Pakɔsje 79:10 - Maktub gə́ To gə Kəmee

¹⁰ See gelee ban ɓa ginkoji dəwje gə raŋg lé d’a pana: See Ala lə dee lé əd ra ɓəi wa. Maji kar dee gər gao kəm síjeḛ’g ləm, Gə mbuna ginkoji dəwje gə raŋg’g ləm tɔ lé To gə́ i nja dal ba̰ məs kuraje ləi gə́ ɔm dɔ naŋg lé.

Pakɔsje 79:10 ပူးပေါင်းရင်းမြစ်များ

Pakɔsje 115:2

See gelee ban ɓa ginkoji dəwje gə raŋg lé D’a dəji pana: See Ala lə dee lé əd ra wa lé D’a dəji bèe mbata ɗi wa.

Pakɔsje 42:10

Ma m’ula Ala gə́ to biri mbal ləm m’pana: See ban ɓa yeḛ ar mée wəi dɔm’g wa. See ban ɓa ma m’aw dan meeko̰’g Gin kula kəm loondoo’g lə njeba̰ lé wa.

Pakɔsje 42:11

Loo gə́ njékula kəm ndooje d’ula sul dɔm’g Ar dee d’ulam ne lal kwa ta dee kəw pana: See Ala ləm si ra ɓəi wa. Ndá siŋgarɔmje d’iri ne njigi-njigi.

Pakɔsje 42:3

M’aw ndòo Ala gə́ to Ala gə́ Njesikəmba lé Asəna gə dəw gə́ kṵdaman tɔlee bèe. See ndɔ gə́ ra ɓa m’a teḛ kaar no̰ Ala’g lé wa.

Pakɔsje 42:4

Loo gə́ deḛ pa ne səm lal kwa ta dee pana: See Ala ləm si ra wa Ndá mán-no̰ ɓa gə́ nésɔm dan kàrá gə loondul’g.

Pakɔsje 58:11

Njemeekarabasur a si dan rɔlel’g Loo gə́ yeḛ oo dal ba̰, Yeḛ a togo gɔlee dan məs njémeeyèrje’g ya.

Pakɔsje 9:16

Ginkoji dəwje gə raŋg d’oso mee bwa Gə́ deḛ nja d’uru’g lé ləm, Gɔl dee kara réḛ gum gə́ deḛ nja d’iya pḛ́ lé ləm tɔ.

Pakɔsje 94:1

Njesigənea̰, Ala gə́ njedalba̰ lé! Ala gə́ njedalba̰ lé Maji kari nduba rɔi gə́ raga.

Teḛ-Raga 6:7

M’a kar sí toje dəwje ləm doŋgɔ doi ləm, m’a to Ala lə sí ləm tɔ, ndá seḭ a gərje gao to gə́ ma m’to Ala lə sí gə́ Njesigənea̰ gə́ ɔr sí kula ɓərje gə́ njé gə́ Ejiptə d’ɔm dɔ sí’g lé.

Teḛ-Raga 7:5

Loo gə́ m’ula jim ndiŋ dɔ Ejiptə’g ləm, gə m’ar Israɛlje d’unda loo teḛ dan dee’g ləm tɔ ndá Ejiptəje lé d’a gər gao to gə́ ma lé m’to Njesigənea̰ ya.

Esai 64:1

To gə́ pər gə́ mbudu o̰ kag gə́ tudu bèe ləm, To gə́ kṵji mán gə́ olé teḛ bèe ləm tɔ lé, Njéba̰je ləi d’a koo rii ləm, Ginkoji dəwje gə raŋg d’a kunda bala nɔḭ’g ləm tɔ.

Jeremi 51:24

Babilɔn gə dəwje lai gə́ d’isi Kalde lé M’a ra sə dee némajelje lai Gə́ deḛ ra gə Sio̰ lé kəm sí’g ya. Njesigənea̰ ɓa pa bèe.

Jeremi 51:35

Deḛ gə́ d’isi Sio̰ pa togə́bè pana: Maji kar néra kərm-kərm Gə́ deḛ ra sə sí ləm, Gə darɔ sí gə́ ti mbidi-mbidi ləm tɔ lé Tel ra gə njé gə́ Babilɔn bèe ya tɔ. Njé gə́ Jerusalem pa togə́bè to pana: Maji kar məs síjeḛ ɔm dɔ dəwje Gə́ d’isi Kalde tɔ.

Nɔ̰-ndôo gə́ wɔji dɔ Jerusalem 1:22

Maji kar némeeyèrje lə deḛ lai To raga ndəgəsə nɔḭ’g, Ndá maji kari ra sə dee To gə́ i ra ne səm bèe Mbata kaltaje ləm lai lé! Mbata ndu tuma̰je ləm bula yaa̰ ləm, Ɓə̰gərəm kara ndiri njigi-njigi ləm tɔ.

Ejekel 36:23

Ri neḛ gə́ ur dɔ loo gə́ d’ila ndɔl dɔ’g mbuna ginkoji dəwje gə raŋg’g ləm, ri neḛ gə́ seḭ kara ilaje ndɔl dɔ’g mbuna dee’g ləm tɔ lé n’a gə kunda gə kəmee. Bèe ɓa ginkoji dəwje gə raŋg d’a gər ne to gə́ neḛ n’to Njesigənea̰ loo gə́ seḭ ɓa a kundaje neḛ gə kəmee no̰ dee’g, Mbaidɔmbaije gə́ Njesigənea̰ ɓa pa bèe.

Joɛl 2:17

Maji kar njékinjanéməsje Gə́ to kuraje lə Njesigənea̰ lé D’aar mbuna loo-nékinjaməs gə gel jala’g lé Ra tamaji no̰ gə mán-no̰ kəm dee’g pana: Ǝi Njesigənea̰, maji kari aji koso-dəwje ləi! Maji kari ya̰ né gə́ to nédɔji ləi aree tel to nérɔkul Gə nékunda-kogo lə ginkoji dəwje gə raŋg el. Maji kari ya̰ loo mba kar gel ɓeeje lə dəwje-dəwje lé D’a pa ne pana: Ala lə dee lé see si ra ɓəi wa bèe el.

Misee 7:10

Njéba̰je lə sí lé d’a kée ndá Rɔkul a dəb dɔ dee’g, Deḛ gə́ dəji sí pana: See Ala lə sí gə́ Njesigənea̰ lé si ra ɓəi wa lé, Loo gə́ d’a mbula dee naŋg gə gɔl dee to gə́ bɔrɔ gə́ kila-rəwje’g bèe ndá Kəm sí a koo dee gə rɔlel ɓa.

Njé gə́ Rɔmə 12:19

Seḭ gə́ ma m’unda sí dan kəm’g lé maji kar sí tel dalje ba̰ né gə́ ra sí el nɛ ya̰je rəw arje oŋg lə Ala ya doŋgɔ doi. Mbata deḛ ndaŋg mee maktub’g pana: Dalba̰ néra lé wɔji dɔ neḛ nja, Neḛ nja ɓa n’a kar bea̰ ɔs ta loo’g. Mbaidɔmbaije lé pa bèe.

Tel tura Godndu 32:43

Seḭ ginkoji dəwje gə raŋg ɔsje pa Ulaje ne rɔnduba dɔ koso-dəwje’g ləa! Mbata Njesigənea̰ dal ba̰ məs kuraje ləa ləm, Yeḛ dal ba̰ né gə́ njéba̰je ləa Ra ləm tɔ ndá Yeḛ uga dɔ ɓee ləa ləm Gə dɔ koso-dəwje ləa ləm tɔ.

Loo gə́ killa rea kəm Ja̰’g 18:20

Seḭ gə́ dara lé raje rɔlel dəa’g! Seḭ gə́ njémeendaje gə njékaḭkulaje gə njéteggintaje lé alje rɔ sí to! Mbata Ala ila ta dəa’g ra ne ta lə sí gə goo rəbee mba̰.