Pakɔsje 77:2 - Maktub gə́ To gə Kəmee

² M’ɔr ndum gə́ tar gə́ rɔ Ala’g lé m’ra ne né wəl, M’ɔr ndum gə́ tar gə́ rɔ Ala’g lé ndá yeḛ a koo ndum ya tɔ.

Pakɔsje 77:2 ပူးပေါင်းရင်းမြစ်များ

Gḭ-Néje 32:28

Yeḛ dəjee pana: See rii lə nawa. Jakob ilá keneŋ pana: Rim lə Jakob.

Gḭ-Néje 37:35

Ŋganeeje gə́ diŋgam gə njé gə́ dené lai ree rəa’g mba gɔl mée, nɛ yeḛ ndigi koo ta gə́ deḛ gɔlee ne lé el. Yeḛ pana: M’a no̰ bèe ya saar m’a kaw kiŋga ŋgonəm ɓee lə njé gə́ d’wəi’g lé. Ndá yeḛ no̰ ne ŋgonee lé.

2 Sôrta Gḭka Israɛlje 6:28

Loo gə́ ɓoo-boo, gə yoo-koso, gə rɔko̰, gə moré gə́ wa ɗugugu-ɗugugu gə né gə́ ar kó oji sum wa ɗugugu-ɗugugu, gə beedéje əsé gabəraje d’a teḛ mee ɓee’g ləm, əsé loo gə́ njéba̰je d’a gugu dɔ koso-dəwje gə́ mee ɓee’g lə dee dan tarəwkɔgje’g lə dee ləm, loo gə́ né gə́ to ɓəl teḛ əsé rɔko̰je ɓəd-ɓəd ra dee ləm tɔ ɓa

Maktub gə́ wɔji dɔ Jɔb 11:13

Nɛ i lé maji kari tel məəi par gə́ rɔ Ala’g ləi ləm, Maji kari ula jii ndiŋ gə́ rəa’g gə tamaji ləi ləm tɔ.

Pakɔsje 18:6

Ta dɔɓar to tag mbata ləm ləm, Bandəje lə yoo kara d’aḭ dɔm kɔr-kɔr ləm tɔ.

Pakɔsje 50:15

Maji kar sí ɓarje rim ndɔ néurti’g Ndá m’a kɔr sí keneŋ kar sí ulaje ne rɔnduba dɔm’g ya.

Pakɔsje 55:17

Nɛ ma lé m’ila ndum naŋg m’ra ne né wəl gə́ rɔ Ala’g lé, Ndá Njesigənea̰ lé a kajim ya.

Pakɔsje 63:6

I nja a taa məəm pəl-pəl kar rɔm lelm ne yaa̰ Asəna gə́ nésɔ gə́ lel tam’g jula-jula. Ndu rɔlel a ɓar tam’g njiriri-njiriri Kam m’pidii ne gə tam ya.

Pakɔsje 86:7

Ma m’ɓar rii ndɔ néurti’g ləm, Mbata i am né gə́ ma m’dəjii ya.

Gosota-Kəmkàrje 18:14

Takə̰ji lə dəw lé gədee dan rɔko̰’g, Nɛ dəw gə́ rəa gaḭ ges lé see a gəd rəa to gə́ ban wa.

Esai 26:16

Njesigənea̰, loo gə́ d’isi dan néurti’g lé Deḛ ndolè gooi ləm Deḛ no̰ nɔḭ’g gə tamaji Loo gə́ i ar bo̰ néra dee ɔs ta dee’g ləm tɔ.

Esai 26:9

Loondul’g lé ma m’ndiŋgai ləm, Ma m’ndoli gə ŋgaw məəm bura ləm tɔ, Mbata loo gə́ rəwta-gaŋgje ləi taa dɔ naŋg nee pəl-pəl lé Ndá njé gə́ dɔ naŋg nee ndoo ne né gə́ danasur.

Jeremi 31:15

Njesigənea̰ pa togə́bè pana: Ndu no̰ gə kii ɓar gèr-gèr Mee ɓee gə́ Rama, Deḛ no̰ gə mán-no̰ kəm dee’g Sii ne mbigi-mbigi, Rasel no̰ no̰ ŋganeeje. Yeḛ ndigi kar dee gɔlee el, Mbata ŋganeeje gə́ godo mbad-mbad lé.

Ojee 5:13

Eprayimje d’oo rɔko̰ gə́ ra dee ləm, Judaje kara d’oo to gə́ dooje to rɔ dee’g ləm tɔ, Ndá Eprayimje d’ula kula Asiri Rɔ mbai Jareb’g mba karee ree la sə dee, Nɛ mbai neelé a kaskəm kɔr rɔko̰ lə sí el ləm, A kaskəm kar ta doo lə sí ər kəmsə el ləm tɔ.

Ojee 6:1

Yen ŋga seḭ pajena: Gə́ reeje ar sí n’telje gə́ rɔ Njesigənea̰’g! Mbata yeḛ nja ar sí doo, Nɛ yeḛ nja a karee ər kəmsə ɓəi. Yeḛ nja unda sí, Nɛ yeḛ nja a tɔ ta dooje lə sí ɓəi tɔ.

Tagə́maji gə́ Ja̰ ndang 11:31

Jibje gə́ d’isi gə Mari kəi gə mba gɔl mée lé loo gə́ deḛ d’oo Mari uba naŋg rad ḭta lé ndá deḛ d’aw gée’g d’ə̰ji meḛ dee’g pana: Yeḛ si aw gə́ dɔɓar’g gə mba no̰.

Ǝbrəje 5:7

Jeju lé loo gə́ yeḛ nai gə darəa ɓəi lé, yeḛ ra ndòo gə ndia gə́ boi wəl gə mán-no̰ kəmee’g ləm, yeḛ ra tamaji ta yeḛ gə́ askəm teá ta yoo’g ləm tɔ. Ndá Ala ndigi səa rəgm mbata Jeju nda mée gə bɔbee.