Pakɔsje 76:10 - Maktub gə́ To gə Kəmee

¹⁰ Loo gə́ Ala ḭ mba gaŋgta Gə mba kaji ne njénékəmndooje lai gə́ dɔ naŋg nee.

Pakɔsje 76:10 ပူးပေါင်းရင်းမြစ်များ

Gḭ-Néje 50:20

Seḭ lé seḭ wɔjije-kwɔji raje səm majel. Nɛ Ala telee gə́ né gə́ maji mba karee to gin kaji lə dəwje bula to gə́ seḭ síje ne ɓogənè ya.

Pakɔsje 104:9

I wɔji rəw-nim Gə mba kar manje d’al dəa nda̰ el ləm, Gə mba kar dee tel ree Taa naŋg nee yəŋgəm-yəŋgəm gogo el ŋga ləm tɔ.

Pakɔsje 12:6

Njesigənea̰ pana: Njénékəmndooje lé d’ula kəm dee ndòo ləm, Njéndooje kara tuma̰ gə no̰ ŋgururu-ŋgururu ya ləm tɔ. Bèe ndá ɓasinè n’a kḭ ra né ya. N’a la gə deḛ gə́ d’oma̰ sə dee D’ar dee d’aw ne jələ-jələ lé.

Pakɔsje 46:6

Ala si mee ɓee’g neelé, né a yə ŋgirá el, Ala la səa un kudee taginloo’g.

Pakɔsje 65:7

Siŋgamoŋ ləa ɓa ar mbalje lé ndər ne dɔ na̰’g tim-tim ləm, Siŋgamoŋ lé ɓa yeḛ tɔ rḛgee’g ləm tɔ.

Pakɔsje 82:8

Ǝi Ala, maji kari uba naŋg ḭtar, Gaŋ rəwta dɔ naŋg nee ya, Mbata ginkoji dəwje gə raŋg lai lé to gə́ kaḭ-i nja kára ba.

Teḛ-Raga 18:11

Ɓasinè, ma m’gər gao to gə́ Njesigənea̰ lé ur dɔ magəje’g lai, mbata némeeyèr lə njé gə́ Ejiptə lé tel oso dɔ dee-deḛ’g ya.

Esai 11:4

Nɛ yeḛ a gaŋg rəwta lə njéndooje lé gə goo rəw gə́ danasur ləm, Yeḛ a kɔr kəmta lə njénékəmndooje gə́ naŋg nee gə goo rəbee ləm, Tapea gə́ to asəna gə kag-tɔs lé Yeḛ a kunda ne naŋg nee ləma, Lel təa gə́ a tó pu lé a kar njemeeyèr wəi ne ləm tɔ.

Matiyo 24:22

Ɓó lé kuree əw waga el ndá dəw-kunda lə Ala kára kara a kaji el, nɛ mbɔl dɔ deḛ gə́ d’ɔr dee d’unda dee gə kəmee lé kuree a kəw ne waga ya.

Tagə́maji gə́ Ja̰ ndang 19:22

Pilatə ila dee keneŋ pana: Ta gə́ ma m’ndaŋg lé m’ndaŋg mba̰ ya!

Njé gə́ Rɔmə 9:17

Maktub gə́ to gə kəmee lé kara pata ar Parao̰ pana: Aa oo, neḛ n’ɔri gə mba kar dee d’oo loo siŋgamoŋ lə neḛ rɔi’g ləm, mba kar ri neḛ oso gə loo mbidi-mbidi ləm tɔ.

Loo gə́ killa rea kəm Ja̰’g 11:18

Ginkoji dəwje gə raŋg ra oŋg, nɛ oŋg-boo ləi taa dee rəw, kàr gaŋg-rəwta dɔ njé gə́ d’wəi’g lé kàree teḛ mba̰, kàr kuga dɔ ji kuraje ləi gə́ njéteggintaje ləm, gə dɔ ji deḛ gə́ to gə kəmee ləma, gə dɔ ji njéɓel riije gə́ to dəwje gə́ boo-boo əsé to dəwje gə́ gɔ-gɔ kara kàree teḛ mba̰ ya ləm tɔ. Kàr tuji deḛ gə́ tuji naŋg nee kara teḛ mba̰ ya.