Pakɔsje 74:9 - Maktub gə́ To gə Kəmee

⁹ Nétɔjije lə síjeḛ lé j’oo kára kara bèe el ləm, Njetegginta kára kara godo ləma, Dəw kára kara mbuna sí’g gər to gə́ né neelé a to saar kunda ŋgaŋgee ra wa bèe el ləm tɔ.

Pakɔsje 74:9 ပူးပေါင်းရင်းမြစ်များ

Teḛ-Raga 12:13

Məs lé ɓa a to nétɔji dɔ kəije gə́ seḭ síje keneŋ, n’a koo məs neelé ndá n’a dəs dɔ sí’g tar tɔɓəi loo gə́ n’a kila tuji dɔ ɓee gə́ Ejiptə’g ndá tuji-boo neelé a tuji sí el.

Nɔ̰-ndôo gə́ wɔji dɔ Jerusalem 2:9

Tarəwkɔgje ləa lai təd kərm-kərm ləm, Yeḛ təd pəgərəje ləa jané dee kad-kad ləm tɔ. Mbai ləa gə ŋgan-mbaije ləa lé D’isi mbuna ginkoji dəwje gə raŋg’g, Godndu godo. Njéteggintaje kara Njesigənea̰ Riba sə dee dɔ némḭdije kára kara el tɔ.

Ejekel 20:12

Ndɔ-kwa-rɔje kara n’ar dee gə́ nétɔji mbuna neḛ-neḛ’g sə deeje mba kar dee gər to gə́ neḛ n’to Njesigənea̰ gə́ n’unda dee gə kəmee.

Ejekel 7:26

Meeko̰ ree gə́ dɔ maree’g-maree’g ləm, Sor tuji teḛ orè goo na̰-na̰ ləm tɔ, Deḛ dəji njéteggintaje némḭdije, Njékinjanéməsje gər godndu el ŋga ləm, Ta kwɔji kəmkàr godo rɔ ŋgatɔgje’g ləm tɔ.

Amɔs 8:11

Mbaidɔmbaije gə́ Njesigənea̰ pa pana: Aa ooje, mee ndəaje gə́ d’a gə teḛ lé N’a kar ɓoo-boo gə́ a koso dɔ naŋg’g lé A to ɓó gə́ wɔji dɔ muru əsé kunda Gə́ wɔji dɔ mán gə́ godo lé el Nɛ ɓó gə kunda neelé a to wɔji dɔ Mal koo ta lə Njesigənea̰ ya goo kára ba.

Misee 3:6

Gelee gə́ nee ɓa seḭ a síje ne dan loondul’g Ɓó a kooje némḭdije el! Seḭ a síje dan loondul gə́ ndul njudu-njudu’g Ɓó a kooje ndərtaje gə́ wɔji dɔ Njesigənea̰ el! Lookàr a tel to loondul dɔ njéteggintaje’g neelé Asəna gə kàr gə́ ur naŋg bèe.

Misee 3:7

Rɔkul a dəb dɔ njénékooje’g gə dɔ njésaŋ ndilje’g ləm, Deḛ lai d’a si gogəro gə rɔkul ləm tɔ Mbata Ala a gə kila dee ta’g el.

Ǝbrəje 2:4

Ala kara ɔr goo ta lə dee aree to ne njaŋg gə nédumkooje gə némɔrije ɓəd-ɓəd ləm, gə nénojije gə́ Ndilmeenda kai dee to gə́ mée ndigi ləm tɔ.

Njéga̰g-Rəwtaje 6:17

Gedeo̰ tel ilá keneŋ pana: Ɓó lé m’taa kəmi ndá maji kari ra né kára mba tɔjim ne to gə́ i ɓa ulam ta nee ya.

1 Samel 3:1

Samel, ŋgon basa lé ra kula lə Njesigənea̰ no̰ Eli’g. Mee ndəaje’g neelé Njesigənea̰ ula dəwje ta ta-ta el ləm, némḭdije kara teḛ ta-ta el ləm tɔ.