Pakɔsje 8:5 - Maktub gə́ To gə Kəmee

⁵ Am m’dəji ne rɔm m’pana: See dəw to gə́ ɗi ɓa i ar məəi olé dəa’g bèe wa. See ŋgon dəw lé to gə́ ɗi ɓa i tɔs kəmi bao-bao dəa’g bèe wa.

Pakɔsje 8:5 ပူးပေါင်းရင်းမြစ်များ

Gḭ-Néje 2:7

Njesigənea̰ Ala ra dəw gə nduji naŋg. Yeḛ tó kəmə gə́ ka̰ si kəmba rəw əmee’g ndá dəw lé tel to dəw gə́ si kəmba ya.

2 Samel 14:29

Yeḛ ula kula dəji Joab mba karee ulá rɔ mbai’g nɛ Joab ndigi kaw rəa’g el saar. Yeḛ tel dəjee njekɔm’g gɔl joo ndá Joab mbad ree ya ɓəi.

Maktub gə́ wɔji dɔ Jɔb 7:17

See dəw to ɗi ɓa i tɔs kəmi dəa’g bao-bao ləm, I aa dəa kər-kər ləm,

Pakɔsje 103:20

Seḭ kuraje ləa gə́ dara gə́ siŋga sí to kɔgərɔ-kɔgərɔ ləm, Seḭ gə́ raje torndiaje Ilaje ne koji dɔ tapea’g ləm tɔ lé Undaje no̰ dɔkaisəgərə lə Njesigənea̰.

Pakɔsje 103:4

Yeḛ nja ɓa taai ta bwa-yoo’g ləm, Ula meemaji gə meekɔrjol to gə́ dɔgugu bèe dɔi’g ləm tɔ.

Pakɔsje 144:3

Njesigənea̰, see dəw lé to ɗi ɓa Mba kar i gəree wa. Esé see ŋgon dəw lé to gə́ ɗi ɓa Mba kari tɔs kəmi dəa’g bao-bao wa.

Pakɔsje 45:6

Ndo̰ ɓandaŋgje ləi adə njal-njal, Koso-dəwje d’a toso naŋg gɔli’g ləm, Ndo̰ ɓandaŋgje ləi lé d’a tɔs ɓəŋgərə njéba̰je lə mbai ləm tɔ.

Njé gə́ Epesə 1:21

aree dum ne dɔ dəw-dɔ-looje gə ri dee ri dee lai ləm, gə dɔ ko̰ɓee gə ri dee ri deḛ lai ləm, gə dɔ siŋgamoŋje gə ri dee ri dee lai ləm, gə dɔ mo̰ɓee gə́ rara kara ləma, gə dɔ ri dəw gə́ rara gə́ d’askəm ɓar mbuna deḛ gə́ d’isi gən wəl neelé gə kar dee el nɛ mbuna deḛ gə́ d’a gə ree ɓəi ləm tɔ.

Ǝbrəje 2:16

Mbata né gə́ yeḛ ra lé wɔji dɔ ŋgaka Abrakam ɓó wɔji dɔ kuraje gə́ dara el.

Ǝbrəje 2:7

I undá aree nai lam bèe ndá a kas gə kuraje gə́ dara ləm, I ula dɔgugu rɔnduba dəa’g ila ne riɓar ne dəa’g ləm tɔ.

Ǝbrəje 2:9

Nɛ jeḛ j’oo Jeju, yeḛ gə́ Ala undá aree nai lam bèe a kas kuraje gə́ dara. Jeju lé ya̰ rəa ar yoo mba kar mbɔl dɔ noji lə Ala lé ɓa yeḛ wəi ne ila ne ɗigi kaar yoo’g mbata lə dəwje lai. Nɛ ɓasinè d’ula dɔgugu rɔnduba dəa’g ləm, d’ila ne riɓar dəa’g ləm tɔ.