Pakɔsje 76:6 - Maktub gə́ To gə Kəmee

⁶ Bao-rɔje gə́ njékwa diŋgam meḛ dee’gje lé D’unda dee banrɔ ya, D’oso gə rudu ɓi lə dee, Deḛ bao-rɔje lai neelé d’oo loo kaḭ bada dɔ rɔ dee’g el.

Pakɔsje 76:6 ပူးပေါင်းရင်းမြစ်များ

2 Samel 10:18

Nɛ Aramje d’aḭ no̰ Israɛlje’g. Dabid tɔl kudu-njérɔje gə́ d’uba pusu-rɔje as tɔl siri (700.000) ləm, gə njérɔ gə kundaje tɔl-dɔg-loo-rɔ-sɔ (40.000) ləm tɔ. Yeḛ tɔl Sobak gə́ to ɓé-njérɔje lə dee lé gə́ lée gən ya tɔ.

2 Mbaije 19:35

Mee til’g neelé kura lə Njesigənea̰ teḛ loo-si Asirije’g ndá yeḛ kunda dəwje tɔl dee as tɔl-dɔg-loo-tɔl gə dɔ dee rɔ-jinaijoo-gir-dee-mi (185.000). Loo gə́ d’ḭta gə ndɔ ndá aa ooje, nin dəwje ɓa to rib-rib nee.

2 Sôrta Gḭka Israɛlje 32:21

Yen ŋga Njesigənea̰ ula kura ləa gə́ dara aree tuji bao-rɔje lai, gə ɓé-njérɔje, gə ŋgan-mbaije lai gə́ d’isi loo-si mbai gə́ Asiri’g. Togə́bè ɓa mbai lé tel gə rɔkul aw ne mee ɓee’g ləa. Yeḛ aw mee kəi-magə’d ləa ndá lé neelé ŋganeeje gə́ d’ḭ mée’g ya tɔlee gə kiambas tɔ.

Pakɔsje 104:7

Ta ndaŋg gə́ i ndaŋg dee lé Manje d’aḭ gə́ kédé ləm, Kaa ndi ləi gə́ ndaŋg lé Ar dee tudu kurum-kurum ləm tɔ.

Pakɔsje 18:15

Yeḛ rɔ ɓandaŋgje ləa sané ne njéba̰je ləm kad-kad, Yeḛ ar ndu ndaŋg lə ndi lé ɔs goo na̰ ŋgɔg-ŋgɔg Sané dee ar dee d’aw ne dɔ na̰’d pum-pum.

Pakɔsje 80:16

Aḭ bada dɔ né gə́ jikɔli ma̰a’g lé ləm, Gə dɔ ŋgon gə́ i nja ɔree kəmi’g lé ləm tɔ.

Teḛ-Raga 15:1

Bèe ɓa Moyis gə Israɛlje d’ɔs pa nee d’ar Njesigənea̰. Deḛ pana: M’a kɔs pa kar Njesigənea̰ Mbata yeḛ ar rɔnduba ləa kila rəa kɔd, Yeḛ wa kunda gə njekalee na̰’d Ɓugu dee dan mán baa-boo’g.

Teḛ-Raga 15:10

I tó lel gə́ teḛ əmi’g pu ba ya ɓəi, Man baa-boo tur dɔ dee yal mba̰, Deḛ ndii to gə́ rɔm bèe Dan ŋguru mán’g lé tɔ.

Teḛ-Raga 15:21

Miriam lé ila Israɛlje keneŋ pana: Ɔsje pa arje Njesigənea̰ Mbata yeḛ ar rɔnduba ləa kila rəa kɔd. Yeḛ wa kundaje gə njékal deeje na̰’d Ɓugu dee dan mán baa-boo’g.

Esai 37:36

Yen ŋga kura lə Njesigənea̰ unda loo teḛ kunda dəwje tɔl dee as tɔl-dɔg-loo tɔl dəa rɔ-jinaijoo giree-mi (100.085) loo-si Asirije’g. Loo gə́ d’ḭta gə ndɔ ndá aa oo, nin dəwje to naŋg rib-rib tɔ.

Jeremi 51:39

Loo gə́ meḛ dee nuŋga kəd-kəd ndá M’a kar dee d’ai né ndá M’a karee ra dee kar dee D’ya̰ rɔ dee yag dan rɔlel’g ləm, Kar dee d’oso gə ɓi gə́ to gə no̰ ɓó D’a ndel dɔ ɓi’g lé gogo el ŋga ləm tɔ. Njesigənea̰ ɓa pa bèe.

Jeremi 51:57

M’a kar nékai ra njékaa dɔ ɓeeko̰je ləa ləm, gə njékəmkàrje ləa ləm, gə njéguburuɓeeje ləa ləm, gə mbaije ləa ləma, gə bao-rɔje ləa ləm tɔ. D’a koso gə ɓi gə́ to gə no̰ pərəg ɓó d’a ndel dɔ ɓi’g neelé el ŋga. Mbai gə́ ria lə Njesigənea̰ gə́ njeboo-néje lé ɓa pa bèe.

Ejekel 39:20

Ta ka nésɔ’g lə neḛ lé dakasrɔ kundaje gə dakasrɔ njékal deeje gə dakasrɔ bao-rɔje gə dakasrɔ njérɔje lai lé seḭ a sɔje kaareeje as sí nag-nag, Mbaidɔmbaije gə́ Njesigənea̰ ɓa pa bèe.

Nahum 1:6

See na̰ ɓa a kaar gəs no̰ oŋg’d ləa wa. See na̰ ɓa a kaar tar no̰ oŋg’d ləa gə́ nuŋga kəd-kəd’g lé wa. Oŋg ləa ɔm dɔ loo’g to gə́ pər bèe. Yee ɓa ar biri mbalje d’yiri njigi-njigi nea̰’g.

Nahum 2:13

Toboḭ lé to̰ da tɔlee gaŋgee mbidi-mbidi mbata lə ŋganeeje ləm, Gə mbata lə ko̰ toboḭje ləm tɔ. Yeḛ ɔm nékwaje ləa duu loo-tée’g aree rusu tub-tub tɔ.

Nahum 3:18

I mbai gə́ Asiri, njékul dəwje ləi lé toɓi, Bao-rɔje ləi d’wa rɔ dee, Koso-dəwje ləi sané na̰ dɔ mbalje’g Ndá dəw kára kara gə́ njembo̰ dee dɔ na̰’d godo.

Jakari 12:4

Njesigənea̰ pa njaŋg pana: Mee ndəa’g neelé n’a kɔm ɓəl dɔ kunda-kaw-rɔje’g lai ləm, deḛ gə́ njérɔ gə kundaje lé kara ɓəl a kunda dee badə gaŋg dee ləm tɔ. Nɛ n’a kila kəm neḛ dɔ ginkoji Judaje’g loo gə́ n’a kila kəm tɔ dɔ kundaje lai gə́ to ka̰ koso-dəwje lé.

1 Samel 26:12

Dabid un ko̰-niŋga gə ku-gwɔb-mán gə́ to mbɔr négəd dɔ Sawul’g ndá d’ɔd d’aw. Dəw kára kara oo dee el ləm, gər né kára el ləma, ndel dɔ ɓi’g el ləm tɔ mbata deḛ lai d’oso gə ɓi gə́ dum kun rɔ ɓidi gə́ ḭ rɔ Njesigənea̰’g ɓa tɔl dee pərəg.