Pakɔsje 78:16 - Maktub gə́ To gə Kəmee

¹⁶ Biri mbal lé yeḛ ar kəm-rəw-manje teḛ keneŋ tir-tir ləm, Yeḛ ar mán ula keneŋ tar gɔl-gɔl to gə́ mán baa bèe ləm tɔ.

Pakɔsje 78:16 ပူးပေါင်းရင်းမြစ်များ

Pakɔsje 105:41

Yeḛ ta̰ kaar mbal ar mán teḛ keneŋ Man lé ula gɔl-gɔl taa loo yal-yal To gə́ mán baa gə́ ula looje gə́ tudu kurum-kurum’g lé bèe.

Pakɔsje 107:35

Dɔdilaloo lé yeḛ telee gə́ duu-mán ləm, Dɔ naŋg gə́ tudu kurum-kurum lé kara yeḛ telee gə́ kəm-rəw-manje ləm tɔ.

Pakɔsje 114:7

Ǝi naŋg, maji kari unda bala tigi-tigi no̰ Mbaidɔmbaije’g Gə́ to Ala lə Jakob.

Pakɔsje 114:8

Yeḛ lé ar biri mbal tel to duu-mán ləm, Biri mbal gə́ kədərə kaw-kaw lé kara Aree tel to kəm-rəw-mán gə́ aḭ kuji-kuji ləm tɔ.

Habakuk 3:9

I wa ɓandaŋg ləi raga kègègè. Nḛ́dɔlje ɓa to asəna gə kandə ɓandaŋgje gə́ teḛ tai’g. I ta̰ kəm naŋg mba kar mán baaje d’ula keneŋ.

Bula lə Israɛlje 20:8

Un kag-tɔs ndá i seḭ gə ŋgokɔḭ Aaro̰, mbo̰je koso-dəwje dɔ na̰’d. Seḭ a kulaje mbal ta kəm dee’g, ndá mbal lé a kar dee mán: i a kar mán teḛ kaar mbal’g neelé kar dee ndá i a kar koso-dəwje gə nékulje lə dee d’ai ya.

Tel tura Godndu 8:15

yeḛ gə́ ar sí njaaje dan boo-dɔdilaloo gə́ to ɓəl’g, to loo gə́ lije gə́ to̰ too to gə́ pər bèe to keneŋ ləm, mbai-yḭje to keneŋ ləm, to looje gə́ tudu kurum-kurum gə́ lal mán ndá yeḛ ar mán uba kaar mbal gə́ kədərə’g tir-tir mbata lə sí ləma,

Tel tura Godndu 9:21

Ma m’un néndaji gə́ to ŋgon maŋg gə́ seḭ raje to gə́ né gin kaiya lə sí, m’roo saar m’kunda pɔs-pɔs m’tɔ saar m’aree tel asəna gə nduji bèe ndá m’ɔm ndujee neelé dan mán gə́ ḭ dɔ mbal’g ula gə́ naŋg.