Pakɔsje 85:6 - Maktub gə́ To gə Kəmee

⁶ See məəi gə́ ḭ səi dɔ sí’g lé a to saar gə no̰ wa. Esé see i a kar oŋg ləi Aw gə́ kédé-kédé dɔ sí’g saar-saar gə no̰ ya wa.

Pakɔsje 85:6 ပူးပေါင်းရင်းမြစ်များ

Pakɔsje 138:7

Loo gə́ ma m’isi dan néurti’g lé I nja am m’isi kəmba ləm, I ula jii ndiŋ ɔg ne njéba̰je ləm dɔ oŋg’g lə dee ləma, Jikɔli ɓa i ajim ne ləm tɔ.

Pakɔsje 149:2

Maji kar Israɛlje nda meḛ dee kaḭ Dɔ yeḛ gə́ to njekunda dee’g ləm, Ŋganje gə́ Sio̰ kara maji kar dee d’isi dan boo-rɔlel’g Mbata yeḛ to mbai lə dee ləm tɔ.

Pakɔsje 53:6

Yen ɓa d’a kunda bala ndəb ne pəd-pəd Lal ne gin né gə́ bèe gə́ ka̰ kunda ne bala, Ala a sané sḭgarɔ dee-deḛ Gə́ d’aw d’ula kəm dəwje ləa ndòo, I a kila rɔkul dɔ dee’g mbata Ala mbad dee.

Pakɔsje 71:20

Dan nékəmndoo’g gə dan némeekonje’g lé I aḭ ne məəm ya, Nɛ i a tel kam m’isi kəmba gogo ɓəi ləm, I a kam m’unda loo m’teḛ mee bwa-dɔɓar’g ləm tɔ.

Pakɔsje 74:1

Pakɔs lə Asap. Ǝi Ala, see gelee ban ɓa i uba dee ya̰ dee gə no̰ ɓəi wa. See gelee ban ɓa oŋg ləi ḭ səi gə́ kédé-kédé Ari ḭ ne gə koso-nékulje ləi Gə́ d’aar loo-ko̰-mu’g ləi lé tɔɓəi wa.

Pakɔsje 77:8

See Mbaidɔmbaije a kɔs sí rəw saar gə no̰ ya wa. See yeḛ a tel kila kəm sí toro’g el ŋga wa.

Pakɔsje 80:18

Maji kari ila jii dɔ dəw gə́ si dɔ jikɔli’g lé Dɔ dəw gə́ i nja ɔree kəmi’g lé.

Pakɔsje 90:14

Teḛ gə ndɔ gə ndɔje kára-kára lai lé Ar meemaji ləi taa meḛ sí pəl-pəl Ndá j’a síje ne dan rɔlel’g gə dan rɔkal’g saar ndɔ kwəi lə sí ya.

Esai 57:15

Mbata Njekurdɔloo ləm Njesikəmba gə no̰ ləma, Yeḛ gə́ Ria to gə kəmee ləm tɔ lé Pa togə́bè pana: Ma m’isi sém looje gə́ ndəw’g ləm, Gə loo gə́ to gə kəmee’g ləm tɔ, Nɛ m’isi na̰’d gə dəw gə́ kəmee to ndòo ləm, Gə yeḛ gə́ ula dəa ləm tɔ, Gə mba gɔl meḛ dee gə́ d’ula dɔ dee ləm, Gə deḛ gə́ kəm dee to ndòo ləm tɔ.

Jeremi 3:5

See yeḛ a kar oŋg ləa to saar wa. See yeḛ a ŋgəm oŋg lé mée’g saar-saar gə no̰ wa. Aa ooje, seḭ paje ta nee ya Nɛ seḭ raje majel kəm sí gə́ kédé-kédé ləm, Seḭ gərje gao ləm tɔ.

Jeremi 33:11

d’a koo ndu pa rɔlel gə ndu pa kalrɔ ləm, gə ndu paje lə njedené-sigi gə njeŋgao-sigi ləm, gə ndu paje lə dee gə́ d’ɔs pana: Pidije Njesigənea̰ gə́ njeboo-néje Mbata Njesigənea̰ lé to njemajidum ləm, Meekɔrjol ləa to saar gə no̰ ləm tɔ. D’a koo ndu paje lə deḛ gə́ d’inja nékinjanéməsje gə́ ka̰ ra oiyo mee kəi’g lə Njesigənea̰ mbata m’a tel ree sə dee, ree kunda dee lée’g neelé to gə́ kédé ya. Njesigənea̰ ɓa pa bèe.

Ojee 6:2

As ndɔ joo ba ya Yeḛ a kar sí n’tel j’isije kəmba, Ndɔ gə́ njekɔm’g munda ndá Yeḛ a k’un sí kur sí tar, Bèe ɓa j’a si ne kəmba nea̰’g ya.

Habakuk 3:2

Njesigənea̰, ma m’oo ta gə́ i pa lé Ndá ɓəl undam badə gaŋgm. Ǝi Njesigənea̰! ar kula raije d’aw lée’g béréré gə ləb dee ləb dee, Gə ləbje ləbje lé ar dee gər kula raije tɔ. Nɛ dan oŋg’d ləi lé ar məəi olé dɔ meekoso lemsé’g ləi to!