Pakɔsje 77:12 - Maktub gə́ To gə Kəmee

¹² M’a kar məəm olé dɔ néraje’g lə Njesigənea̰ ya, Mbata məəm olé dɔ néraije gə́ maji dum gə́ ləw ya.

Pakɔsje 77:12 ပူးပေါင်းရင်းမြစ်များ

Pakɔsje 104:34

Maji kar tapam neelé taa kəmi rəgm! Ma lé m’ndigi ndá məəm kaḭ dɔ Njesigənea̰’g.

Pakɔsje 105:2

Ɔsje pa, ɔsje pa ilaje ne riɓar dəa’g ləm, Néreaje lai gə́ maji dum lé kara paje taree ləm tɔ.

Pakɔsje 105:5

Seḭ ginka Abrakam gə́ to kuraje ləa lé ləm, Seḭ ŋgaka Jakob gə́ yeḛ ɔr sí unda sí gə́ koso-dəwje ləa lé ləm ləm tɔ

Pakɔsje 119:52

Ǝi Njesigənea̰, ma lé m’ə̰ji dɔ rəwta-gaŋgje’g ləi gə́ ləw lé Yee ɓa ma m’gɔl ne məəm.

Pakɔsje 143:5

M’ar məəm olé teḛ dɔ ndɔje gə́ kédé gə́ ləw lé ləm, M’la̰ji dɔ néraje’g ləi lai ləma, M’ə̰ji m’teḛ dɔ néje lai gə́ i ra gə jii ya ləm tɔ.

Pakɔsje 145:11

D’a pata rɔnduba gə́ ka̰ ko̰ɓee ləi lé ləm, D’a kila mber ta siŋgamoŋ ləi lé ləm tɔ

Pakɔsje 145:4

Maji kar ŋgaka dəwje-dəwje d’unda no̰ néraije d’ar na̰ ləm, Kar dee d’ila mber sor néraije gə́ tur dɔ loo lé ləm tɔ.

Pakɔsje 71:24

Tam a teḛ kila ne mbər meekarabasur ləi lé gə ndɔje kára-kára lai ya Mbata deḛ gə́ saŋg loo karm m’udu lé Nai ne gə rɔkul ləm, kəm sɔḭ wa ne kəm dee ləm tɔ.

Esai 63:11

Yen ŋga koso-dəwje ləa d’ar meḛ dee olé dɔ ndɔje gə́ ləw’d Gə́ to ka̰ Moyis ndá Deḛ dəji pana: See yeḛ gə́ ar koso-dəwje gə́ to nékulje gə njékul deeje D’unda loo dan baa-boo-kad’g teḛ lé əd ra wa. See yeḛ gə́ ar ndilee aw mbuna dee’g lé əd ra wa.

Tel tura Godndu 6:7

I a ndoo ŋganije taree ləm, i a pa taree loo gə́ i a gə to naŋg gə loo gə́ a gə kḭ tar ləm tɔ.

Tel tura Godndu 7:18

Maji kar sí ɓəl deeje el. Arje meḛ sí olé dɔ né gə́ Ala lə sí gə́ Njesigənea̰ ra gə Parao̰ gə deḛ lai gə́ Ejiptə lé.

Tel tura Godndu 7:19

Boo néje gə́ to ɓəl ləm, gə némɔrije gə nédumkooje ləma gə ji siŋgamoŋ lə Ala lə sí gə́ Njesigənea̰ gə́ ula ndiŋ loo gə́ yeḛ ar sí undaje ne loo mee ɓee gə́ Ejiptə teḛje lé seḭ ooje gao ya, yee ɓa Ala lə sí gə́ Njesigənea̰ a ra togə́bè ya to gə koso-dəwje lai gə́ seḭ ɓəl deeje lé.