Pakɔsje 74:15 - Maktub gə́ To gə Kəmee

¹⁵ I ar kəm-rəw-manje gə ŋgira-manje tuba tir-tir ləm, Man baaje gə́ d’yi kédé gə́ ləw el lé I ar dee tudu kurum-kurum ləm tɔ.

Pakɔsje 74:15 ပူးပေါင်းရင်းမြစ်များ

2 Mbaije 2:14

Yeḛ un kubu lə Eli gə́ boi yul gə́ yeḛ ɔr ila aree lé ndá yeḛ unda ne dɔ mán ndá yeḛ pana: See Njesigənea̰ Ala lə Eli əd ra wa. Tɔɓəi yeḛ tel unda mán lé gogo ɓəi ndá mán kai rəa dana gə́ yo gə́ nee ar Elije dəs aw ne.

2 Mbaije 2:8

Yen ŋga Eli ɔr kubu ləa gə́ boi yul kə́ na̰’d unda ne dɔ mán gə́ Jurdɛ̰ ndá mán kai rəa yo gə́ nee, ar dee-deḛ joo bɔr dəs keneŋ loo gə́ tudu’g.

Pakɔsje 105:41

Yeḛ ta̰ kaar mbal ar mán teḛ keneŋ Man lé ula gɔl-gɔl taa loo yal-yal To gə́ mán baa gə́ ula looje gə́ tudu kurum-kurum’g lé bèe.

Pakɔsje 114:3

Baa-boo-kad lé oo né neelé ndá Aḭ aw əw ləm, Man baa gə́ Jurdɛ̰ lé kara Rəm ula gə́ gogo ləm,

Pakɔsje 78:15

Yeḛ ta̰ biri mbalje gə́ dɔdilaloo’g lé dana Ar dee d’iŋga ne mán-kai gə́ uba tir-tir lé.

Esai 11:16

Bèe ɓa rəw a to keneŋ mbata ges koso-dəwje ləa gə́ nai Gə́ teḛ ji Asirije’g To gə́ rəw to keneŋ kédé gə́ ləw mbata lə Israɛlje Mee ndəa gə́ deḛ d’unda ne loo mee ɓee gə́ Ejiptə teḛ lé tɔ.

Esai 44:27

Ma m’ula ŋguru mán gə́ uru lé m’pana: Maji kari yi tə-tə ləm, M’a kar mán baaje ləi tudu kurum-kurum ləm tɔ.

Esai 48:21

Mee dɔdilalooje gə́ yeḛ a kɔr no̰ dee keneŋ lé Kṵdaman a tɔl dee el. Yeḛ a kar mán uba tir-tir kaar biri mbal’g Gə mbata lə dee ləm, Yeḛ a ta̰ biri mbal ndá Man a kaḭ ya ləm tɔ.

Habakuk 3:9

I wa ɓandaŋg ləi raga kègègè. Nḛ́dɔlje ɓa to asəna gə kandə ɓandaŋgje gə́ teḛ tai’g. I ta̰ kəm naŋg mba kar mán baaje d’ula keneŋ.

Bula lə Israɛlje 20:11

Yen ŋga Moyis un jia gə́ tar unda ne mbal gə kag-tɔs ləa gɔl joo. Ndá mán teḛ kaar mbal’g tir-tir ar koso-dəwje gə nékulje lə dee d’ai tɔ.

Jujé 2:10

Mbata jeḛ j’oo ta né gə́ Njesigənea̰ ra ar baa-boo-kad gə́ ria lə Baa-Kas lé yi no̰ sí’g tə, loo gə́ seḭ undaje loo mee ɓee gə́ Ejiptə teḛje ləm, j’oo sor né gə́ seḭ raje gə Siho̰ gə Ɔg deḛ joo gə́ to mbaije lə Amɔrje, kel tura-baa gə́ Jurdɛ̰ nu, loo gə́ seḭ tuji deeje ne pugudu lé ləm tɔ.

Loo gə́ killa rea kəm Ja̰’g 16:12

Kura gə́ dara gə́ njekɔm dee’g misa̰ aw ɔm oŋg gə́ to mee bai’g ləa dɔ baa-boo gə́ ria lə Epratə ndá manee yi tə-tə gə mba gɔl ne rəw lə mbaije gə́ d’a gə kḭ bər lé.