Pakɔsje 79:4 - Maktub gə́ To gə Kəmee

⁴ Jeḛ n’tel n’toje nérɔkul kəm njéboataɓeeje lə sí ləm, N’toje nékunda-kogo gə nédəjindu lə dee-deḛ Gə́ gugu dɔ sí sub neelé ləm tɔ.

Pakɔsje 79:4 ပူးပေါင်းရင်းမြစ်များ

1 Mbaije 9:7

m’a tuji Israɛlje mee ɓee gə́ ma m’ar dee lé pugudu ləm, m’a kuba kəi-si-Ala gə́ m’unda gə kəmee gə́ rim ɓar dɔ’g lé kya̰ ləm tɔ ndá Israɛlje d’a tel to nékunda-kogo gə nérɔkul mbuna koso-dəwje’g lai ya.

Nehemi 1:3

Deḛ tel d’ilam keneŋ pana: Ges deḛje gə́ nai gə́ d’wa dee gə́ ɓərje el lé d’isi dəb ɓeeko̰je’g Juda dan némeekonje gə́ al dɔ loo sula ləm, gə dan boo-rɔkul’g ləm tɔ, ndògo-bɔrɔ gə́ Jerusalem təd ləm, tarəwkɔgje ləa kara pər o̰ ləm tɔ.

Nehemi 2:19

Sanbalat, dəw gə́ Hɔro̰ ləm, gə Tobija, njeboakula ləa gə́ to dəw gə́ Amo̰ ləma, gə Gesem gə́ to Arabə ləm tɔ lé d’oo taree ndá deḛ kogo sí ləm, d’ə̰ji sí bəḭ-bəḭ ləm tɔ pana: See ɗi ɓa aw raje bèe wa. See seḭ ḭje mba kɔsje mbai lé rəw wa.

Pakɔsje 80:6

Man-no̰ ɓa to gə́ nésɔ gə́ i ul dee ne ləm, Man-no̰ gə́ ruba kəm dee’g pɔ-pɔ ɓa gə́ nékai lə dee ləm tɔ.

Pakɔsje 89:41

I təd ndògo-bɔrɔje ləa lai ləm, I guru kəi-kaar-kɔgərɔje ləa naŋg rug-rug ləm tɔ.

Esai 43:28

Gelee gə́ nee ɓa deḛ gə́ to mbaije dɔ loo gə́ to gə kəmee’g lé Ma m’ra sə dee asəna gə dəwje gə́ mḭdé ba bèe ləm, M’ila njé’g lə Jakob loo-tuji’g ləma, M’ila rɔkul-boo dɔ Israɛlje’g ləm tɔ.

Jeremi 24:9

M’a kar dee to néɓəl gə némeeko̰ mbata lə ɓeeko̰je lai gə́ dɔ naŋg nee ləm, m’a kar dee to nékula sul dɔ’g ləm, gə nékunda kogo ləm, gə nékɔr sor ndam ləma, gə nékila ndɔl dɔ’g ləm tɔ mee looje lai gə́ m’a gə tuba dee keneŋ lé.

Jeremi 25:18

Ma m’ar deḛ gə́ d’isi Jerusalem ləm, gə ɓee-booje gə́ Juda ləm, gə mbaije ləa ləma, gə ŋgan-mbaije ləa ləm tɔ lé d’ai, gə mba kar ɓee lé tel to ne dɔ nduba ləm, gə néno̰ ləm, gə nékula sul dɔ’g ləma, gə né gə́ ndɔl wa dəa ləm tɔ, to gə́ seḭ ooje ne ɓogənè bèe lé ya tɔ.

Jeremi 42:18

Mbata Njesigənea̰ gə́ njeboo-néje gə́ to Ala lə Israɛlje lé pa togə́bè pana: To gə́ oŋg gə meekḭ jugugu ləm ɔm dɔ dəwje gə́ Jerusalem’g lé ɓó lé seḭ awje Ejiptə ndá meekḭ jugugu ləm a kɔm dɔ sí’g togə́bè tɔ, seḭ a toje né kun kunda yoo dɔ’g lə dəwje ləm, gə néɓəl ləm, gə nékila ndɔl dɔ’g ləma, gə nékila rɔkul-boo dɔ’g ləm tɔ. Ndá seḭ a kooje loo neelé gogo el.

Jeremi 51:51

Rɔ sí kul loo gə́ j’oo ta tajikil ləm, Sɔḭ wa kəm sí Loo gə́ dəw-dɔ-ɓeeje ree Mee loo’g lə Njesigənea̰ Gə́ to gə́ kəmee ləm tɔ.

Nɔ̰-ndôo gə́ wɔji dɔ Jerusalem 1:11

Koso-dəwje ləa lai tuma̰ ŋgururu-ŋgururu Loo-saŋg-nésɔ’g lə dee, Deḛ d’odo nékiŋgaje lə dee Gə́ bḭ-maji ɓa taa ne nésɔ Mba kul ne rɔ dee tɔ. Aa loo oo, Njesigənea̰, tel kəmi oo sí Mbata jeḛ n’tel n’toje nékula sul dɔ’gje ya.

Nɔ̰-ndôo gə́ wɔji dɔ Jerusalem 5:1

Njesigənea̰, ar məəi olé dɔ né gə́ teḛ dɔ sí’g lé! Aa loo oo rɔkul gə́ d’ila dɔ sí’g lé!

Ejekel 22:5

Deḛ gə́ d’isi dəb əsé deḛ gə́ d’isi əw kara d’a kula sul dɔi’g mbata rii ɓar majel ləm, néjɔgje taa rɔi pəl-pəl ləm tɔ.

Ejekel 35:12

Seḭ a gərje to gə́ neḛ Njesigənea̰ lé n’oo ta ndɔlje lə sí gə́ seḭ paje ilaje dɔ deḛ gə́ d’isi dɔ mbalje gə́ Israɛl, loo gə́ seḭ paje ne pana: Deḛ tuji pugudu-pugudu mba̰, d’ɔm dee ji sí’g asəna gə nékwa bèe.

Ejekel 36:15

N’a kari oo ta rɔkulje gə́ ginkoji dəwje gə raŋg pa ne səi el ləm, koso-dəwje d’a kila rɔkul-boo dɔi’g el ləm tɔ, i a tuji ginkoji dəwje ləi el ŋga, Mbaidɔmbaije gə́ Njesigənea̰ ɓa pa bèe.

Ejekel 36:3

Maji kari tegginta pana: Mbaidɔmbaije gə́ Njesigənea̰ pa togə́bè pana: Bèe ya, mbata deḛ gə́ d’isi gə looje lai lé ndigi tuji sí pugudu gə kuru dɔ sí’g mba kar sí toje gə́ né ka̰ ginkoji dəwje gə raŋg ləm, mbata seḭ toje gə́ gin tapaje gə nékwɔji lə koso-dəwje ləm tɔ

Loo gə́ killa rea kəm Daniel’g 9:16

Ǝi Mbaidɔmbaije, gə goo boo-meekoso lemsé ləi lé maji kari un oŋg ləi gə meekḭ jugugu ləi dɔ ɓee-boo’g ləi gə́ Jerusalem gə dɔ mbalje’g ləi gə́ to gə kəmee lé gə́ raŋg. Mbata kaiya ra síje gə néra kori-korije lə bɔ síje-je lé yee ɓa ar Jerusalem gə koso-dəwje ləi tel to ne nérɔkul kəm dəwje lai gə́ gugu dɔ sí sub lé.

Soponi 3:18

N’a mbo̰ dee-deḛ lai gə́ kəmndoo ra dee Gə́ d’isi əw loo-ra-naḭje gə́ to gə kəmee lé Deḛ gə́ d’ḭ mbuna sí-seḭ’g ya, Rɔkul ɓa wɔi dɔ dee’g.

Jakari 8:13

Seḭ ginkoji Judaje gə ginkoji Israɛlje lé Kédé seḭ toje koso-dəwje Gə́ ndɔl wa dɔ dee mbuna ginkoji dəwje gə raŋg’g Nɛ ɓasinè n’a kaji sí ləm, Seḭ a toje nétɔrndu mbuna dee’g ləm tɔ, Bèe ndá gə́ ɓəlje el, arje ji sí ɓar mèr-mèr.

Tel tura Godndu 28:37

Seḭ a tel toje né kar kaar dəwje wa dee ne paḭ ləm, gə nékunda kogo ne ləma, gə nédəjindu ləm tɔ mbuna ginkoji koso-dəwje lai gə́ Njesigənea̰ a gə kaw sə sí rɔ dee’g lé.