Pakɔsje 83:18 - Maktub gə́ To gə Kəmee

¹⁸ Maji kar kaar dee to kərm, kar dee ndəb pəd-pəd saar gə no̰ ya ləm, Maji kar dee nai gə rɔkul ɓó gə d’udu ne guduru ya ləm tɔ.

Pakɔsje 83:18 ပူးပေါင်းရင်းမြစ်များ

Gḭ-Néje 22:14

Abrakam unda ri loo neelé lə Jehoba-Jire kɔr gelee pana: Njesigənea̰ to nje-kar sí né gə́ jeḛ j’aw ndée. Gelee gə́ nee ɓa ɓogənè kara deḛ pa ne pana: Dɔ mbal’g lə Njesigənea̰ lé d’a kar sí né gə́ j’aw ndée keneŋ.

1 Mbaije 18:37

Ǝi Njesigənea̰, ilam keneŋ ya, ilam keneŋ ya, gə mba kar dəwje d’oo to gə́ i to Njesigənea̰ gə́ to Ala gə́ njetel meḛ dee par gə́ rɔi’g ya.

2 Mbaije 19:19

Ɓasinè, Njesigənea̰, Ala lə sí, ɔr sí ji Sa̰kɛrib’g gə mba kar ɓeeko̰je gə́ dɔ naŋg nee lai d’oo to gə́ i nja kára ba to Njesigənea̰!

Pakɔsje 18:13

Loo gə́ ndogó nea̰’g lé sané mumje Gə kwɔji gə kɔr pərje kad-kad.

Pakɔsje 35:4

Deḛ gə́ ndigi kam m’udu lé Maji kar dee d’aw go̰gyo̰-go̰gyo̰ gə rɔkul dɔ dee’g ləm, Deḛ gə́ d’ḛjim bəḭ-bəḭ mba karm m’tuji lé Maji kar dee rəm gogo gə rɔkul dɔ dee’g ya ləm tɔ.

Pakɔsje 59:13

Taje kára-kára lai gə́ teḛ ta dee’g lé Teḛ gə́ ta kaiya-kaiya, Maji kar ta beelé lə dee tel wa dɔ dee, Mbata deḛ lé ta kila ndɔl gə taŋgɔm ɓa teḛ ta dee’g ya.

Pakɔsje 9:16

Ginkoji dəwje gə raŋg d’oso mee bwa Gə́ deḛ nja d’uru’g lé ləm, Gɔl dee kara réḛ gum gə́ deḛ nja d’iya pḛ́ lé ləm tɔ.

Pakɔsje 9:2

M’a pidi Njesigənea̰ gə ŋgaw məəm bura ləm, M’a kɔr sor boo-néraije lai gə́ maji dum ləm tɔ.

Pakɔsje 92:8

Ɓó lé njémeeyèrje ra tɔg gə́ kédé-kédé to gə́ mu bèe ləm, Ɓó lé deḛ gə́ ra némajel lé d’idi pug-pug ləm tɔ kara To mba kar dee d’udu ne guduru gə no̰ ya.

Pakɔsje 97:9

Mbata i Njesigənea̰ to Njekurdɔloo gə́ dɔ naŋg nee lai ya, I lé boo ur dɔ magə-poleje gə́ dɔ naŋg nee lai.

Teḛ-Raga 6:3

Ma m’teḛ dɔ Abrakam’g gə dɔ Isaak’g gə dɔ Jakob’g tɔ, m’teḛ dɔ dee’g gə́ Ala gə́ Bao-Siŋgamoŋ lé ya, nɛ gin rim gə́ to Njesigənea̰ lé ɓa deḛ gər el.

Esai 42:8

Ma m’to Njesigənea̰, yee ɓa to rim, Ndá m’a kya̰ rɔnduba ləm kar dəw gə́ raŋg el ləm, Riɓar ləm kara m’a kya̰ kar magəje el ləm tɔ.

Esai 5:16

Rəwta gə́ gaŋg gə goo rəbee lé A riba dɔ boo lə Njesigənea̰ gə́ njeboo-néje ləm, Néreaje gə́ gə dɔ najee lé A riba dɔ meenda londoŋ lə Ala ləm tɔ.

Esai 54:5

Mbata njekundai ɓa gə́ ŋgabije, Njesigənea̰ gə́ njeboo-néje ɓa gə́ ria, Njerɔkunda lə Israɛlje ɓa gə́ njekoga dɔi! Yeḛ lé ria lə Ala gə́ to mbai dɔ naŋg nee lai.

Jeremi 16:21

Gelee gə́ nee ɓa Ma m’ar dee gər ɓasinè ləm, M’ar dee gər siŋgamoŋ ləm Gə roŋgəŋ ləm ləm tɔ. Yen ɓa d’a gər to gə́ rim To Njesigənea̰.

Ejekel 30:19

N’a gaŋg rəwta lə neḛ dɔ Ejiptəje’g ndá d’a gər to gə́ neḛ to Njesigənea̰ ya.

Ejekel 38:23

N’a riba dɔ boo lə neḛ gə meenda lə neḛ gə́ raga ləm, n’a kar dee gər neḛ kəm ginkoji dəwje gə raŋg’d gə́ bula digi-digi lé ləm tɔ. Bèe ɓa deḛ d’a gər ne to gə́ neḛ n’to Njesigənea̰ ya.

Loo gə́ killa rea kəm Daniel’g 4:25

Néje neelé lai d’aw lée’g béréré dɔ mbai’g Nebukadnesar lé.

Loo gə́ killa rea kəm Daniel’g 4:32

Dəwje lai gə́ d’isi dɔ naŋg nee d’əḭ kəmee’g el. Boo-kuraje gə́ dara gə dəwje gə́ d’isi dɔ naŋg nee kara yeḛ ra sə dee to gə́ mée ndigi, tɔɓəi dəw kára kara askəm kwa jia kɔgee dɔ né gə́ yeḛ wɔji-kwɔji ra lé el ləm, əsé a dəjee pana: See ɗi ɓa i ra bèe wa, a dəjee bèe el ləm tɔ.

Misee 4:13

Seḭje gə́ Jerusalem lé, ḭje ta tuba deeje naŋg! N’a ra gaji sí gə larndul ləm, Gə ŋgo gɔl sí gə larkas ləm tɔ. Ndá seḭ a rədje dɔ ginkoji dəwje gə raŋg naŋg. Seḭ a kundaje némajije lə dee gə kəmee Kar Njesigənea̰ ləm, Gə nébaoje lə dee gə́ nébanrɔ Kar Mbai dɔ naŋg bura ya ləm tɔ.

Jakari 4:14

Yeḛ pana: To dəwje joo gə́ d’wa dɔ dee gə ubu mba kar dee d’aar no̰ yeḛ gə́ to mbai dɔ naŋg nee lai lé.