mba kar dee gər gao gin Jeju Kristi lé ɓa d’a kiŋga meekulɔm keneŋ mbata yeḛ to Mbaidɔmbaije lə dəwje lai-lai ya.

Néra Njékaḭkulaje 3:26

Ala ɔr kura ləa aree aw rɔ sí-seḭ’g ya dɔtar mba karee tɔr ndia dɔ sí’g mba kar nana kara mbuna sí’g sa rəa dɔ néra gə́ ndɔji pɔdɔdɔ’g ya.

Njé gə́ Galati 4:9

Nɛ ɓasinè to gə́ seḭ gərje Ala mba̰, əsé to gə́ yeḛ nja ɓa gər sí lé ŋga see ban ɓa seḭ telje gə́ dan néje gə́ gə mḭdé ba gə́ dɔtar mba kwaje ne rɔ sí ɓərje keneŋ tɔɓəi wa.

Njé gə́ Epesə 2:17

Yeḛ ree ila mber ta gə́ wɔji dɔ kɔm na̰’d yəg ar sí-seḭ gə́ sije ŋgərəŋ ləm, gə deḛ gə́ d’isi dəb lé ləm tɔ.

2 Njé gə́ Tesalonikə 3:16

Maji kar Mbaidɔmbaije gə́ njeyelko meelɔm lé yel kó meelɔm meḛ sí’g gə lée-lée ləm, gə kəmee-kəmee ləm tɔ. Maji kar Mbaidɔmbaije nai sə sí lai-lai tɔ.

2 Timote 2:19

Nɛ ta gə́ Ala tum ginee lé kiriŋ naŋg kiriŋ-kiriŋ. Tor jia ɓa to ta nee gə́ deḛ ndaŋg kédé lé pana: Mbaidɔmbaije gər dee gə́ to kea̰je gao. Tɔɓəi pa ya ɓəi pana: Maji kar nana ɓa gə́ ɓar ri Mbaidɔmbaije ndá unda rəa ɓad dɔ néje gə́ ndɔji pɔdɔdɔ’g.

Ǝbrəje 12:25

Meḛ sí dɔ rɔ sí’g! Yeḛ gə́ ula sí ta lé uduje mbi sí dɔ ta’g ləa el. Mbata deḛ gə́ d’udu mbi dee dɔ ta’g lə yeḛ gə́ ndəji dee dɔ naŋg neelé deḛ teḛ ne ta yoo’g el, nɛ ɓəd ɓa see jeḛ gə́ j’udu mbi sí dɔ ta’g lə yeḛ gə́ si dara lé see j’a teḛ ta yoo’g loo gə́ ra wa.

Loo gə́ killa rea kəm Ja̰’g 3:19

Ma lé dəwje gə́ m’unda dee dan kəm’g ndá m’wɔji dee kəmkàr ləm tɔ. Bèe ndá ḭ gə rɔi rad, wa ndòo rɔi dɔ kaiya’g ləi.

1 Samel 25:25

Maji kar mbai ləm unda mee dɔ Nabal mbə-dəw’g neelé el mbata yeḛ to to gə́ ria bèe. Nabal ɓa gə́ ria ndá yeḛ lé néra mbə ɓa uru kəi mée’g. Ma kura ləi gə́ dené lé m’oo basaje gə́ mbai ləm ula dee lé el.