Pakɔsje 75:4 - Maktub gə́ To gə Kəmee

⁴ Naŋg yə ləm, deḛ lai gə́ d’isi keneŋ Ndəb ne pəd-pəd ləm tɔ, Nɛ ma lé m’ar gaji kageeje ŋgəŋ ŋgəŋ-ŋgəŋ.

Pakɔsje 75:4 ပူးပေါင်းရင်းမြစ်များ

Pakɔsje 148:14

Yeḛ ar siŋga koso-dəwje ləa tel ḭ dɔ maree’g, Yee ɓa gə́ népidi mbata lə majikojije ləa lai ləm, Mbata lə Israɛlje gə́ d’isi mbɔree’g dəb ləm tɔ. Maji kar sí pidije Njesigənea̰ ya.

Pakɔsje 68:3

To gə́ sa pər sané ne kad lé I nja kara ar dee sané ne kad bèe tɔ, To gə́ ya̰-tḛji léḛ ne pe’d sələlə lé Njémeeyèrje kara sanéna̰ nɔḭ-i Ala’g lé bèe tɔ.

Pakɔsje 89:17

Deḛ d’al rɔ dee gə rii gə́ kédé-kédé ləm, Ta ləi gə́ to gə dɔ najee lé kara Deḛ nduba ne rɔ dee ká ləm tɔ.

Pakɔsje 94:8

Seḭ dəwje gə́ njégərnéelje lé Undaje kəmkàr dɔ rɔ sí’g, Seḭ mbə-dəwje lé kara See ndɔ gə́ ra ɓa kəm sí a kàr ɓəi wa.

Pakɔsje 97:5

Dɔ mbalje lé léḛ sələlə-sələlə Asəna gə ya̰-tḛji bèe no̰ Njesigənea̰’g, No̰ Mbaidɔmbaije gə́ to mbai dɔ naŋg nee lai.

Gosota-Kəmkàrje 1:22

Seḭ gə́ négər na meḛ sí tas lé See ndɔ gə́ ra ɓa a kəwje rɔ sí raje né Gə́ gə mḭdé ba lé wa. Seḭ njékula sul dɔ loo’gje lé See kula sul dɔ loo’d gə́ lel sí lé A kundaje ŋgaŋgee ndɔ gə́ ra wa. Seḭ mbəje kara see ndɔ gə́ ra ɓa A kundaje ŋgaŋ mbad gər gin né lé wa.

Gosota-Kəmkàrje 8:5

Seḭ gə́ gərje né el lé Maji kar sí ndooje loo-kɔrkəmné, Seḭ mbəje lé Maji kar sí ndooje gosonégər tɔ.

Gosota-Kəmkàrje 9:6

Maji kar sí ubaje négərel lé yá̰je Ndá a síje tɔɓəi Seḭ a njaaje dan rəw’g lə gosonégər!

1 Samel 2:8

Yeḛ ɔr njendoo dan babur’g ləm, Yeḛ ɔr njenékəmndoo dan siḭ néje’g ləm tɔ Mba kar dee d’isi gə njériɓarje na̰’d. Nénduba gə́ yeḛ ar dee lé To kalimbai ka̰ rɔnduba. Mbata gaji-ŋgɔ-kagje gə́ gəd ne naŋg neelé To ka̰ Njesigənea̰ Ndá yeḛ nja unda naŋg nee dɔ dee’g tɔ.