Pakɔsje 81:13 - Maktub gə́ To gə Kəmee

¹³ Yen ɓa ma m’ya̰ dee ne M’sula dee ne sɔgɔ dan néje gə́ meḛ dee wɔji’g lé. Néje gə́ d’wɔji meḛ dee’g lé deḛ ndolè gée ya.

Pakɔsje 81:13 ပူးပေါင်းရင်းမြစ်များ

Gosota-Kəmkàrje 1:31

Ndá d’a kul rɔ dee gə kandə né Gə́ ḭ dan panjaa dee’g ləm, Takwɔji-kəmkàrje lə dee-deḛ ya ɓa A kas dee nag-nag ləm tɔ.

Esai 48:18

Ǝi! ɓó lé seḭ urje mbi sí gèŋ dɔ torndum’g ndá Si maji lə sí a to to gə́ mán baa bèe ləm, Rɔlel lə sí a to kasəna gə paŋgəm mán baa-boo bèe ləm tɔ,

Jeremi 7:24

Nɛ deḛ d’un mbi dee rəw dɔ ta’g ləm, d’ur mbi dee gèŋ dɔ’g el ləm tɔ. Deḛ njaa gə goo takə̰jije lə dee ləm, gə meeyèr gə́ meḛ dee’g ləm tɔ, deḛ tel gir dee ɓa d’ila d’am ɓó tel kəm dee gə́ rɔm’g el.

Matiyo 23:37

Seḭ njéɓeeje gə́ Jerusalem, seḭ njéɓeeje gə́ Jerusalem lé seḭ gə́ tɔlje njéteggintaje gə tilaje deḛ gə́ d’ula dee rɔ sí’g gə kɔri-ərje lé see gɔl ka̰da ɓa ma m’ndiŋga rɔm mba mbo̰ sí gelm’g to gə́ ko̰ kṵja mbo̰ ne ŋganee gel bagee’g bèe nɛ seḭ ṵdamje ɓad nee ɓəi wa.

Tel tura Godndu 32:29

Ɓó lé deḛ to njékəmkàrje ndá Aa oo, né gə́ d’a gər ɓa nee: D’a kḛji dɔ né gə́ a gə teḛ dɔ dee’g ya.

Tel tura Godndu 5:29

Né kára ba lé ɓó lé deḛ d’wɔji meḛ dee’g njaŋg gə mba ɓəlm ləm, gə mba kaa dɔ torndumje kər-kər ləm tɔ ndá deḛ ləm, gə ŋgan deeje ləm tɔ lé d’a si gə rɔlel saar-saar gə no̰ ya.