Pakɔsje 79:13 - Maktub gə́ To gə Kəmee

¹³ Nɛ jeḛ gə́ n’toje koso-dəwje ləi Gə́ n’toje koso-nékulje ləi gə́ j’aar loo-ko̰-mu’g ləi lé J’a pidii saar-saar gə no̰ ya ləm, J’a kɔs pa kila ne riɓar dɔi’g kar ŋgaka síje d’ɔs gə́ kédé-kédé ya ləm tɔ.

Pakɔsje 79:13 ပူးပေါင်းရင်းမြစ်များ

Pakɔsje 100:3

Maji kar sí gərje gao To gə́ Njesigənea̰ lé to Ala ya. Yeḛ nja ɓa to njekunda sí ləm, Jeḛ n’toje kea̰-yeḛ nja ləm tɔ. Jeḛ n’toje koso-dəwje ləa ləm, Jeḛ n’toje koso-nékulje Gə́ d’aar loo-ko̰-mu’g ləa ləm tɔ.

Pakɔsje 145:4

Maji kar ŋgaka dəwje-dəwje d’unda no̰ néraije d’ar na̰ ləm, Kar dee d’ila mber sor néraije gə́ tur dɔ loo lé ləm tɔ.

Pakɔsje 44:8

Nɛ i nja ɓa ɔr sí ji njéba̰je’g lə sí ləm, Deḛ gə́ d’ə̰ji sí bəḭ-bəḭ lé kara i ila rɔkul dɔ dee’g ləm tɔ.

Pakɔsje 45:17

Ŋganije d’a taa tor bɔbije-je ləm, I a kunda dee gə́ mbaije gə́ njékaa dɔ dəb ɓeeko̰je lai ləm tɔ.

Pakɔsje 74:1

Pakɔs lə Asap. Ǝi Ala, see gelee ban ɓa i uba dee ya̰ dee gə no̰ ɓəi wa. See gelee ban ɓa oŋg ləi ḭ səi gə́ kédé-kédé Ari ḭ ne gə koso-nékulje ləi Gə́ d’aar loo-ko̰-mu’g ləi lé tɔɓəi wa.

Pakɔsje 74:18

Maji kari gər gao, to gə́ njeba̰ lé Ila ndɔl dɔi-i Njesigənea̰’g ləm, Koso-dəwje gə́ to mbəje lé D’ə̰ji rii bəḭ-bəḭ ləm tɔ.

Pakɔsje 74:22

Ǝi Ala, maji kari uba naŋg ḭta aḭ bada dɔ ta’g ləi. Ar məəi olé teḛ dɔ ta ndɔlje’g lə mbə-dəwje Gə́ d’ila dɔi’g gə ndɔ dee ndɔ dee.

Pakɔsje 95:7

Mbata yeḛ lé to Ala lə sí ya, Jeḛ n’toje koso-dəwje gə́ j’aar mee loo-ko̰-mu’g ləa lé ləm, Jeḛ n’toje gə́ koso-nékulje gə́ yeḛ nja o̰ sí gə jia ya ləm tɔ. Ǝi, ɓó lé seḭ asjekəm kooje ndia ɓogənè ndá

Esai 43:21

Koso-dəwje gə́ m’uba dee gə mbata ləm-ma lé D’a kila mber pa pidimje.