Pakɔsje 78:13 - Maktub gə́ To gə Kəmee

¹³ Yeḛ kai baa-boo-kad lé dana ya̰ ne rəw ar dee ləm, Yeḛ ur manje tar to gə́ ndògo-bɔrɔ bèe ləm tɔ.

Pakɔsje 78:13 ပူးပေါင်းရင်းမြစ်များ

Pakɔsje 38:7

M’rugu m’wa koŋgoŋ ar ta yoom nai ne tebdé bèe, Ta-ta ma m’njaa ne dan kəmndoo’g.

Pakɔsje 66:6

Yeḛ tel baa-boo-kad lé aree to naŋg gə́ tudu kurum-kurum ləm, Baa lé kara ar dee dəs keneŋ gə gɔl dee ya ləm tɔ. Ndəa neelé jeḛ lé j’al ne rɔ sí rəa’g ya.

Teḛ-Raga 14:21

Moyis ula jia ndiŋ dɔ mán baa-boo’g. Ndá Njesigənea̰ ar lel-boo ḭ bər ula gigigi-gigigi loondul’g ya saar ar loo àr ndá ɔs ne mán baa-boo gə́ gogo, yeḛ ar rəw-kaw dee gə́ dan baa-boo’g neelé tudu kurum-kurum mbata mán lé kai rəa dana.

Teḛ-Raga 14:22

Israɛlje d’andə mee baa-boo’g lé njaa loo gə́ tudu kurum-kurum’g ləm, mán baa-boo lé tel asəna gə ndògo bèe par gə́ dɔ jikɔl dee’g gə dɔ jigel dee’g ləm tɔ.

Teḛ-Raga 14:29

Nɛ Israɛlje njaa loo gə́ tudu kurum-kurum’g ya dan baa-boo’g tɔɓəi mán lé gaŋg ndəŋ aar asəna gə ndògo-bɔrɔ bèe dɔjikɔl dee’g ləm, gə dɔjigel dee’g ləm tɔ.

Teḛ-Raga 15:8

Gə goo kəmə gə́ teḛ əmi’g lé Man wa ne dɔ na̰ ko̰-ko̰ ləm, Man gə́ ula lé kara aar ne tar Asəna gə ndògo-bɔrɔ bèe ləm tɔ. Paŋgəm mán tel to né gə́ kədərə kaw-kaw dan mán baa-boo’g ya.

Esai 63:12

Yeḛ lé gəd jikɔl Moyis Gə kag ji rɔnduba ləm, Yeḛ kai mán dana no̰ dee’g Gə mba kar riɓar ləa to ne saar-saar gə no̰ ləm tɔ.

Esai 63:13

Yeḛ lé ɔr no̰ dee dan mán baa gə́ uru’g To gə́ kunda tila riŋga dɔdilaloo’g Lal kar né tuga gɔl dee keneŋ bèe.

Habakuk 3:15

I tuba baa-boo-kad gə gɔl kundaje ləi Ar manee tal bam-bam.

Jujé 3:13

Loo gə́ njékinjanéməsje gə́ d’un sa̰duk-manrɔ lə Njesigənea̰ gə́ to Mbai gə́ njeko̰ɓee dɔ naŋg nee lai lé d’a kila dabla gɔl dee dan mán’d gə́ Jurdɛ̰ ndá, mán gə́ Jurdɛ̰ lé a kai rəa dana kar mán gə́ ḭ tar ula lé a ndur dɔ na̰’d loo kára ba.

Jujé 3:16

mán gə́ ḭ tar ula lé gaŋg ŋgəji tɔɓəi ndur dɔ na̰’d loo kára ba gə kuree, teḛ mbɔr ɓee-boo gə́ ria lə Adam gə́ to mbɔr Sartan’g, ar mán gə́ ḭ ula par gə́ baa-boo-kad gə́ ria lə Baa-Kad gə́ to mee ndag-loo’g lé gaŋg ŋgəji tɔ. Koso-dəwje gaŋg baa loo gə́ wɔji dɔ Jeriko njoroŋ tɔ.