Pakɔsje 82:3 - Maktub gə́ To gə Kəmee

³ Maji kar sí ɔrje kəm ta lə dəw gə́ siŋgá godo gə ŋgonal lé ləm, Njenékəmndoo gə njendoo lé kara Raje sə dee gə goo rəbee ləm tɔ.

Pakɔsje 82:3 ပူးပေါင်းရင်းမြစ်များ

Maktub gə́ wɔji dɔ Jɔb 29:12

Mbata ma m’aji njendoo gə́ no̰ wəl ɓar njela səa ləm, Gə ŋgonal gə́ dəw gə́ njegədee godo ləm tɔ.

Maktub gə́ wɔji dɔ Jɔb 31:21

Ɓó lé m’un jim m’ɔs ne ŋgonal rəw Mbata ma m’oo to gə́ njégaŋ-rəwtaje d’a gədm keneŋ ndá

Pakɔsje 10:18

Gə mba gɔl ne ta lə ŋganalje Gə deḛ gə́ d’ula kəm dee ndòo lé gə goo rəbee ləm, Gə mba kar dəw gə́ to nduji naŋg lé Ǝw rəa kula ɓəl meḛ mareeje’g ləm tɔ.

Teḛ-Raga 23:3

Njendoo lé seḭ a kɔrje kəm ta ləa maji loo gaŋgta’g mbata to gə́ yeḛ to njendoo lé ɓa el.

Teḛ-Raga 23:6

Né gə́ kəm kar njendoo iŋga loo-gaŋg-rəwta’g lé seḭ a bugureje dɔ’g el.

Gosota-Kəmkàrje 31:9

Maji kari teḛ tai gaŋg ne rəwta gə dɔ najee ləm, Oso gel njenékəmndoo’g gə njendoo’g ləm tɔ.

Esai 1:17

Ndooje loo ra né gə́ maji ləm, Ndolèje goo néra gə́ gə dɔ najee ləm, Aaje dɔ yeḛ gə́ d’ula kəmee ndòo ləm, Ɔrje kəmta lə ŋgonal gə goo rəbee ləma, Aḭje bada dɔ njekəisiŋga’g ləm tɔ.

Esai 1:23

Mbaije lə sí to njékɔsta-rəwje ləm, Gə njékɔm na̰’d gə njéɓogoje ləm tɔ. Deḛ lai ndigi néndogo-gel ləm, D’aiŋgwɔd goo nédɔji dee’g ləm, Deḛ d’ɔr kəmta lə ŋgonal Gə goo rəbee el ləma, Deḛ d’ya̰ loo d’ar njekəisiŋga Ree gə ta ləa rɔ dee’g el ləm tɔ.

Jeremi 21:12

Seḭ gel-bɔje lə Dabid! Njesigənea̰ pa togə́bè pana: Un kudee gə ndɔ rad saar lé Maji kar sí gaŋgje rəwta gə́ gə goo rəbee ləm, Taaje dɔ deḛ gə́ d’ula kəm dee ndòo Ji njekula kəm loo ndòo’g ləm tɔ. Nà oŋg-boo lə neḛ a mbudu ko̰ To gə́ pər bèe Kar dəw gə́ njetɔl pəree godo Mbata néra meeyèrje lə sí lé.

Jeremi 22:16

Yeḛ gaŋg rəwta lə njenékəmndoo Gə yeḛ gə́ né lalee gə goo rəbee, Ndá yeḛ si ne dan rɔlel’g. Njesigənea̰ pana: See néra gə́ togə́bè ɓa gə́ gər neḛ el wa.

Jeremi 22:3

Njesigənea̰ pa togə́bè pana: Gaŋje rəwta néra gə́ gə dɔ najee gə goo rəbee ləm, taaje dɔ deḛ gə́ d’ula kəm dee ndòo ji njékula kəm loo ndooje’g ləma, ulaje kəm dəw-dɔ-ɓee gə ŋgonal gə njekəisiŋga ndòo el ləm tɔ. Raje néra gə́ kərm-kərm el ləm, ilaje məs yeḛ gə́ ta wa dəa el naŋg mee loo gə́ nee el ləm tɔ.

Jeremi 5:28

Deḛ d’ər ndɔl-ndɔl D’ar rɔ dee àr wəd-wəd Nɛ néra majel lə dee al dɔ loo sula. Deḛ d’isi dan nékiŋgaje’g bèdèg Nɛ d’ɔr kəmta lə ŋgonal el ləm, Deḛ d’ya̰ né gə́ wɔji dɔ njéndooje D’ar dee d’iŋga el ləm tɔ.

Jakari 7:9

Njesigənea̰ gə́ njeboo-néje pa togə́bè pana: Gaŋje rəwta gə́ gə dɔ najee ləm, Raje gə na̰ meemaji ooje ne kəmtondoo lə na̰ ləm tɔ.

Tel tura Godndu 10:18

yeḛ oso gel ŋganalje’g gə njékəisiŋgaje’g ləm, yeḛ unda dəw-dɔ-ɓeeje dan kəmee’g ar dee ne nésɔ gə kubuje gə́ ka̰ kula rɔ dee’g ləm tɔ.

Tel tura Godndu 24:17

Né gə́ kəm kar dəw-dɔ-ɓee əsé ŋgonal iŋga loo gaŋg-rəwta’g lé seḭ a bugureeje dɔ’g el ləm, seḭ a taaje kubu lə njekəisiŋga gə́ né kɔs naŋg el ləm tɔ.

Maktub gə́ Jak ula ne ar ngan-Allaje 1:27

Tədkag Ala gə́ to kankəm né gə́ taa kəm Ala Ɓɔsíje lé yee ɓa nee: Aw la gə ŋganalje gə njékəisiŋgaje dan némeeko̰’g lə dee ləm, ar majel gə́ dɔ naŋg nee tibi mbɔri el ləm tɔ.