Pakɔsje 79:5 - Maktub gə́ To gə Kəmee

⁵ Njesigənea̰, see ndɔ gə́ ra ɓa a kunda ŋgaŋ meekḭ jugugu ləi ɓəi wa. See ndɔ gə́ ra ɓa oŋg ləi gə́ taa pər bilim-bilim lé a kwəi bèm wa.

Pakɔsje 79:5 ပူးပေါင်းရင်းမြစ်များ

Pakɔsje 103:9

Yeḛ to njendaŋ dəwje gə́ kédé-kédé el ləm, Oŋg ləa kara yeḛ wa mée’g saar-saar el ləm tɔ.

Pakɔsje 6:4

Meem pélé wəs-wəs dɔ rɔm’g. I Njesigənea̰, see ndɔ gə́ ra ɓa a kunda ŋgaŋgee wa.

Pakɔsje 74:1

Pakɔs lə Asap. Ǝi Ala, see gelee ban ɓa i uba dee ya̰ dee gə no̰ ɓəi wa. See gelee ban ɓa oŋg ləi ḭ səi gə́ kédé-kédé Ari ḭ ne gə koso-nékulje ləi Gə́ d’aar loo-ko̰-mu’g ləi lé tɔɓəi wa.

Pakɔsje 80:4

Ǝi Ala, maji kari tel un sí ur sí tar ya, Ar kəmi to jḛ̀ dɔ sí’g Ndá j’a kaji ne ya.

Pakɔsje 80:5

Njesigənea̰, Ala gə́ njeboo-néje See ndɔ gə́ ra ɓa i a kunda ŋgaŋ kar məəi ḭ səi pu Kari ɔs ne tamaji lə koso-dəwje ləi rəw lé ɓəi wa.

Pakɔsje 85:5

I Ala gə́ to njekaji lə sí lé Maji kari tel gɔl sí unda sí gə́ majee gogo, Oŋg ləi gə́ ari ḭ ne sə sí lé Maji kari ya̰ gée ya.

Pakɔsje 89:46

Ndɔ basa ləa lé I aree aw ne gə kuree waga ba, I ar rɔkul dəb dəa’g tɔ.

Pakɔsje 89:47

Ǝi Njesigənea̰, see ndɔ gə́ ra ɓa i a kunda ŋgaŋ kiya rɔi wa. See ndɔ gə́ ra ɓa oŋg ləi a kəw ko̰ to gə́ pər bèe wa.

Esai 64:9

Ɓee-booje ləi gə́ to gə kəmee to gə́ dɔdilaloo, Sio̰ tel to dɔdilaloo, Jerusalem tel to dɔnduba.

Nɔ̰-ndôo gə́ wɔji dɔ Jerusalem 5:22

See i a kuba sí bura ya kya̰ sí wa. See i a kar məəi ḭ səi jugugu dɔ sí’g saar-saar bèe ya wa.

Ejekel 36:5

Gelee gə́ nee ɓa Mbaidɔmbaije gə́ Njesigənea̰ pa ne togə́bè pana: Tɔgərɔ ya, dan pər oŋg’g lə neḛ lé neḛ m’pata n’ila dɔ ginkoji dəwje gə raŋg gə́ raŋg ləm, gə dɔ Edɔmje’g lai ləm tɔ, deḛ gə́ kai na̰ ɓee lə neḛ d’aree to gə́ né ka̰ dee-deḛ gə rɔlel gə́ taa meḛ dee pəl-pəl ləm, gə kḛji loo bəḭ-bəḭ lə dee ləm tɔ mba kodo ne nékiŋgaje lə dee gə́ nébanrɔ lé.

Misee 7:18

See Ala gə́ raŋg gə́ njekar mée oso lemsé dɔ néra gə́ kori-kori’g ləm, Gə njekar mée wəi dɔ kaiyaje’g Le ges dəwje gə́ to nékea̰je ləm tɔ lé ɓa ra wa. Yeḛ ŋgəm oŋg ləa saar-saar gə no̰ el Mbata meekoso lemsé ɓa taa kəmee ya.

Soponi 1:18

Larnda lə dee əsé larlɔr lə dee kara D’a kaskəm taa ne dɔ rɔ dee mee ndɔ oŋg-boo’g lə Njesigənea̰ lé el, Pər boo-oŋg ləa a roo ɓeeje lai dula-dula, Mbata yeḛ a tuji dəwje lai Gə́ d’isi mee ɓee’g neelé pugudu-pugudu gə́ léegəneeya.

Soponi 3:8

Njesigənea̰ pa togə́bè pana: Maji kar sí ŋginaje neḛ saar Ndɔ gə́ n’a kḭ taa nébanrɔ ɓa, Mbata neḛ n’wɔji mee neḛ’g njaŋg Gə mba mbo̰ ginkoji dəwje gə raŋg ləm, Gə ɓeeko̰je ləm tɔ Gə mba kɔm oŋg lə neḛ lé dɔ dee’g Boo-oŋg lə neḛ gə́ to asəna gə pər bèe Mbata pər boo-oŋg lə neḛ a roo naŋg nee lai dula-dula ya.

Jakari 1:12

Yen ŋga kura lə Njesigənea̰ lé un ta dəji pana: Njesigənea̰ gə́ njeboo-néje, see saar ndɔ gə́ ra ɓa i a lal koo kəmtondoo lə njé gə́ Jerusalem gə ɓee-booje gə́ Juda, dee gə́ i ar məəi ḭ səi jugugu dɔ dee’g as ləb rɔ-siri mba̰ lé wa.

Tel tura Godndu 29:20

Njesigənea̰ a kɔr kəmee kundá ɓəd mbuna ginkoji Israɛlje’g lai kar némeeko̰ teḛ dəa’g gə goo ta ndɔlje lai gə́ ka̰ manrɔ gə́ ndaŋg taree mee maktub godndu’g lé ya.

Tel tura Godndu 32:16

Deḛ d’ar kəmkəḭ lə Njesigənea̰ ḭ dɔ maree’d gə́ kédé-kédé mbata lə magəje gə́ dɔɓee’g, Deḛ d’ar mée ḭ səa pu gə néje gə́ mina̰ tɔ.

Tel tura Godndu 32:22

Mbata pər oŋg ləm mbudu o̰ ndá A ko̰ saar teḛ rudu loo-si njé gə́ d’wəi’g A roo naŋg nee gə kandə néje gə́ d’uba keneŋ ləm, A kaw saar teḛ gel mbalje’g naŋg ləm tɔ.

Loo gə́ killa rea kəm Ja̰’g 6:10

Deḛ no̰ gə ndu dee gə́ boi wəl pana: Mbai, i gə́ njemeenda gə njekankəmta lé see ban ɓa i bə rɔi lal gaŋg rəwta lé ɓəi wa. See ban ɓa i dal ba̰ məs sí gə́ ɔm dɔ dəwje gə́ dɔ naŋg nee el ɓəi wa.