Pakɔsje 73:6 - Maktub gə́ To gə Kəmee

⁶ Gelee gə́ nee ba ti-rɔ to gə́ mər kila gwɔs dee’g ləm, Néra gə́ kərm-kərm ɓa to gə́ kubu gə́ dolè rɔ dee yul-yul bèe ləm tɔ.

Pakɔsje 73:6 ပူးပေါင်းရင်းမြစ်များ

Gḭ-Néje 41:42

Parao̰ ɔr ŋgama ləa gə́ jia’g ula ji Jisəb’g ləm, yeḛ ula kubu gə́ ra gə kúla palégal rəa’g ləma, ila yeŋgəre larlɔr gwɔsee’g ləm tɔ.

Este 3:1

Goo néje’g neelé ndá mbai Asuerus ula dɔmoŋ dɔ Aman, ŋgolə Hamedata’g, dəw gə́ Agag. Yeḛ unee undá daŋdɔ aree to gə́ ŋgaw-ta deḛ lai gə́ to ŋgan-mbaije gə́ d’isi mbɔree’g lé.

Pakɔsje 109:18

Maji kar ndɔl wa dəa to gə́ kubu gə́ dəw dolè ne rəa bèe ləm, Maji karee andə mée’g to gə́ mán ləma, To gə́ ubu andə ne mee sḭgareaje’g bèe ləm tɔ.

Pakɔsje 109:29

Maji kar kəm sɔḭ wa kəm njékoma̰ səmje Asəna gə kubu bèe ləm, Maji kar dee dolè rɔ dee gə rɔkul Asəna gə kubu gə́ ŋgal yududu bèe ləm tɔ!

Gosota-Kəmkàrje 1:9

Mbata to dɔgugu-noji gə́ ka̰ kula dɔi’g ləm, Gə nékuraje gə́ ka̰ kɔm gwɔsi’g ləm tɔ.

Gosota-Kəmkàrje 3:31

Dəw gə́ njera né kərm-kərm lé Maji kar kəmi əḭ dəa’g el ləm, Maji kari un rəw-kabeeje kára kara Mba njaa keneŋ el ləm tɔ.

Gosota-Kəmkàrje 4:17

Mbata muru gə́ ka̰ meeyèr ɓa d’o̰ ləm, Man-nduú gə́ ka̰ néra gə́ kərm-kərm ɓa deḛ d’ai ləm tɔ.

Njekillamber 8:11

Mbata ta gə́ gaŋg dɔ néraje gə́ majel’d Gə́ d’aree aw ne lée’g béréré Dɔ dee’g kalaŋ el lé Ɓa ar dəwje d’wɔji ne néra gə́ majel Meḛ dee’g ra gə́ kédé-kédé.

Pa gə́ ur dɔ paje 4:9

Kɔnanəm, i gə́ ur məəm’g njɔd lé, Rɔlel taa məəm pəl-pəl Loo gə́ i tɔl kəmi mbilao ləm, Kula mər ləi gə́ gwɔbi gə́ i am lé Ar rɔlel taa məəm pəl-pəl ləm tɔ.

Esai 3:19

Gə mbaiŋgiraje, gə niŋgaje gə́ ji dee’g, Gə kubuje gə́ ka̰ konkəm dee ləm,

Jeremi 48:11

Ɓee gə́ Moab lé un kudee gə basee ba ya Aw yururu asəna gə mán-nduú Gə́ toso ɗəḭ-ɗəḭ dɔ gwɔiyee’g Ɓó dəw unee mbélee mee jo gə́ raŋg’d el ləm, D’aw səa ɓee-ɓər’g el ləm tɔ. Yee ɓa lel ləa ɔr ne el ləm, Baḭyee tel ə̰də ne ɓəd el ləm tɔ.

Jeremi 48:29

Jeḛ n’gərje beelé lə Moab Gə́ majidum lé gao, Gə beelé ləa gə́ dum dɔ loo ləm, Gə ti-rɔ ləa ləm, Gə kəsta ləa ləma, Gə takə̰ji ti-rɔ ləm tɔ.

Ejekel 16:11

Neḛ n’ɔm néndamje rɔi’g ləm, n’ɔm niŋga jii’g ləma, n’ila mər-mbai gwɔsi’g ləm tɔ,

Loo gə́ killa rea kəm Daniel’g 4:30

Léegəneeya, ta gə́ pa dɔ Nebukadnesar’g lé aw lée’g béréré. Deḛ d’ɔsee mbuna dəwje’g tubá ləm, yeḛ sɔ mu to gə́ bɔ maŋgje bèe ləma, mán tàl tən rəa’g ləm tɔ saar ar yiŋga dəa ḭ ŋgal to gə́ bèl niŋgatə̰də ləm, yel jiaje gə yel gɔleeje d’uba ŋgal to gə́ ka̰ yelje bèe ləm tɔ.

Misee 3:5

Ta gə́ Njesigənea̰ pa Dɔ njéteggintaje gə́ d’ar koso-dəwje lə neḛ ndəm lé ɓa nee: Loo gə́ nésɔ to ŋgaŋ dee’g mba kar deḛ to̰ ndá D’ila mber meekulɔm Nɛ loo gə́ nésɔ godo ta dee’g ndá Mber rɔ ɓa d’ila tɔ.

Tel tura Godndu 32:15

Israɛlje lé tel d’ər ndɔl-ndɔl ndá Deḛ gad kudu dee gə́ gogo ləm Deḛ tel boo ləm Gə tel d’ər ndɔl-ndɔl ləm tɔ! Ndá deḛ d’uba Ala d’yá̰ Yeḛ gə́ to njekunda dee ləm Mbal gə́ to gin kaji lə dee lé Deḛ d’ée gə́ né el ləm tɔ.

1 Piɛrə 5:5

Seḭ basaje kara osoje kul no̰ ŋgatɔgje’g lə sí. Seḭ lai lé ulaje dɔ sí arje na̰, mbata Ala lé ɔs njébeeleje rəw, Nɛ yeḛ wa noji gə njekula dɔ deeje.

Njéga̰g-Rəwtaje 8:26

Kwɔi lə ŋgamaje gə́ ra gə larlɔr gə́ Gedeo̰ dəji lé to asəna gə nékwɔji kwɔi-lə-né rɔ-joo lal né kɔm gwɔbje’d gə́ ndaji naḭ gə́ teḛ sigi ləm, lal mbaiŋgiraje ləm, lal kubuje gə́ kas gəḭ gə́ to kubu kula mbaije gə́ Madian ləma, lal ma̰a kɔm gwɔb jambalje’g bèe ləm tɔ.