Pakɔsje 81:15 - Maktub gə́ To gə Kəmee

¹⁵ Léegəneeya m’a dum dɔ njéba̰je lə dee ləm, M’a tel jim kunda ne njékula kəm dee ndooje lé ləm tɔ.

Pakɔsje 81:15 ပူးပေါင်းရင်းမြစ်များ

Pakɔsje 102:28

Nɛ i nja si to gə́ kédé ɓó rɔi tel ɓəd el ləm, Ləb sii kara rudee a kun ɗiao el ləm tɔ.

Pakɔsje 63:3

Togə́bè ɓa m’oré ne kəm sḭ dɔi’g Mee kəi-sii gə́ to gə kəmee lé Gə mba koo ne siŋgamoŋ ləi ləm, gə rɔnduba ləi lé ləm tɔ.

Teḛ-Raga 20:5

I a kunda barmba dəb kəmi naŋg no̰ dee’g el ləm, i a kula kəm rɔi ndòo mbata lə dee el ləm tɔ, mbata ma Njesigənea̰, Ala ləi lé ma m’to Ala gə́ kəm əḭ dɔ koso-dəwje’g ləm gə́ m’ar bo̰ néra yèr lə bɔ ŋganje gə́ d’ḛjim bəḭ-bəḭ lé ɔs ta ŋgan deeje’g saar njéboakojije lə dee gə́ kudu munda əsé gə́ kudu sɔ tɔ,

Esai 65:22

D’a ra kəije kar dəw gə́ raŋg Ɓa si keneŋ el ləm, D’a ma̰a nduúje kar dəw gə́ raŋg Ɓa sɔ ka̰dee el ləm tɔ, Mbata ndɔje lə koso-dəwje ləm D’a to kasəna gə ndɔje lə kagje bèe ləm, Deḛ gə́ m’unda dee gə kəmee lé D’a ra rɔlel dɔ kulaje gə́ deḛ ra gə ji dee lé ləm tɔ.

Ləbije 26:3

Ɓó lé seḭ ilaje koji dɔ godndumje’g ləm, lé seḭ aaje dɔ godndumje kər-kər raje née ləm tɔ ndá

Ləbije 26:7

Seḭ a tubaje njéba̰je lə sí kar dee d’wəi yoo-kiambas no̰ sí’g.

Njé gə́ Rɔmə 1:30

Deḛ to njéndo̰-gwɔs dəwje ləm, gə njétədtaje ləm, gə njékɔs Ala rəwje ləm, gə njékəmtɔgje ləm, gə njébeeleje ləm, gə njéti rɔ deeje ləm, gə njétum gel néyèrje gə́ sigi ləm, gə njékɔs ta lə njekoji deeje rəw ləma, kəmkàr godo rɔ dee’g ləm tɔ.

Njé gə́ Rɔmə 8:7

Yeḛ gə́ wa goo rəa dɔ darɔ’g ndá yeḛ wa ba̰ gə Ala, mbata darɔ lé oso kul dɔ godndu Ala’g lé el mbata asəna̰’d aree el.

Tel tura Godndu 7:10

Nɛ yeḛ uga dɔ ji deḛ gə́ d’ə̰jee bəḭ-bəḭ aree wɔji dɔ dee ndá ar dee d’udu ne guduru, yeḛ gə́ ə̰jee bəḭ-bəḭ lé, yeḛ aree nékoga dɔ jia gə́ wɔji dəa njoroŋ ya.