Pakɔsje 76:7 - Maktub gə́ To gə Kəmee

⁷ Loo gə́ i Ala lə Jakob lé tɔji dee jii ndá Njérɔ gə kundaje gə kundaje lə dee na̰’d deḛ toɓi ndələŋ.

Pakɔsje 76:7 ပူးပေါင်းရင်းမြစ်များ

1 Sôrta Gḭka-Israɛlje 16:25

Mbata Njesigənea̰ lé boo ya ləm, Yeḛ nja ɓa askəm kiŋga pidi ləma, Yeḛ to ɓəl kədm-kədm Ur dɔ magəje lai-lai ya ləm tɔ.

Esdras 9:15

Njesigənea̰, Ala lə Israɛlje to njera né gə́ gə dɔ najee mbata ɓogənè jeḛ n’toje ges deḛ gə́ teḛ ta yoo’g. Aa oo, j’aarje nɔḭ’g, jeḛ gə́ n’toje koso-dəwje gə́ ta wa dɔ dee mba̰ ɓó j’askəm kaar tar nɔḭ’g togə́bè el lé.

Pakɔsje 130:3

Njesigənea̰, ɓó lé i ar məəi olé dɔ néra kori-korije’g lə dəwje ndá Mbaidɔmbaije, see na̰ ɓa a si kəmba ɓəi wa.

Pakɔsje 2:12

Maji kar sí ilaje koji dɔ ŋgon’g Nà banelə a ra oŋg Kar sí uduje ne bo̰ rəw-kaw sí’g. Mbata oŋg ləa nduba kalaŋ ya. Deḛ gə́ d’ɔm meḛ dee dəa’g lé D’isi gə rɔlel ya.

Pakɔsje 89:7

Mbata see na̰ ɓa mee dara’g askəm pana: Neḛ n’to tana gə Njesigənea̰ bèe wa. See na̰ ɓa to tana səi mbuna dəw-kundaje’g lə Ala ɓəi wa.

Pakɔsje 90:11

See na̰ ɓa a gər siŋgamoŋ oŋg ləi wa. See na̰ ɓa ɓəli mbata meeko̰ ləi gə́ i a kḭ ne səa wa.

Teḛ-Raga 15:1

Bèe ɓa Moyis gə Israɛlje d’ɔs pa nee d’ar Njesigənea̰. Deḛ pana: M’a kɔs pa kar Njesigənea̰ Mbata yeḛ ar rɔnduba ləa kila rəa kɔd, Yeḛ wa kunda gə njekalee na̰’d Ɓugu dee dan mán baa-boo’g.

Teḛ-Raga 15:4

Pusu-rɔje lə Parao̰ gə njérɔje ləa lé Yeḛ ɔm dee dan baa-boo’g, Bao-rɔje ləa gə́ mbərḛ mbə̰ lé Baa-boo gə́ ria lə Baa-Kas tur dɔ dee.

Nahum 1:6

See na̰ ɓa a kaar gəs no̰ oŋg’d ləa wa. See na̰ ɓa a kaar tar no̰ oŋg’d ləa gə́ nuŋga kəd-kəd’g lé wa. Oŋg ləa ɔm dɔ loo’g to gə́ pər bèe. Yee ɓa ar biri mbalje d’yiri njigi-njigi nea̰’g.

Matiyo 10:28

Deḛ gə́ tɔl darɔ sí ɓó d’askəm tɔl kankəmrɔ sí el lé ɓəl deeje el. Yeḛ gə́ askəm tuji kankəmrɔ sí gə darɔ sí na̰’d dan pər’g ɓa ɓəleeje.

1 Njé gə́ Kɔrḭtə 10:22

See j’a kɔs gel kəmkəḭ lə Mbaidɔmbaije wa. See siŋga sí ur dɔ kea̰’g wa.

Loo gə́ killa rea kəm Ja̰’g 14:7

Yeḛ pata gə ndia gə́ boi wəl pana: Ɓəlje Ala, ulaje rɔnduba dəa’g mbata kàr gaŋgta ləa teḛ mba̰. Yeḛ gə́ unda dara gə naŋg nee ləm, gə baa-boo-kad gə ŋgira manje lai ləm tɔ lé maji kar sí wáje meḛ sí’g ya.

Loo gə́ killa rea kəm Ja̰’g 15:4

Mbaidɔmbaije, see na̰ ɓa a ɓəli kula ne rɔnduba dɔ rii’g el wa. Mbata i nja kára ba kiao to njerɔkunda. Ginkoji dəwje gə raŋg lai d’a ree d’a kunda barmba nɔḭ’g, Mbata rəwta-gaŋg ləi lé inja kəm dəwje’g ya.