Pakɔsje 78:5 - Maktub gə́ To gə Kəmee

⁵ Yeḛ unda nékɔrgoota mbuna Jakobje’g ləm, Yeḛ unda godndia mbuna Israɛlje’g ləm tɔ Ndá yeḛ un ndia ar bɔ síje-je Mba kar dee ndoo ŋgan deeje taree,

Pakɔsje 78:5 ပူးပေါင်းရင်းမြစ်များ

Gḭ-Néje 18:19

Mbata ma nja m’ɔree mba karee un ndia ar ŋganeeje, gə njémeekəije ləa gə́ d’a gə korè gée lé mba kar dee d’aa dɔ rəw lə Njesigənea̰ ləm, gə mba kar dee ra né gə́ dana gə né gə́ to gə dɔ najee ləm tɔ. Bèe ɓa ndukunje gə́ wɔji dɔ Abrakam gə́ Njesigənea̰ un aree lé d’a kaw ne lée’g béréré ya.

Pakɔsje 119:152

Un kudee ləw ba lé m’gər gə goo tornduije lé To gə́ i unda dee gə mba kar dee to saar-saar gə no̰.

Pakɔsje 147:19

Ta ləa lé yeḛ riba dəa ar njé’g lə Jakob lé Godndiaje gə ndukunje ləa lé yeḛ riba dəa ar Israɛlje.

Pakɔsje 19:7

Yee ḭ gwɔi naŋg gə́ bər Aw njal teḛ rudee gə́ dɔ-gó, Kɔs gə́ yee ɔs kəd-kəd lé né kára kara askəm ko̰ kəmee el.

Pakɔsje 81:5

Mbata yee neelé to godndu mbata Israɛlje ləm, To ndukun lə Ala lə Jakob lé ya ləm tɔ.

Teḛ-Raga 12:27

Ndá seḭ a kila deeje keneŋ pajena: Yee neelé to gə́ nékinjaməs Pag mba kula ne rɔnduba dɔ Njesigənea̰’g mbata yeḛ dəs dɔ kəije’g lə Israɛlje mee ɓee gə́ Ejiptə, loo gə́ yeḛ tuji ɓee nee lé ndá ya̰ kəije lə síjeḛ gə́ majee. Dəwje d’unda barmba d’ula dɔ dee naŋg tɔ.

Teḛ-Raga 25:16

Nékɔrgoota-manrɔ gə́ m’a gə kari lé d’a kila mee sa̰duk’g.

Teḛ-Raga 25:21

D’a ra kidata sa̰duk gə́ ka̰ meekoso lemsé ndá nékɔrgoota gə́ m’a gə kari lé d’a kila mee sa̰duk’g tɔ.

Teḛ-Raga 40:20

Yeḛ ɔm bəgərə mbalje gə́ ka̰ godndu gə́ dɔg lé mee sa̰duk kɔrgoota’g. Deḛ tula kunda kagje ta sa̰duk’g ləm, deḛ d’ila kidatea gə́ ka̰ meekoso lemsé ta sa̰duk’g ləm tɔ.

Teḛ-Raga 40:3

D’a kunda sa̰duk ka̰ kɔrgoota keneŋ ləm, d’a kila pal-kubu-gaŋg-mee-kəi nea̰’g ləm tɔ.

Esai 38:19

Yeḛ gə́ aw kəmba nja kára ba Yeḛ nja ɓa askəm pidii To gə́ m’ra ɓogənè bèe. Bɔ-ŋganje ar ŋganeeje gər ŋgonkoji ləi.

Esai 8:20

Gə́ telje gə́ dɔ godndu gə dɔ kɔrgoota’g lé! Ɓó lé dəw pa togə́bè el ndá kàr gə́ a gə kuba mbata lə koso-dəwje lé a godo.

Njé gə́ Rɔmə 3:2

Gelee bula ya, nɛ gelee gə́ kára gə́ ur dɔ dee’g lai lé yee ɓa gə́ godndu Ala gə́ yeḛ ɔm ji dee-deḛ’g ya.

Njé gə́ Epesə 6:4

Seḭ, bɔ ŋganje lé undaje ndu dɔ ŋgan síje’g el nɛ odo deeje ndəji deeje ləm, ndoo deeje ta lə Mbaidɔmbaije ləm tɔ.

Tel tura Godndu 11:19

Seḭ a ndooje ŋgan síje taree ləm, seḭ a kula deeje taree loo gə́ seḭ síje mee kəije’g lə sí ləm, gə loo gə́ seḭ awje mbá’g ləm, gə loo gə́ seḭ a toje naŋg ləma, gə loo gə́ seḭ a k’ḭje tar ləm tɔ.

Tel tura Godndu 31:13

Ŋgan deeje gə́ d’a gə gər el lé d’a koo ndá d’a ndoo ne loo ɓəl ne Ala lə sí gə́ Njesigənea̰ gə mee ləbje lai gə́ seḭ a síje ne kəmba mee ɓee’d gə́ seḭ a gə taaje gə́ né ka̰ sí loo gə́ seḭ a gaŋgje ne baa gə́ Jurdɛ̰ mba̰ lé tɔ.

Tel tura Godndu 32:46

Yeḛ ula dee pana: Taje lai gə́ m’a man sí ne ɓogənè lé maji kar sí waje dɔɓəŋgərə sí’g mba ndoo ŋgan síje gə mba kar dee d’aa ne dɔ taje lai gə́ to mee godndu’g neelé mba ra née.

Tel tura Godndu 4:45

loo gə́ deḛ d’unda ne loo mee ɓee gə́ Ejiptə teḛ lé ɓa nee ləm tɔ.

Tel tura Godndu 6:7

I a ndoo ŋganije taree ləm, i a pa taree loo gə́ i a gə to naŋg gə loo gə́ a gə kḭ tar ləm tɔ.