Pakɔsje 78:9 - Maktub gə́ To gə Kəmee

⁹ Eprayimje gə́ d’ɔm nérɔje rɔ dee’g ləm, Deḛ gə́ rɔ gə ɓandaŋgje rɔ dee’g lé Deḛ tel gir dee d’ila d’ar njéba̰je ndɔ rɔ’g neelé d’aḭ.

Pakɔsje 78:9 ပူးပေါင်းရင်းမြစ်များ

1 Sôrta Gḭka-Israɛlje 12:2

Deḛ to njérɔ ɓandaŋgje gə́ rɔ kɔri mbalje gə jikɔl dee ləm, gə jigel dee ləma, d’odo ga̰dè ɓandaŋgje lə dee rɔ ne ɓandaŋgje lə dee ləm tɔ. Deḛ to ginkoji Bḛjamije gə́ to mbuna ŋgako̰ Sawul’gje.

Pakɔsje 78:57

D’unda rɔ dee ɓad rəa’g d’ila ne koji dəa’g el To gə́ bɔ deeje-je bèe, Deḛ rəm gogo to gə́ kúla ɓandaŋg gə́ ŋgəŋ el.

Lugu 22:33

Piɛrə ilá keneŋ pana: Mbaidɔmbaije, m’isi pèrèrè gə mba kaw səi daŋgai’g na̰’d ləm, lé’d kwəi kara m’a kwəi səi na̰’d ya ləm tɔ.

Njéga̰g-Rəwtaje 20:39

Njérɔje lə Israɛl tel gir dee wagəsa d’ila d’ar rɔ. Bḛjamije tɔl dee as rɔ-munda jén bèe mba̰ ndá deḛ pana: Tɔgərɔ, j’a gə tɔl dee to gə́ jeḛ n’tɔl dee gə rɔ kédé lé ya ɓəi!

Njéga̰g-Rəwtaje 9:28

Yen ŋga Gaal, ŋgolə Ebed lé pana: See Abimelek to gə́ na̰ wa əsé Sikem ɓa gə́ ɓee ɗi ɓa gə mba kar n’raje ne kula j’ar Abimelek neelé wa. See yeḛ to ŋgolə Jerubaal gə́ Jebul to njekaa dɔ kəi ləa lé el wa. Maji kar sí raje né arje dəwje lə Hamɔr bɔ Sikəmje ɓa, nɛ jeḛ lé mbata ɗi to ɓa j’a raje ne kula karje Abimelek wa.

1 Samel 31:1

Pilistije d’ɔr rɔ d’aw rɔ gə Israɛlje ndá Israɛlje d’aḭ no̰ Pilistije’g ndá njé gə́ na̰je bula toso d’wəi dɔ mbal’d gə́ Gilboa.

1 Samel 4:10

Pilistije rɔ ndá deḛ dum dɔ Israɛlje lé. Nana kara aḭ aw mee kəi-kubu’g ləa-ləa. Rɔ lé ndum dəwje mburug-mburug ndá tɔl Israɛlje gə́ to gə́ goŋ-rɔje as tɔl-dɔg-loo-rɔ-munda (30.000).