Pakɔsje 85:13 - Maktub gə́ To gə Kəmee

¹³ Njesigənea̰ nja ɓa ar sí j’isi dan maji’g, Bèe ɓa dɔ naŋg lə sí a kinja gə kandə néje ya.

Pakɔsje 85:13 ပူးပေါင်းရင်းမြစ်များ

Pakɔsje 119:35

Maji kari ɔr nɔm kila-rəw godnduije’g lé Mbata ma lé m’ndigi togə́bè ya.

Pakɔsje 89:14

Kag jii to kɔgərɔ-kɔgərɔ ləm, Jii ɓar mèr-mèr ləma, Jikɔli to gə́ tar ndiŋ ləm tɔ,

Esai 58:8

Yee ɓa ndogó ləi a kḭ ne to gə́ kàr Gə́ uba kuji’g bèe ləm, Rɔi a sa ne rəw kalaŋ ləm tɔ, Nérai gə́ gə dɔ najee a kɔr nɔḭ ləm, Rɔnduba lə Njesigənea̰ a korè səi rəw mès ləm tɔ.

Jeremi 31:14

M’a kar né gə́ to ubu As njékinjanéməsje nag-nag ləm, Némajije ləm A kas koso-dəwje ləm nag-nag ləm tɔ, Njesigənea̰ ɓa pa bèe.

Ejekel 36:30

N’a kar kandə kagje gə kandə néndɔje lə sí ḭ dɔ maree’d gə́ kédé-kédé mba kar rɔkul-boo lə ɓoo-boo tibi mbɔr sí mbuna ginkoji dəwje gə raŋg’g el ŋga.

Ləbije 26:4

m’a kar sí mán ndi gə naḭyee-naḭyee ləm, naŋg a kinja gə néje ləa ɓagəsa ləma, kagje gə́ mee ndɔje’g kara d’a kandə njim-njim ləm tɔ.

Tagə́maji gə́ Ja̰ ndang 13:34

Godndu gə́ sigi ɓa m’pa m’ar sí nee: Undaje na̰ dan kəm na̰’d, to gə́ ma m’unda sí dan kəm’g lé maji kar sí-seḭ kara undaje na̰ dan kəm na̰’d togə́bè tɔ.

2 Njé gə́ Kɔrḭtə 3:18

Jeḛ lai gə́ kəm sí to jəgəgə ar sí n’tən ne rɔnduba lə Mbaidɔmbaije asəna gə dəw gə́ oo kəmee tatara’g bèe lé jeḛ n’tel n’tanaje ne səa pai-pai, n’tɔb ne goo rɔnduba ləa, yee ɓa, to né gə́ Mbaidɔmbaije gə́ to Ndil lé ra meḛ sí’g tɔb ne goo rɔnduba ləa, yee ɓa, to né gə́ Mbaidɔmbaije gə́ to Ndil lé ra meḛ sí’g ya.

Njé gə́ Galati 2:20

Ma m’ɗar rɔm gə Kristi na̰’d, ɓó lé m’isi kəmba ndá kara to ma el ŋga, nɛ Kristi ɓa si kəmba məəm’g, ɓó lé m’isi kəmba gə darɔm ɓasinè ndá kara meekun gə́ m’un m’ar Ŋgon-Ala lé ɓa m’isi ne kəmba. Yeḛ nja ɓa undam dan kəmee’g, ya̰ rəa ar yoo mbata ləm tɔ.

1 Piɛrə 4:1

Togə́bè to gə́ némeeko̰ ra Kristi loo gə́ yeḛ nai gə darəa bura ɓəi ndá maji kar sí-seḭje kara arje takə̰ji gə́ togə́bè lé wa na̰ meḛ sí’g tɔ gə mba kaa ne dɔ rɔ sí. Mbata dəw gə́ némeeko̰ rəa loo gə́ yeḛ nai gə darəa bura ɓəi lé yeḛ unda rəa gaŋg dan kaiya’g,

1 Ja̰ 2:6

Yeḛ gə́ pana: Neḛ nai səa ndá maji karee un panjaa ləa-yeḛ lé lad tɔ.