Pakɔsje 78:57 - Maktub gə́ To gə Kəmee

⁵⁷ D’unda rɔ dee ɓad rəa’g d’ila ne koji dəa’g el To gə́ bɔ deeje-je bèe, Deḛ rəm gogo to gə́ kúla ɓandaŋg gə́ ŋgəŋ el.

Pakɔsje 78:57 ပူးပေါင်းရင်းမြစ်များ

Pakɔsje 78:41

D’əw rɔ dee kaḭ mee Ala el ləm, D’əw rɔ dee kar mee Njerɔkunda lə Israɛlje ea̰ lé el ləm tɔ.

Pakɔsje 78:8

Ɓó gə mba kar dee ra ne né to gə́ bɔ deeje-je bèe el, Mbata deḛ lé to gə́ mbim-oo-ta-elje gə njékɔsta-rəwje ləm, D’wa meḛ dee kɔgərɔ el ləma, Deḛ to majikojije lə Ala el ləm tɔ.

Esai 1:4

Meeko̰ a koso dɔ sí-seḭ Ginkoji dəwje gə́ njékaiyaje, Seḭ gə́ toje koso-dəwje Gə́ njéra né kori-korije ləm, Gə́ ŋgaka njémeeyèrje ləma, Gə́ ŋganje gə́ njéra némajelje ləm tɔ! Seḭ ubaje Njesigənea̰ yá̰je ləm, Seḭ ə̰jije Njemeenda lə Israɛlje bəḭ-bəḭ ləma, Seḭ telje gir sí ilaje areeje ləm tɔ.

Ojee 7:16

Deḛ d’ɔs badm tel gə́ rɔ Njekurdɔloo’g el, Deḛ to d’asəna gə kag ɓandaŋg gə́ nduni koŋ-koŋ. Mbaije lə dee d’a toso ta kiambas’g Mbata kəsta gə́ rusu ta dee tub-tub lé. Yee ɓa a kar dee tel to ne nékogo mee ɓee gə́ Ejiptə’g.

Njéga̰g-Rəwtaje 3:12

Israɛlje tel ra né gə́ taa kəm Njesigənea̰ el ya tɔɓəi, bèe ɓa Njesigənea̰ ar Eglo̰, mbai gə́ Moab siŋga aree rɔ ne gə Israɛlje mbata deḛ ra né gə́ majel kəm Njesigənea̰’g.