Pakɔsje 78:52 - Maktub gə́ To gə Kəmee

⁵² Yeḛ ar koso-dəwje ləa d’unda loo teḛ to gə́ badje bèe ləm, Yeḛ ɔn dee dɔdilaloo’g to gə́ koso-nékulje bèe ləm tɔ.

Pakɔsje 78:52 ပူးပေါင်းရင်းမြစ်များ

Nehemi 9:12

I ɔr no̰ dee dan kàrá gə mum gə́ mbo̰ na̰ sururu ləm, Loondul’g ndá i ɔr no̰ dee gə pər gə́ mbo̰ na̰ sururu Gə́ ndogó rəw-kaw dee’g ar dee d’aw gée’g ləm tɔ.

Pakɔsje 100:3

Maji kar sí gərje gao To gə́ Njesigənea̰ lé to Ala ya. Yeḛ nja ɓa to njekunda sí ləm, Jeḛ n’toje kea̰-yeḛ nja ləm tɔ. Jeḛ n’toje koso-dəwje ləa ləm, Jeḛ n’toje koso-nékulje Gə́ d’aar loo-ko̰-mu’g ləa ləm tɔ.

Pakɔsje 105:37

Yeḛ ar koso-dəwje ləa d’unda loo teḛ Gə larnda gə larlɔr ji dee’g kel-kel Ar dəw kára gə́ mbuna ginkoji’g lə dee lé unda ndolè el.

Pakɔsje 77:20

I woḭ rəw dan baa-boo-kad’g, I gɔl kila-rəw dan manje gə́ boo’g, Tor gɔlije lé dəw oo gogo el.

Pakɔsje 95:7

Mbata yeḛ lé to Ala lə sí ya, Jeḛ n’toje koso-dəwje gə́ j’aar mee loo-ko̰-mu’g ləa lé ləm, Jeḛ n’toje gə́ koso-nékulje gə́ yeḛ nja o̰ sí gə jia ya ləm tɔ. Ǝi, ɓó lé seḭ asjekəm kooje ndia ɓogənè ndá

Esai 40:11

Yeḛ a kul koso-nékulje ləa to gə́ njekulbadje bèe, Yeḛ a kodo ŋgan badje gə kag jia ləm, Yeḛ a kwa dee kaaree’g ləm tɔ, Yeḛ a kɔn ko̰ badje gə́ ŋgan deeje d’il mbà dee tɔ.