Pakɔsje 81:8 - Maktub gə́ To gə Kəmee

⁸ I ra né wəl dan néurti’g Ndá ma nja m’ɔri keneŋ ləm, Ma m’tel m’ilai keneŋ dan loo-kiya-rɔ’g lə ndaŋg lə ndi ləma, Ma m’aḭ məəi mbɔr manje gə́ Meriba’g lé ya ləm tɔ.

Pakɔsje 81:8 ပူးပေါင်းရင်းမြစ်များ

Pakɔsje 50:7

Seḭ dəwje ləm lé urje mbi sí, m’a gə pata, Seḭ Israɛlje kara m’a gə ndəji sí kɔr tɔ. Ma lé m’to Ala gə́ to Ala lə sí ya.

Pakɔsje 81:13

Yen ɓa ma m’ya̰ dee ne M’sula dee ne sɔgɔ dan néje gə́ meḛ dee wɔji’g lé. Néje gə́ d’wɔji meḛ dee’g lé deḛ ndolè gée ya.

Teḛ-Raga 15:26

Yeḛ pana: Ɓó lé seḭ tugaje mbi sí ooje ne ndu Njesigənea̰, Ala lə sí ləm, lé seḭ raje né gə́ taa kəmee ləm, lé seḭ urje mbi sí ooje ne torndiaje ləma, lé seḭ raje godndiaje ləm tɔ ndá rɔko̰je gə́ ɓəd-ɓəd gə́ m’tuji ne njé gə́ Ejiptə lé m’a tuji sí ne el, mbata ma lé m’to Njesigənea̰ gə́ njekaji sí ya.

Teḛ-Raga 17:7

Loo neelé deḛ d’unda ria lə Masa gə Meriba (gelee to kəm-ŋgununu) mbata Israɛlje lé maḭta ləm, deḛ d’aḭ mee Njesigənea̰ ləm tɔ pana: Njesigənea̰ lé see si mbuna sí’g əsé yeḛ si mbuna sí’g el wa.

Teḛ-Raga 19:16

Ndɔ gə́ njekɔm’g munda teḛ gə ndɔ lé ndi ndaŋg ləm, ndi tel ləma, ndi ḭ ŋgwɔḭ-ŋgwɔḭ ɔn dɔ mbal ləm tɔ, ndu to̰to̰ ɓar po̰-po̰, ar koso-dəwje lai gə́ d’isi loo-si dee’g neelé ɓəl unda dee badə gaŋg dee .

Esai 1:19

Ɓó lé seḭ ḭje gə meḛ sí Mba koo ne ta ləm ndá Seḭ a sɔje némajije Gə́ ur dɔ mareeje mee ɓee’g neelé,

Bula lə Israɛlje 20:13

Yee ɓa to mán gə́ Meriba, loo gə́ Israɛlje d’oma̰ gə Njesigənea̰ nɛ yeḛ riba dɔ meenda londoŋ ləa mbuna dee’g lé.

Tagə́maji gə́ Ja̰ ndang 3:11

Ma m’ulai təsərə, jeḛ j’ɔr gin né gə́ jeḛ j’oo njai ləm, jeḛ j’ɔr goo né gə́ jeḛ j’oo gə kəm sí ləm tɔ, nɛ seḭ taaje ta lə sí el.

Néra Njékaḭkulaje 20:21

Ma m’ula ne Jibje gə Grekje ta kwa ndòo rɔ dɔ kaiya’g lə dee rɔ Ala’g lé ɓó gə kar dee d’un ne meḛ dee d’ar Mbaidɔmbaije Jeju Kristi.

Tel tura Godndu 32:46

Yeḛ ula dee pana: Taje lai gə́ m’a man sí ne ɓogənè lé maji kar sí waje dɔɓəŋgərə sí’g mba ndoo ŋgan síje gə mba kar dee d’aa ne dɔ taje lai gə́ to mee godndu’g neelé mba ra née.

Tel tura Godndu 5:27

I ya aw oo ta néje lai gə́ Ala lə sí gə́ Njesigənea̰ a gə pa lé ndá i nja a ndaji ta néje lai gə́ Ala lə sí gə́ Njesigənea̰ a gə kulai lé kar sí ndá jeḛ j’a kooje ya ləm, j’a raje née ya ləm tɔ.

1 Ja̰ 5:9

Ɓó lé jeḛ n’taa ta lə dəwje gə́ d’ɔr gée lé ndá ta lə Ala gə́ ɔr gée lé ur dɔ ka̰ dee-deḛ’g ɓəi, mbata goo ta gə́ Ala ɔr lé yeḛ teg ne gin Ŋgonee ar dee ya.