Pakɔsje 77:8 - Maktub gə́ To gə Kəmee

⁸ See Mbaidɔmbaije a kɔs sí rəw saar gə no̰ ya wa. See yeḛ a tel kila kəm sí toro’g el ŋga wa.

Pakɔsje 77:8 ပူးပေါင်းရင်းမြစ်များ

2 Samel 14:14

Lé riri kara j’a kwəi gə́ kwəi ya ndá j’a to kasəna gə mán gə́ ula naŋg gə́ askəm tel mbo̰ na̰ gogo el. Ala ɔr kəmə lə dəw el nɛ yeḛ ndigi mba kar njekaḭ lé si əw kəmee’g loo-kaḭ’g ləa el.

Pakɔsje 13:2

Njesigənea̰, see saar ndɔ gə́ ra ɓa i a kar məəi wəi dɔm’g wa. See i a ko̰ kəmi səm saar ndɔ ka̰da wa.

Pakɔsje 74:1

Pakɔs lə Asap. Ǝi Ala, see gelee ban ɓa i uba dee ya̰ dee gə no̰ ɓəi wa. See gelee ban ɓa oŋg ləi ḭ səi gə́ kédé-kédé Ari ḭ ne gə koso-nékulje ləi Gə́ d’aar loo-ko̰-mu’g ləi lé tɔɓəi wa.

Pakɔsje 85:6

See məəi gə́ ḭ səi dɔ sí’g lé a to saar gə no̰ wa. Esé see i a kar oŋg ləi Aw gə́ kédé-kédé dɔ sí’g saar-saar gə no̰ ya wa.

Esai 27:11

Loo gə́ barkəm kagje tudu ndá Dəw təd dee ləm, Denéje ree mba roo dee ləm tɔ. Deḛ to koso-dəwje gə́ kəmkàr lə dee godo, Togə́bè yeḛ gə́ njera dee kara Oo kəmtondoo lə dee el ləm, Yeḛ gə́ njekunda dee lé Ra sə dee meemaji el ləm tɔ.

Jeremi 15:18

See gelee ban ɓa némeeko̰ ləm Aw gə́ kédé-kédé wa. See gelee ban ɓa doo ləm toom yaa̰, Ndigi kər el ləm tɔ wa. Tɔgərɔ ya i to asəna gə kəm-rəw-mán Gə́ ər dəwje gə́ kər, Gə́ dəw askəm kɔm mée dɔ’g el.

Bula lə Israɛlje 14:34

To gə́ ndɔ tən gə́ seḭ tenje ne loo mee ɓee’g lé aḭ rɔ-sɔ lé ndá ləbje gə́ ta néra kori-korije lə sí a kwa dɔ sí lé kara d’a kas ləb rɔ-sɔ bèe tɔ, ləb kára-kára gə mbata lə ndɔje kára-kára ya, bèe ɓa seḭ a gərje to gə́ ma m’uba sí m’ya̰ sí ya.

Bula lə Israɛlje 23:19

Ala to dəw ɓa a pa taŋgɔm el ləm, Yeḛ to ŋgolə dəw ɓa a pata tel ne ndia el ləm tɔ. Ta gə́ yeḛ pa lé see yeḛ a ra née el wa. Né gə́ yeḛ wɔji njaŋg lé see yeḛ a ra karee ɔr njal el wa.

Njé gə́ Rɔmə 9:6

Ta lə Ala lé ra née nja ɓó təa wa ŋgɔ el. Mbata deḛ lai gə́ to gə́ ŋgaka Israɛlje lé to Israɛlje gə́ kojikəi ɓa lai el.

2 Piɛrə 3:9

Mbaidɔmbaije lé to njekuba goo ndukun ləa kyá̰ el. Njé gə́ na̰je ɓa la̰ji meḛ dee’g pana: Yeḛ uba yá̰ gə́ kyá̰ ŋga nɛ yeḛ ila mée dɔ sí’g po̰ mbata yeḛ ndigi kar dəw kára kara tuji el, nɛ yeḛ ndigi kar sí-seḭ lai unje kəm sí dɔ kaiya’g lə sí rəw ya.